PM મોદીનો હુંકાર, ‘ત્રિપુરામાં પૂર્ણ બહુમતીવાળી સરકારની જરૂર’
પીએમ મોદીએ ત્રિપુરાના અગરતલામાં સ્વામી વિવેકાનંદ મેદાનમાં જાહેર સભામાં હાજરી આપી હતી. આ દરમિયાન તેમણે વિપક્ષ પર પ્રહાર કરતા કહ્યું કે કોંગ્રેસ-ડાબેરીઓ ત્રિપુરાને બરબાદ કરશે, પૂર્ણ બહુમતીવાળી સરકારની જરૂર છે. પીએમે કહ્યું કે મને આ ચૂંટણીમાં જ્યાં પણ જવાની તક મળી છે, મેં જોયું છે કે ત્રિપુરાના લોકોએ ફરી એકવાર ભાજપની સરકાર બનાવવાનું મન બનાવી લીધું છે. પીએમ મોદીએ અગરતલામાં રોડ શો પણ કર્યો હતો.
#WATCH | Tripura: PM Modi holds a roadshow in Agartala.#TripuraElection2023
(Source: DD) pic.twitter.com/fu3Vmhjr6O
— ANI (@ANI) February 13, 2023
પીએમ મોદીએ કહ્યું કે અમે ત્રિપુરામાં શાંતિ અને કાયદાનું શાસન સ્થાપિત કર્યું છે. આ એ હકીકત પરથી સ્પષ્ટ થાય છે કે ચૂંટણી પ્રચાર દરમિયાન તમામ પક્ષોના ઝંડા દેખાય છે, જ્યારે તેનાથી વિપરીત અગાઉના સમયમાં માત્ર એક જ પક્ષ હતો. ડબલ એન્જિન સરકાર માટે તમારો સાથ જોઈને મારી ખુશી પણ બમણી થઈ ગઈ. ત્રિપુરાના યુવાનો, માતાઓ અને બહેનોએ ફરી એકવાર ચંદાની કંપનીને ‘રેડ કાર્ડ’ બતાવ્યું છે. ત્રિપુરાના લોકોએ જાહેર કર્યું છે કે તેઓ દરેકના સમર્થન અને વિકાસ સાથેની સરકાર ઈચ્છે છે.
“તમારો એક દીકરો દિલ્હીમાં બેઠો છે”
પીએમ મોદીએ વધુમાં કહ્યું કે આજે વાતાવરણ ભાજપની તરફેણમાં છે કારણકે ત્રિપુરાની જનતા વિકાસ જોઈ રહી છે. આજે ત્રિપુરામાં એવો કોઈ પરિવાર નથી કે જેની ભાજપ સરકારે સામેથી સેવા ન કરી હોય. આ વખતે પણ ત્રિપુરાના લોકોના આશીર્વાદ મળી રહ્યા છે. ત્રિપુરાના લોકોએ ફરી એકવાર ભાજપને જીતાડવાનું મન બનાવી લીધું છે. તમારો એક દીકરો દિલ્હીમાં બેઠો છે જે દરેક માતાના દુ:ખને સમજે છે.
Tremendous enthusiasm at the rally in Agartala, Tripura. @BJP4Tripura https://t.co/77ApBt49wM
— Narendra Modi (@narendramodi) February 13, 2023
“ડાબેરીઓએ ત્રિપુરાના લોકો સાથે ગુલામ જેવું વર્તન કર્યું”
ડાબેરીઓ પર નિશાન સાધતા પીએમએ કહ્યું કે કાયદો અને વ્યવસ્થાનું શાસન વિકાસની પ્રથમ શરત છે. ડાબેરી શાસને ત્રિપુરાને વિનાશના માર્ગે ધકેલી દીધું હતું. ત્રિપુરાના લોકો અહીંની સ્થિતિને ક્યારેય ભૂલી શકતા નથી. ડાબેરીઓ ત્રિપુરાના લોકોને પોતાના ગુલામ માનતા હતા. હવે ત્રિપુરામાં ભાજપનું ડાયમંડ મોડલ ચાલી રહ્યું છે.
https://mobile.twitter.com/ANI/status/1625089200843546624
