ટેસ્ટ મેચમાં ઓસ્ટ્રેલિયાને હરાવ્યા બાદ પહેલી વનડેમાં જીત મેળવીને ઓસ્ટ્રેલિયા સામેની બીજી વનડેમાં ભારતીય ટીમ 117 રનમાં ઓલઆઉટ થઈ ગઈ છે. ઓસ્ટ્રેલિયા સામે પોતાના હોમ ગ્રાઉન્ડ પર ટીમ ઈન્ડિયાનો આ સૌથી નીચો સ્કોર છે. અક્ષર પટેલ 29 રન બનાવી અણનમ રહ્યો હતો. મોહમ્મદ સિરાજ 0 રન પર છેલ્લી વિકેટ તરીકે આઉટ થયો હતો. સ્ટાર્કે પાંચ વિકેટ સાથે ઈન્ડિયાના ટોપ ઓર્ડરને સંપૂર્ણ રીતે ધ્વસ્ત કર્યું.
What a bowling performance from Australia! ✨
India are all out for 117! #INDvAUS | ???? Scorecard: https://t.co/5ISBBNMhiZ pic.twitter.com/bfWB2MMDQE
— ICC (@ICC) March 19, 2023
ટોસ હાર્યા બાદ બેટિંગ કરવા ઉતરેલી ભારતીય ટીમની શરૂઆત સારી રહી ન હતી અને ટીમના 3 રનના સ્કોર પર ઓપનર શુભમન ગિલ એક રન બનાવીને આઉટ થઈ ગયો હતો. તે ઝડપી બોલર મિચેલ સ્ટાર્કના હાથે માર્નસ લાબુશેનના હાથે કેચ આઉટ થયો હતો. ત્યારબાદ રોહિત શર્મા (13 રન) સ્ટાર્કના જ બોલ પર આઉટ થયો હતો. તે સ્લિપમાં સ્ટીવ સ્મિથના હાથે કેચ આઉટ થયો હતો. સુકાની બાદ રમવા આવેલા સૂર્યકુમાર યાદવ (0), કેએલ રાહુલ (9) અને હાર્દિક પંડ્યા (1) આઉટ થયા હતા. ત્રણેય ડબલ ફિગર પાર કરી શક્યા ન હતા.
અબોલ ઉપરાંત નાથન એલિસે પણ બે વિકેટ ઝડપી હતી. એલિસે રવિન્દ્ર જાડેજા (16 રન) અને વિરાટ કોહલી (31 રન)ને હટાવ્યા હતા. આ પહેલા મિચેલ સ્ટાર્કે ચાર વિકેટ લીધી હતી. તેણે શુભમન ગિલ (0), કેપ્ટન રોહિત શર્મા (13), સૂર્યકુમાર યાદવ (0) અને કેએલ રાહુલ (9 રન)ની વિકેટ લીધી હતી.
આ પણ વાંચો : IND vs AUS બીજી વનડે : રોહિત શર્મા ટીમમાં આવતાં આ ખેલાડી બહાર, શું હશે આજે પ્લેયિંગ-11?
રોહિત શર્મા પ્રથમ વખત કાંગારૂઓ સામેની વનડેમાં ભારતીય ટીમની કેપ્ટનશીપ કરી રહ્યો છે. ભારતીય ટીમ શ્રેણીમાં 1-0થી આગળ છે. જ્યારે વર્લ્ડ કપ પહેલાં ઓસ્ટ્રેલિયા સામે આ અંતિમ સિરિઝ છે. જેના માટે એક પરફેક્ટ કોમ્બિનેશન પર સૌ કોઈની નજર છે.
