અર્જુન કપૂર સાથેની ડેટ પર બોલી મલાઈકા અરોરા, કહ્યું તે મને ‘યુવા’ રાખે છે

કહેવાય છે કે પ્રેમમાં કોઈ ઉંમર નથી હોતી. બોલિવૂડ એક્ટ્રેસ મલાઈકા અરોરાએ પણ પોતાનાથી નાની ઉંમરના એક્ટર અર્જુન કપૂર સાથે ડેટિંગ કરી રહી છે. બોલિવૂડ એક્ટ્રેસ મલાઈકા અરોરા તેના કામની સાથે સાથે તેની અંગત જિંદગીને લઈને પણ ચર્ચામાં રહે છે. પોતાનાથી નાના એક્ટર સાથેની ડેટ દરેકનું ધ્યાન ખેંચે છે. અરબાઝ ખાન સાથે મલાઈકાના છૂટાછેડાનું કારણ લોકો અર્જુન કપૂરને માને છે. તે વાત અલગ છે કે એક્ટ્રેસે આ મામલે ઘણી વખત પોતાનો ખુલાસો રજૂ કર્યો છે. તેના કહેવા પ્રમાણે, તેની અને અરબાઝ વચ્ચે પહેલા જેવું ન હતું.

તમને જણાવી દઈએ કે મલાઈકા અને અરબાઝે 2017માં છૂટાછેડા લીધા હતા. જો કે, છૂટાછેડા પછી પણ, આ પૂર્વ યુગલ તેમના પુત્ર અરહાન માટે એકબીજાને મળે છે અને પાર્ટી પણ કરે છે. તે જ સમયે, છૂટાછેડાના 2 વર્ષ પછી, મલાઈકા અને અર્જુને તેમના સંબંધો જાહેર કર્યા હતા. હાલમાં જ એક પ્રાઈવેટ ચેનલને આપેલા ઈન્ટરવ્યુ દરમિયાન મલાઈકાને તેની પર્સનલ લાઈફ વિશે ઘણા સવાલો પૂછવામાં આવ્યા હતા.

આ પણ વાંચો : શું મલાઈકા અરોરા અને અર્જુન કપૂર કરવા જઈ રહ્યા છે લગ્ન ?

નાની ઉંમરના એક્ટર સાથે અમેઝિંગ અનુભવ

મલાઈકાને અર્જુન વિશે પૂછવામાં આવ્યું હતું કે તેના કરતા નાની ઉંમરના એક્ટર સાથે ડેટ કરવાનો કેવો અનુભવ છે. તેના જવાબમાં મલાઈકાએ કહ્યું, મને લાગે છે કે તે અમેઝિંગ છે. જ્યારે મેં છૂટાછેડા લીધા, ત્યારે મને કહેવામાં આવ્યું કે આ ટેગ હંમેશા તેની સાથે રહેશે. છૂટાછેડા પછી પ્રેમ શોધવો એ અલગ બાબત છે. અને એમાય એક નાની ઉંમરના વ્યક્તિમાં પ્રેમ શોધવો, મને સ્પષ્ટપણે કહેવામાં આવ્યું હતું કે મેં મારો માર્બલ ગુમાવી દીધો છે.

આ પણ વાંચો : મલાઈકા સાથે ફોટો પડાવવો પુરુષને ભારે પડ્યો, જુઓ વીડિયો

પ્રેમની કોઈ ઉંમર નથી હોતી

પ્રેમને કોઈ ઉંમરનું બંધન નથી હોતું. પોતાની વાત પૂરી કરતાં મલાઈકાએ વધુમાં કહ્યું કે, હું એટલું જ કહેવા માંગુ છું કે પ્રેમની કોઈ ઉંમર હોતી નથી. જો તમે પ્રેમ કરો છો, તો તમે પ્રેમ કરો છો. ભલે તે નાનો માણસ હોય કે મોટો માણસ, જ્યાં આપણે હોઈએ તે જગ્યાને તે ડિફાઇન નથી કરી શકતા. હું આભારી છું કે મને એક સાથી મળ્યો જે મને સમજે છે. હકીકત એ છે કે તે યુવાન છે અને મને પણ યુવાન રાખે છે. મને લાગે છે કે હું બધાથી ઉપર છું.

આ પણ વાંચો : મલાઈકા અરોરાની પ્રેગ્નન્સીના સમાચાર સાંભળીને ગુસ્સે થયો અર્જુન કપૂર, જુઓ ગુસ્સામાં શું કહ્યું

લગ્નને લઇ હાલમાં કોઈ નિર્ણય નથી

મલાઈકાએ પોતાના લગ્નના પ્લાન વિશે પણ વાત કરી. તેણે કહ્યું કે દરેક વસ્તુનો અંત લગ્ન જ કેમ જોય છે. લગ્ન એક એવી વસ્તુ છે જેની ચર્ચા બે લોકો વચ્ચે થાય છે. મલાઈકાના કહેવા પ્રમાણે, તેણે હજુ સુધી લગ્નને લઈને કોઈ નિર્ણય લીધો નથી. જ્યારે આવું કંઈક થશે, ત્યારે તે ચોક્કસપણે કહેશે. હાલમાં તે અર્જુન સાથે પ્રી-હનીમૂન ફેઝ માણી રહી છે.