છત્તીસગઢ સરકાર માતા કૌશલ્યાની જન્મજયંતિ ઉજવશે : CM ભૂપેશ બધેલની જાહેરાત
છત્તીસગઢ સરકાર આ વર્ષે માતા કૌશલ્યાની જન્મજયંતિ ઉજવશે. આ માટેની તારીખ હજુ જાહેર કરવામાં આવી નથી, પરંતુ મુખ્યમંત્રી ભૂપેશ બઘેલે કહ્યું છે કે તેનું ભવ્ય આયોજન કરવામાં આવશે. મુખ્યમંત્રી રવિવારે ભાટાપરાના અર્જુની પહોંચ્યા હતા. મનવા કુર્મી ક્ષત્રિય સમાજ અર્જુની રાજનું 77મું સંમેલન રવિવારે કન્હૈયા લાલ વર્મા સ્મારક સભા સ્થળે યોજાયું હતું. જેમાં મુખ્યમંત્રી ભૂપેશ બઘેલે પણ ભાગ લીધો હતો.
અર્જૂનીને આપી બેંક અને શાળાની ભેટ
દરમિયાન તેમણે અર્જુનીને સહકારી બેંક અને સ્વામી આત્માનંદ ઈંગ્લિશ સ્કૂલ સહિત લાખોના વિકાસ કામોની ભેટ આપી હતી. આ દરમિયાન મુખ્ય પ્રધાન બઘેલે પ્રધાન ભુનેશ્વર વર્મા અને અર્જુની સરપંચ અનિલ જૈનની માંગ પર જાહેરાત કરી હતી. તેમણે કહ્યું કે સોસાયટી પાસેથી જમીન મેળવ્યા બાદ જ અર્જુનીમાં સ્વામી આત્માનંદ સ્કૂલ ખોલવામાં આવશે.
અન્ય શું ભેટ આપી સરકારે ?
મુખ્યમંત્રી બઘેલે શાળાના મકાનના નિર્માણ માટે 50 લાખ રૂપિયાની રકમ મંજૂર કરી છે. આ ઉપરાંત નવાપરામાં મંગલ ભવન માટે રૂ. 20 લાખ, અર્જુનીમાં રોડ ગટર અને સ્મશાનભૂમિના બ્યુટીફિકેશન માટે રૂ.18 લાખ, જાગરાની હાઇસ્કૂલનું નામ ચોવરામ બઘેલના નામ પર રાખવાની જાહેરાત કરવામાં આવી છે. આ કાર્યક્રમમાં કેન્દ્રીય અધ્યક્ષ ચોવરામ વર્મા, મહિલા આયોગના પ્રમુખ કિરણમાઈ નાયક, પૂર્વ સાંસદ છાયા વર્મા અને અન્ય ઘણા લોકો હાજર હતા.
