આવતી કાલે ક્રિકેટના ઈતિહાસમાં એક નવી શરૂઆત થવા જઈ રહી છે. ભારતમાં પ્રથમ વખત BCCI મહિલા પ્રીમિયર લીગ (WPL)નું આયોજન કરવા જઈ રહી છે, જે 4 માર્ચથી શરૂ થઈ રહી છે. આ પહેલા 13 ફેબ્રુઆરીએ વિમેન્સ પ્રીમિયર લીગની હરાજી થઈ હતી, જેમાં ભારતીય ખેલાડીઓ સહિત અનેક વિદેશી ખેલાડીઓ પર પૈસાનો વરસાદ થયો હતો. અમે તમને WPLના 10 સૌથી મોંઘા ખેલાડીઓ વિશે માહિતી આપીશું.
સ્મૃતિ મંધાના છે સૌથી મોંઘી ખેલાડી
ભારતીય મહિલા ક્રિકેટ ટીમની સ્ટાર ખેલાડી સ્મૃતિ મંધાના WPLની સૌથી મોંઘી ખેલાડી છે, તેને RCBએ 3 કરોડ 40 લાખ રૂપિયામાં ખરીદી હતી. જ્યારે કે RCBએ તેને પોતાની ટીમની કેપ્ટન પણ નહોતી બનાવી, ખાસ વાત એ છે કે સૌથી પહેલી બોલી પણ સ્મૃતિની પર જ લગાવવામાં આવી હતી. અને સૌથી મોંઘી ખેલાડી પણ તે જ બની હતી.
WPL ની 10 સૌથી મોંઘી ખેલાડીઓ
સ્મૃતિ મંધાના – રૂ. 3.40 કરોડ, રોયલ ચેલેન્જર્સ બેંગ્લોર
એશ્લે ગાર્ડનર – રૂ. 3.2 કરોડ, ગુજરાત જાયન્ટ્સ
નતાલી સાયવર – 3.2 કરોડ, મુંબઈ ઈન્ડિયન્સ
દીપ્તિ શર્મા – 2.6 કરોડ રૂપિયા, યુપી વોરિયર્સ
જેમિમાહ રોડ્રિગ્સ – રૂ. 2.2 કરોડ, દિલ્હી કેપિટલ્સ
શેફાલી વર્મા – રૂ. 2 કરોડ, દિલ્હી કેપિટલ્સ
બેથ મૂની – રૂ. 2 કરોડ, ગુજરાત જાયન્ટ્સ
રિચા ઘોષ – 1.9 કરોડ, રોયલ ચેલેન્જર્સ બેંગ્લોર
પૂજા વસ્ત્રાકર – 1.9 કરોડ, મુંબઈ ઈન્ડિયન્સ
હરમનપ્રીત કૌર – રૂ. 1.8 કરોડ, મુંબઈ ઈન્ડિયન્સ
અન્ય ખેલીડીઓ માટે પણ અઢળક ખર્ચાયા
આ સિવાય રેણુકા સિંહ – 1.7 કરોડ રૂપિયા, RCB,
દેવિકા વૈદ્ય – 1.4 કરોડ રૂપિયા, યુપી વોરિયર્સ,
સોફી એલેક્સ્ટન – 1.8 કરોડ, યુપી વોરિયર્સ,
મેરિજને કેપ – 1.5 કરોડ દિલ્હી કેપિટલ્સ,
તાહલિયા મેકગ્રા – 1.4 કરોડ, યુપી વોરિયર્સ,
પ્રથમ મેચ ગુજરાત અને મુંબઈ વચ્ચે રમાશે
મહિલા IPLની પ્રથમ મેચ ગુજરાત જાયન્ટ્સ અને મુંબઈ ઈન્ડિયન્સ (GT vs MI) વચ્ચે રમાશે. તમામ મેચો મુંબઈના ત્રણ સ્ટેડિયમમાં યોજાવાની છે. પ્રથમ મેચ ડીવાય પાટિલ સ્ટેડિયમમાં સાંજે 7.30 વાગ્યાથી રમાશે. તમને જણાવી દઈએ કે મુંબઈની કેપ્ટનશીપ ટીમ ઈન્ડિયાની કેપ્ટન હરમનપ્રીત કૌર પાસે છે. જ્યારે ગુજરાત ટાઇટન્સની કમાન બેથ મૂનીના હાથમાં છે.
આ પણ વાંચો : અમદાવાદ ટેસ્ટ માટે ટિકિટ બુકિંગ કેવી રીતે કરશો ? જાણો અહી
