મની લોન્ડરિંગ કેસમાં EDએ સુકેશ ચંદ્રશેખરની ધરપકડ કરી, કોર્ટમાંથી 9 દિવસની કસ્ટડી મળી
તિહાર જેલમાં બંધ ઠગ સુકેશ ચંદ્રશેખરને ગુરુવારે અન્ય એક કેસમાં ED દ્વારા ધરપકડ કરવામાં આવી છે. EDએ ગુરૂવારે છેતરપિંડી કરનાર સુકેશને પટિયાલા હાઉસ કોર્ટમાં રજૂ કર્યો હતો. પટિયાલા હાઉસ કોર્ટે સુકેશ ચંદ્રશેખરને 9 દિવસના EDના રિમાન્ડ પર મોકલી દીધા છે. EDએ એક નવા કેસમાં સુકેશ ચંદ્રશેખરની ધરપકડ કરી છે. આ મામલો રેલિગેર એન્ટરપ્રાઇઝ લિમિટેડના પૂર્વ પ્રમોટર માલવિંદર સિંહની પત્ની પાસેથી 3.5 કરોડ રૂપિયાની છેતરપિંડી સાથે સંબંધિત છે. દિલ્હીની પટિયાલા હાઉસ કોર્ટે બંને પક્ષોની દલીલો સાંભળ્યા બાદ સુકેશને નવ દિવસ માટે ED કસ્ટડીમાં મોકલી દીધો હતો. એડિશનલ સેશન્સ જજ શૈલેન્દ્ર મલિકે પણ સુકેશને દરરોજ 15 મિનિટ સુધી તેના વકીલને મળવાની મંજૂરી આપી હતી.
Conman Sukesh Chandrashekhar arrested by ED in another case of extortion&money laundering. He's been arrested in another ECIR by ED for allegedly duping ex-Religare promotor Malvinder Singh's wife Japna Singh of Rs 3.5 cr. Delhi's Patiala House Court sent him to 9-day ED remand.
— ANI (@ANI) February 16, 2023
EDએ 14 દિવસના રિમાન્ડની માંગણી કરી હતી
EDએ ગુનામાં સંડોવાયેલા વ્યક્તિઓ વિશે જાણવા માટે સુકેશના 14 દિવસના રિમાન્ડની માંગણી કરી હતી. EDએ આરોપ લગાવ્યો હતો કે સુકેશે તિહાર જેલમાં બંધ માલવિંદર સિંહની સુરક્ષા સુનિશ્ચિત કરવાના બદલામાં પૈસા પડાવવા માટે કાયદા સચિવ તરીકે મલવિંદર સિંહની પત્નીનો સંપર્ક કર્યો હતો. એજન્સીએ કહ્યું કે સુકેશ ખોટા નિવેદનો આપી રહ્યો છે અને તપાસમાં સહકાર નથી આપી રહ્યો.
સુકેશ 200 કરોડના કેસમાં જેલમાં છે
200 કરોડના કૌભાંડ કેસમાં સુકેશ પહેલાથી જ ન્યાયિક કસ્ટડીમાં છે. તેણે ફોર્ટિસ હેલ્થકેરના પૂર્વ પ્રમોટર શિવિન્દર મોહન સિંહની પત્ની અદિતિ સિંહ સાથે છેતરપિંડી કરી હતી. એન્ફોર્સમેન્ટ ડિરેક્ટોરેટ (ED) એ 2021ના આ કેસમાં જેકલીન ફર્નાન્ડીઝ અને નોરા ફતેહી સહિત અનેક બોલિવૂડ અભિનેત્રીઓ અને મોડલની ચંદ્રશેખર સાથેના કથિત સંબંધો અંગે પૂછપરછ કરી છે.
