પાલનપુર: સિંધી સમાજના સંત શિરોમણી શ્રી લીલાશાહ મહારાજની 143 મી જન્મ જયંતી પર્વની ઉજવણી કરાઇ

પાલનપુર: સિંધી સમાજના સંત શિરોમણી પરમ પૂજ્ય શ્રી સ્વામી લીલાશાહ મહારાજ ની 143 મી જન્મ જયંતી પર્વની ગુરૂવારના રોજ ભક્તિ સભર માહોલમાં ડીસાની સિંધી કોલોની સ્થિત શ્રી લીલાશાહ મહારાજના મંદિર પરિસર ખાતે સ્વામી લીલાશાહ સેવા સમિતિ દ્વારા કરવામાં આવી હતી.

શોભાયાત્રા, આરતી,પ્રસાદ,હવન સત્સંગ સહિત કાર્યકમ યોજાયા

શ્રી લીલાશાહ મહારાજના 143 માં જન્મ જયંતિ પ્રસંગે આરતી,પ્રસાદ, હવન,હરિઓમ સત્સંગ સહિત કાર્યકમનું આયોજન કરવામાં આવ્યું હતું. આ પ્રસંગે યોજાયેલ શોભાયાત્રા મા સિંધી સમાજના પરિવારજનોએ બહોળી સંખ્યામાં ઉપસ્થિત રહી ધાર્મિક તેમજ સેવાકીય કાર્યક્રમમાં સહભાગી બન્યા હતા.

પરમ પૂજ્ય શ્રી લીલાશાહ મહારાજની 143 મી જન્મ જયંતી પ્રસંગે ડીસાના જલારામ ભવન ખાતે આયોજિત કરાયેલા સમૂહ પ્રસાદ નો ડીસા સિંધી સમાજના પરિવારજનો એ લાભ લઇ ધન્યતા અનુભવી હતી. પ્રસંગને સફળ બનાવવા સ્વામી લીલાશાહ સેવા સમિતિના સભ્યોએ જહેમત ઉઠાવી હતી.

આ પણ વાંચો :એક અઠવાડિયામાં અમેરિકાની ત્રણ બેંકોને તાળાં લાગ્યાં, જાણો કેમ આવું થયું ?