લોકસભાની ચૂંટણી પહેલાં પૂર્વોત્તરના રાજ્યોમાં મળેલી જીત સાથે ભાજપે પોતાની નવી રણનીતિ શરૂ કરી છે. આ અંગે વડાપ્રધાન નરેન્દ્ર મોદીએ ત્રિપુરા, મેઘાલય અને નાગાલેન્ડના ચૂંટણી પરિણામો બાદ ભાજપ કાર્યાલયે લોકોને સંબોધન કર્યું હતું. PM મોદીએ કહ્યું કે ઉત્તર-પૂર્વના લોકોને શુભેચ્છાઓ. હું દરેકનો આભાર માનું છું. ભાજપના કાર્યકરોને પણ અભિનંદન આપ્યા હતા. આ સાથે જ લોકસભાની ચૂંટણી માટે ભાજપની તૈયારીઓ પણ શરૂ થયેલી જોવા મળી છે.
#WATCH | PM Narendra Modi arrives at BJP headquaters in Delhi after the Assembly polls results of Tripura, Nagaland and Meghalaya. pic.twitter.com/1FfOhk2aOl
— ANI (@ANI) March 2, 2023
શું છે જીતનું ‘ત્રિવેણી’ રહસ્ય ?
આ સાથે જ જીત અંગે વાત કરતાં વડાપ્રધાન મોદીએ અહીં એ પણ જણાવ્યું કે ભાજપને એક પછી એક ચૂંટણીમાં જીત કેમ મળી રહી છે. આ માટે તેમણે ભાજપ સરકારોની કામગીરી, કાર્ય સંસ્કૃતિ અને પક્ષના કાર્યકરોના સેવા સંકલ્પને શ્રેય આપ્યો હતો. અમારી પાસે ઘણા શુભચિંતકો છે જેઓ એ વિચારીને પીડા અનુભવે છે કે ભાજપની જીતનું રહસ્ય શું છે. હું આવા દરેક શુભેચ્છકોને ભાજપની સફળતાનું રહસ્ય કહેવા માંગુ છું. ભાજપની જીતનું રહસ્ય ત્રિવેણીમાં છુપાયેલું છે. તેની પ્રથમ શક્તિ ભાજપ સરકારોનું કાર્ય છે, બીજી શક્તિ ભાજપ સરકારોની કાર્ય સંસ્કૃતિ અને ત્રીજી શક્તિ ભાજપના કાર્યકરોની સેવા ભાવના છે. ભાજપના કાર્યકર તેમની શિસ્ત માટે જાણીતા છે. તેમણે મુશ્કેલ સમયમાં અમારો ધ્વજ ઊંચો રાખ્યો હતો. જે પક્ષમાં આપણા જેવા કાર્યકરો હોય તેના માટે કશું જ અશક્ય નથી.
આ પણ વાંચો : ખાલિસ્તાન સમર્થક અમૃતપાલ સિંહ પર હુમલાનું એલર્ટ જાહેર
Speaking from @BJP4India HQ. https://t.co/mZmECGZkzm
— Narendra Modi (@narendramodi) March 2, 2023
વડાપ્રધાન મોદીએ જણાવ્યું હતું કે છેલ્લા કેટલાક વર્ષોમાં ભાજપનું મુખ્યાલય આવી ઘણી તકોનો સાક્ષી બન્યું છે, આજે લોકોને નમ્રતાપૂર્વક સલામ કરવાની બીજી તક મળી છે. હું ત્રિપુરા, મેઘાલય અને નાગાલેન્ડના લોકોને નતમસ્તક આભાર માનું છું. આ રાજ્યોના લોકોએ અમારા સાથીદારોને ઘણા આશીર્વાદ આપ્યા છે. ભાજપ માટે દિલ્હીમાં કામ કરવું મુશ્કેલ નથી, પરંતુ પૂર્વોત્તરમાં અમારા કાર્યકરોએ ડબલ મહેનત કરી છે, હું તેમની મહેનતની પ્રશંસા કરું છું અને આભાર માનું છું.
