ઈન્સ્ટાગ્રામ ફરી એકવાર ડાઉન થતા યુઝર્સને હાલાકી
વિશ્વભરના સોશિયલ મીડિયા યુઝર્સને ઈન્સ્ટાગ્રામનો ઉપયોગ કરવામાં મુશ્કેલી પડી રહી છે. અહેવાલો અનુસાર, હજારો વપરાશકર્તાઓએ ઇન્સ્ટાગ્રામ ડાઉન હોવાની જાણકારી આપી હતી. મેટા ની એપ્લિકેશનમાં સર્વર કનેક્શનમાં સમસ્યા છે.
આ પણ વાંચો : IND vs AUS : બંન્ને દેશના પીએમ પહોંચ્યા સ્ડેડિયમ, ઓસ્ટ્રેલિયાએ ટોસ જીતી બેટિંગ પસંગ કરી
લોકપ્રિય ફોટો શેરિંગ એપ ઈન્સ્ટાગ્રામ ફરી એરવાર ડાઉન થયુ છે. સમગ્ર વિશ્વમાં યુઝર્સને તેનો ઉપયોગ કરવામાં મુશ્કેલીનો સામનો કરવો પડી રહ્યો છે. ગુરુવારે સવારે ઈન્સ્ટાગ્રામ ડાઉનના સમાચાર સર્વત્ર ફેલાઈ ગયા. તે જ સમયે, અન્ય સોશિયલ મીડિયા પ્લેટફોર્મ પર, વપરાશકર્તાઓ Metaની એપ્લિકેશન વિશે ફરિયાદ કરી રહ્યા છે. સોશિયલ મીડિયા પ્લેટફોર્મ અને વેબસાઈટના ક્રેશ અથવા ડાઉનની ઘટનાઓ પર નજર રાખતી વેબસાઈટ ડાઉન ડિટેક્ટર અનુસાર, આજે હજારો વપરાશકર્તાઓને ઈન્સ્ટાગ્રામ ચલાવવામાં મુશ્કેલીનો સામનો કરવો પડ્યો હતો.
ડાઉન ડિટેક્ટર અનુસાર, લોકોએ Instagram ને લગતી 27,000 થી વધુ ઘટનાઓની જાણ કરી છે. આ પ્લેટફોર્મ પર, સોશિયલ પ્લેટફોર્મ અને વેબસાઇટ ડાઉનનો ડેટા ઘણી રીતે એકત્રિત કરવામાં આવે છે. આમાં વપરાશકર્તાઓ દ્વારા પોતે જાણ કરવામાં આવેલી સમસ્યાઓનો પણ સમાવેશ થાય છે.
આ પણ વાંચો : અભિનેતા સતીશ કૌશિકનું 66 વર્ષે નિધન, અનુપમ ખેરે ટ્વિટ કરીને આપી માહિતી
ઈન્સ્ટાગ્રામ ડાઉનના સમાચાર આજે સવારે 7 વાગે જાણવા મળ્યા. નોંધાયેલી ફરિયાદોમાંથી 50% સર્વર કનેક્શન સમસ્યાઓ સંબંધિત હતી. તે જ રીતે, 20 ટકા ફરિયાદોમાં લોગિનની સમસ્યાનો ઉલ્લેખ કરવામાં આવ્યો છે. તમને જણાવી દઈએ કે ઈન્સ્ટાગ્રામની માલિકી અમેરિકન ટેક કંપની મેટા પાસે છે. તે જ સમયે, મેટાએ ઇન્સ્ટાગ્રામ ડાઉન થવા વિશે સત્તાવાર રીતે કંઈ કહ્યું નથી.
સોશિયલ મીડિયા પર ફરિયાદ
યુઝર્સનું કહેવું છે કે ઈન્સ્ટાગ્રામ ખોલવા પર પ્લેટફોર્મ ક્રેશ થઈ રહ્યું છે. આ સિવાય લોગીનમાં પણ સમસ્યા છે. વિશ્વના વિવિધ ભાગોમાં સોશિયલ મીડિયા એપ ડાઉન થઈ ગઈ છે. તે જ સમયે, કેટલાક વપરાશકર્તાઓ ટ્વિટર પર Instagram વિશે ફરિયાદ કરી રહ્યા છે. યુઝર્સ અલગ-અલગ પ્રકારના મીમ્સ શેર કરીને મજા પણ માણી રહ્યા છે. યુઝર્સનું કહેવું છે કે ઇન્સ્ટાગ્રામ ડાઉન હોવાની પુષ્ટિ કરવા માટે દરેક ટ્વિટર પર આવી રહ્યા છે.
Elon musk right now ???? pic.twitter.com/Hs4W2HqLK4
— Kartik Thakur (@kartikthakurrr) March 9, 2023
વીડિયો શેર કરતી વખતે એક યુઝરે જણાવ્યું કે જ્યારે ઈન્સ્ટાગ્રામ ડાઉન છે ત્યારે ટ્વિટરના માલિક એલોન મસ્ક શું કરી રહ્યા છે.
ઇન્સ્ટાગ્રામની સેવા સામાન્ય બનતા પહેલા કેટલાક કલાકો સુધી આઉટેજ હતું, જેના કારણે વપરાશકર્તાઓ હતાશ થયા હતા અને પ્લેટફોર્મનો ઉપયોગ કરવામાં અસમર્થ હતા. તે સ્પષ્ટ નથી થયું કે આ ઘટના ઇન્સ્ટાગ્રામની ટેકનિકલ સમસ્યાથી સંબંધિત છે કે અન્ય કોઈ કારણથી.
