ભારતીય ક્રિકેટર પૃથ્વી શો એ CID એક્ટ્રેસ નિધિ તપાડીયા સાથેની રિલેશનશીપને ઓફિશિયલ જાહેર કરી દીધા છે. આ વેલેન્ટાઈન ડે પર પૃથ્વી શો એ ઇન્સ્ટાગ્રામના માધ્યમથી ફોટો શેર કરીને વિશ કર્યું છે. પોસ્ટમાં લખ્યું ‘ હૈપી વેલેન્ટાઈન ડે માય વાઈફ નિધિ. જોકે રસપ્રદ વાત એ છે કે પૃથ્વી શો એ પોસ્ટ કર્યા પછી પાછળથી ડીલીટ કરી નાખી હતી પરંતુ ફેન્સે ત્યાં સુધીમાં સ્ક્રિનશોટ લઇ લીધા હતા.
પૃથ્વી એ નિધિ પાસે ડાન્સ ક્લાસ લીધેલ છે
પૃથ્વી અને નિધિ વચ્ચેના રિલેશનશીપની ખબર વાયુવેગે ત્યારે ફેલાઈ જ્યારે ગત વર્ષે પૃથ્વીએ નિધિ પાસે ગરબાના ક્લાસ લેવાનું શરૂ કર્યું. ત્યારથી તેઓ બંને ઘણીવાર એકબીજા સાથે જોવા મળ્યાં છે. કેટલાક સમય પહેલા નિધિએ પૃથ્વીની પોસ્ટ પર કમેન્ટ કરી હતી ત્યારથી લઈને બંનેના ડેટિંગની ખૂબ ચર્ચાઓ થવા લાગી.
આ પણ વાંચો : ઋષભ પંત પર ઉર્વીશીએ નહીં પણ આ ‘ગર્લફ્રેન્ડે’ પ્રેમ વરસાવ્યો, જાણો ફોટો પર શું કમેન્ટ કરી
જોકે હજી સુધી કપલ તરફથી પોતાના રિલેશનશીપ વિશે ખુલીને કોઈ વાત કરવામાં નથી આવી. આ પ્રથમ વાર જ હતું કે સોશિયલ મીડિયા પર પૃથ્વી શો એ પોતાના પ્રેમની કાબુલત કરી. આ પહેલા ઇન્સ્ટાગ્રામ પર નિધિએ પૃથ્વી શો નો વિડીયો શેર કર્યો હતો ત્યારે રણજી ટ્રોફીમાં ૩૦૦ રણ કર્યા હતા.
આ પણ વાંચો : દીપિકાના ‘બેશર્મ રંગ’: સલમાનની એક્સ ગર્લફ્રેન્ડે કહ્યુ કંઇક આવુ
અગાઉ ઉડાન એક્ટ્રેસ પ્રાચી સાથે પણ નામ જોડાયેલ હતું
આ કોઈ પ્રથમ કિસ્સો નથી કે પૃથ્વી શો નું નામ કોઈ એક્ટ્રેસ સાથે જોડાયું હોય. આ અગાઉ ટીવી સિરિયલ ઉડાન એક્ટ્રેસ પ્રાચી સિંહ સાથે પણ નામ જોડાયેલું હતું. તેઓના રિલેશનશીપ પણ ભારે ચર્ચામાં રહી હતી. IPL 2021 પહેલા બંને એકબીજા સાથે નજીક હતા. જોકે આ રિલેશનશીપ વધારે ચાલી નહી.
