અમિત શાહનો પ્રહાર, ‘2024માં કોંગ્રેસ દૂરબીનથી પણ નહીં દેખાય, પાર્ટી અભદ્ર ભાષાનો ઉપયોગ કરી રહી છે’
કેન્દ્રીય ગૃહ પ્રધાન અમિત શાહે સોમવારે (20 ફેબ્રુઆરી) નાગાલેન્ડ વિધાનસભા ચૂંટણીને ધ્યાનમાં રાખીને મૂન ટાઉનમાં ભાજપની રેલી યોજી હતી. આ દરમિયાન તેમણે કોંગ્રેસ પાર્ટી પર પ્રહારો કર્યા હતા. તેમણે કહ્યું કે 2024માં કોંગ્રેસ દૂરબીનથી પણ દેખાશે નહીં. તેમણે કોંગ્રેસ પાર્ટીના નેતાઓ પર અભદ્ર ભાષાનો ઉપયોગ કરવાનો આરોપ લગાવ્યો.
Eastern Nagaland Peoples' Organisation (ENPO) announced to boycott the elections. We held talks with them & assured them that we will solve all their problems after forming the govt here. In the last 8 years, PM Modi reduced violence by 70% in all regions of North East: Union HM pic.twitter.com/ImBngLpr73
— ANI (@ANI) February 20, 2023
આ સાથે ગૃહમંત્રી શાહે કહ્યું કે નાગાલેન્ડની ચૂંટણી બાદ ADPP-BJP ગઠબંધન રાજ્યમાં સરકાર બનાવવા જઈ રહ્યું છે. રાજ્યની તમામ સમસ્યાઓનો ઉકેલ લાવીશું. જાહેર સભાને સંબોધતા ગૃહમંત્રી શાહે કહ્યું કે, જ્યારથી રાહુલ ગાંધી કોંગ્રેસ પાર્ટીના નેતા બન્યા છે ત્યારથી કોંગ્રેસ પાર્ટીના નેતાનું સ્તર નીચે જઈ રહ્યું છે. વડાપ્રધાન માટે જે ભાષાનો ઉપયોગ કરવામાં આવી રહ્યો છે તેની હું નિંદા કરું છું. આજે કોંગ્રેસ પ્રવક્તાએ મોદીજી માટે અપશબ્દોનો ઉપયોગ કર્યો છે. રાહુલ ગાંધી મોદી માટે અભદ્ર ભાષાનો ઉપયોગ કરે છે. 2024માં કોંગ્રેસ પાર્ટી દૂરબીનથી પણ દેખાશે નહીં. સમગ્ર દેશમાં કોંગ્રેસને ક્યાંય સફળતા મળી રહી નથી.
Mon Town, Nagaland | PM Modi has started a new era of peace & development in North East. We solved the Bodo problem, signed Karbi Anglong peace settlement. I want to tell people of Nagaland that our target is that the Nagaland peace talks also get successful: Union HM Amit Shah pic.twitter.com/EPv68HExm2
— ANI (@ANI) February 20, 2023
તમને જણાવી દઈએ કે સોમવારે (20 ફેબ્રુઆરી) જ કોંગ્રેસના વરિષ્ઠ નેતા પવન ખેડાનો એક વીડિયો સામે આવ્યો હતો, જેમાં તે વડાપ્રધાન નરેન્દ્ર મોદીનું કથિત રીતે અપમાન કરતા જોવા મળ્યા હતા. જેને લઈને અમિત શાહે કોંગ્રેસના નેતાઓ પર નિશાન સાધ્યું હતું.
આ પણ વાંચો : કંગનાએ ઉદ્ધવ ઠાકરે પર સાધ્યું નિશાન, કહ્યું – ‘તેમના કર્મોનું ફળ ભોગવી રહ્યા છે’
