સતીષ કૌશિક મૃત્યુ કેસ: પોલીસ સતીષના મિત્ર વિકાસ માલુની પત્નીનું નિવેદન નોંધશે
સતીષ કૌશિકના મૃત્યુના મામલામાં દિલ્હી પોલીસ વિકાસ માલુની પત્નીનું નિવેદન નોંધશે. વિકાસ માલુની પત્નીએ પોતાના પતિ પર સતીષ કૌશિકની હત્યાની આશંકા વ્યક્ત કરી છે. આ પહેલા પોલીસે પાર્ટીના દિવસે હાજર લગભગ 1 ડઝન લોકોના નિવેદન નોંધ્યા છે.
સતીષ કૌશિકના મૃત્યુના કેસમાં વિકાસ માલુની પત્નીએ એવો દાવો કરીને સનસનાટી મચાવી દીધી કે અભિનેતાનું મૃત્યુ હાર્ટ એટેકથી નથી થયું, પરંતુ તેની હત્યા કરવામાં આવી છે. મૃત્યુ પહેલા સતીષ કૌશિક વિકાસ માલુ સાથે પાર્ટીમાં ગયા હતા.
15 કરોડ માટે હત્યાનો દાવો
વિકાસ માલુની પત્નીએ દિલ્હી પોલીસને આપેલી ફરિયાદમાં દાવો કર્યો છે કે તેના પતિએ 15 કરોડ રૂપિયાના વિવાદને લઈને સતીષ કૌશિકની હત્યા કરી હતી. મહિલાએ જણાવ્યું હતું કે તેના પતિ વિકાસ માલુએ સતીષ કૌશિક પાસેથી 15 કરોડ રૂપિયા લીધા હતા. તેનો પતિ પૈસા ચૂકવવામાં અસમર્થ હતો. આ વિવાદને કારણે તેણે અભિનેતાની હત્યા કરી નાખી.\
આ પણ વાંચોઃ સતીષ કૌશિકને અપાયું હતું ઝેર ? આરોપો પર ફાર્મ હાઉસ માલિકે તોડી ચુપકી
જણાવી દઈએ કે મહિલાનો તેના પતિ વિકાસ માલુ સાથે વિવાદ ચાલી રહ્યો છે. તેણે વિકાસ માલુ સામે બળાત્કારનો કેસ પણ દાખલ કર્યો છે.
સતીષ કૌશિકના મૃત્યુ કેસમાં અત્યાર સુધી શું થયું?
દિલ્હી પોલીસ હજુ પણ 174 CrPC હેઠળ કેસની તપાસ કરી રહી છે. પોલીસે ફાર્મ હાઉસના માલિક વિકાસ માલુનું નિવેદન નોંધી લીધું છે, જેમાં તેણે સતીષ કૌશિકની ખરાબ તબિયત વિશે જણાવ્યું હતું.
દિલ્હી પોલીસે વિકાસ માલુની પત્નીનું નિવેદન નોંધવા માટે સંપર્ક કર્યો હતો પરંતુ તેણે હજુ સુધી તેનું નિવેદન નોંધ્યું નથી. વિકાસ માલુની પત્નીનું નિવેદન નોંધ્યા બાદ દિલ્હી પોલીસ ફરીથી વિકાસ માલુનું નિવેદન નોંધી શકે છે.
Satish Kaushik's death case: Delhi Police reached Vikas Malu's farmhouse pic.twitter.com/RPLGYBzWIv
— ANI (@ANI) March 12, 2023
સતીષ કૌશિકના મોતના મામલામાં દિલ્હી પોલીસે અત્યાર સુધીમાં સતીશ કૌશિકના પીએ, ફાર્મ હાઉસના માલિક, ગાર્ડ, ફાર્મ હાઉસમાં હાજર મહેમાન સહિત 20 લોકોના નિવેદન નોંધ્યા છે.
દિલ્હી પોલીસના જણાવ્યા અનુસાર, હજુ સુધી સતીષ કૌશિકના પરિવારે કોઈની સામે કોઈ આરોપ લગાવ્યો નથી. પોસ્ટ મોર્ટમ રિપોર્ટમાં હાર્ટ એટેકનો મામલો સામે આવ્યો છે. વિસેરાને તપાસ માટે મોકલવામાં આવ્યા છે.
