ટેસ્ટ સિરીઝની વચ્ચે આ ખેલાડી માટે આવ્યા સારા સમાચાર,બીજી વખત બન્યો પિતા

ભારતીય ટીમના ઝડપી બોલર ઉમેશ યાદવે આજે એટલે કે 8મી માર્ચે મોટા સમાચાર જાહેર કર્યા છે. તેણે પોતાના ઓફિશિયલ સોશિયલ મીડિયા એકાઉન્ટ પરથી જાણકારી આપી કે એક નાનકડી પરી તેના ઘરે આવી છે. ઉમેશ યાદવ ફરી એકવાર પિતા બન્યો છે.

ઉમેશ યાદવ ફરી પિતા બન્યો

ઉમેશ યાદવ માટે આ હોળી વધુ સારી બની છે. તમને જણાવી દઈએ કે, તાજેતરમાં જ ભારતીય ફાસ્ટ બોલરના પિતાનું નિધન થયું હતું, જેના પછી તેઓ ખૂબ જ દુઃખી થઈ ગયા હતા. જો કે હવે તેના ઘરે નવા મહેમાનનું આગમન થયું છે તો તે તેનાથી ખૂબ જ ખુશ થશે.

ઉમેશ યાદવે શેર કરી પોસ્ટ

સોશિયલ મીડિયા પર પોતાની ખુશી વ્યક્ત કરતા ઉમેશ યાદવે લખ્યું કે ‘બ્લેસ્ડ વિથ બેબી ગર્લ’, આ સાથે તેણે હાર્ટ ઇમોજી પણ મૂક્યું છે. તેના આ ટ્વીટ બાદ ફેન્સ તેને અભિનંદન આપી રહ્યા છે.

Blessed with baby girl ❤️ pic.twitter.com/nnVDqJjDGs

— Umesh Yaadav (@y_umesh) March 8, 2023

ઉમેશ યાદવ અને તાન્યાની લવ સ્ટોરી

ઉમેશ યાદવ અને તેની પત્ની તાન્યાની લવ સ્ટોરી કોઈ ફિલ્મી સ્ટોરીથી ઓછી નથી કારણ કે બંનેની મુલાકાત વર્ષ 2010માં એક પાર્ટી દરમિયાન થઈ હતી. બંને એક કોમન ફ્રેન્ડ દ્વારા મળ્યા હતા. અહીંથી બંને વચ્ચે મિત્રતા શરૂ થઈ અને આ મિત્રતા ક્યારે પ્રેમમાં પરિણમી તે ખબર જ ન પડી.

વર્ષ 2013માં થયા હતા લગ્ન

તમને જણાવી દઈએ કે ભારતીય ક્રિકેટ ટીમના ફાસ્ટ બોલર ઉમેશ યાદવે નવી દિલ્હીની જાણીતી ફેશન ડિઝાઇનર તાન્યા વાધવા સાથે લગ્ન કર્યા છે. ઉમેશ યાદવ અને તાન્યાના લગ્ન વર્ષ 2013માં થયા હતા. ઉમેશ 2021માં પિતા પણ બન્યો હતો. ત્યારે તેમના ઘરે એક નાનકડી પરી આવી હતી અને આજે તેના ઘરે ફરી એક વાર પુત્રીનો જન્મ થયો છે.

આ પણ વાંચો : ખેડૂતોને તાત્કાલિક રાહત આપવા કેન્દ્ર સરકાર મેદાને, નાફેડ ડુંગળીની ખરીદી શરૂ કરશે