સુરેન્દ્રનગરઃ જિલ્લાના લીંબડી તાલુકામાં ગઇ કાલે મોડી સાંજે કડાકા ભડાકા સાથે ધોધમાર વરસાદ ખાબક્યો હતો. જેમાં લીંબડી તાલુકામાં વીજળી પડવાથી કુલ બે વ્યક્તિનાં કમકમાટીભર્યા મોત નિપજ્યાં હતા. અને લીંબડી તાલુકામાં વીજળી પડવાની લાઇવ ઘટના કેમેરામાં કેદ થઇ ગઇ હતી.
મળતી માહિતી પ્રમાણે, લીંબડી તાલુકાના નાની કઠેચીના 26 વર્ષીય મેલાભાઇ પોપટભાઇ દેવથળા પર ગત રાત્રિના કડાકા સાથે વીજળી તુટી પડતા ગંભીર ઇજાઓ થઇ હતી. બાદમાં એમને ગંભીર હાલતમાં સારવાર માટે સુરેન્દ્રનગર લઇ જવાતા આજે વહેલી સવારે સારવાર દરમિયાન મોત નીપજ્યું હતુ. જ્યારે લીંબડી તાલુકાના જાંબુ ગામે પણ એક વ્યક્તિનું મોત નીપજ્યું હતું.
નાની કઠેચીમાં યુવક પર વીજળી પડવાનો વીડિયો વાઇરલ
સુરેન્દ્રનગર જિલ્લાના લીંબડી તાલુકાના નાની કઠેચીના નળ સરોવર વિસ્તારમાં યુવક પર વીજળી પડતા યુવાન ગંભીર ઇજાગ્રસ્ત થતાં સારવાર દરમિયાન મોત થયું હતું. ત્યારે લીંબડીના નાની કઠેચીમાં યુવક પર વીજળી પડવાનો વીડિયો વાયરલ થયો હતો. આ વાયરલ વીડિયોમાં કડાકા સાથે વીજળી ખુલ્લા મેદાનમાં તૂટી પડતી કેમેરામાં કેદ થઇ હતી.
