ભૂકંપથી અત્યાર સુધીમાં તુર્કી અને સીરિયામાં 28 હજારથી વધુ લોકોના મોત થયા છે. તુર્કીના રાષ્ટ્રપતિ રેસેપ તૈયપ એર્દોગને 10 પ્રાંતોમાં ત્રણ મહિનાની કટોકટીની સ્થિતિ જાહેર કરી છે. તુર્કીમાં 6 ફેબ્રુઆરીએ 7.8ની તીવ્રતાના ભૂકંપ બાદ લૂંટની ઘટનાઓમાં વધારો થયો છે. આ ઘટનાઓ બાદ તપાસ માટે એક સમિતિની રચના કરવામાં આવી હતી. તપાસ બાદ સમિતિએ 8 જુદા જુદા પ્રાંતમાંથી 48 શકમંદોની ધરપકડ કરી છે.
More than 28,000 people dead so far after consecutive devastating earthquakes struck Turkey and Syria six days ago, reports The Associated Press#TurkeySyriaEarthquake2023
— ANI (@ANI) February 12, 2023
ભારતે વધુ એક એરક્રાફ્ટ મોકલ્યું
ભૂકંપના કારણે સર્જાયેલી તબાહી વચ્ચે ભારતે મદદ માટે ભારતે વધુ એક એરક્રાફ્ટ મોકલ્યું છે. 7મું વિમાન ઉત્તર પ્રદેશના હિંડન એરપોર્ટ પરથી રાહત સામગ્રી લઈને તુર્કી અને સીરિયા માટે રવાના થયું છે. આ ફ્લાઈટમાં ભૂકંપ પીડિતો માટે જીવનજરુંરી દવાઓ, ફિલ્ડ હોસ્પિટલ, ધાબળા અને સ્લીપિંગ મેટ્સ જેવી જરૂરી વસ્તુઓ છે.
Another IAF C-17 aircraft left last night for Syria and Turkey carrying relief material & emergency equipment.
Death toll due to massive earthquakes in southern Turkey and Syria has now risen to 28,000.
(Pic: Indian Air Force Twitter handle) pic.twitter.com/WAcqOol2F4
— ANI (@ANI) February 12, 2023
અધિકારીઓના જણાવ્યા અનુસાર, શનિવારે સાંજે રવાના થયેલું 7મું એરક્રાફ્ટ સૌથી પહેલા સીરિયાની રાજધાની દમાસ્કસ પહોંચશે, અહીં રાહત સામગ્રી ઉતાર્યા બાદ ફ્લાઈટ તુર્કીના અદાના માટે રવાના થશે. એરક્રાફ્ટ 35 ટનથી વધુ રાહત સામગ્રી લઈ જઈ રહ્યું છે. જેમાંથી 23 ટનથી વધુ સીરિયા અને લગભગ 12 ટન તુર્કીને પહોંચાડવામાં આવશે. તુર્કીમાં ભારતીય સેનાની ફિલ્ડ હોસ્પિટલમાં ભૂકંપમાં ઘાયલ થયેલા ઘણા લોકોને મેડિકલ સારવાર આપવામાં આવી રહી છે.
સીરિયાને જે સહાય મોકલવામાં આવી રહી છે તેમાં સ્લીપિંગ મેટ્સ, જનરેટર સેટ, સોલાર લેમ્પ, તાડપત્રી, ધાબળા, કટોકટી અને ગંભીર સારવાર માટેની દવાઓ અને આપત્તિ રાહત સામગ્રી જેવી રાહત સામગ્રીનો સમાવેશ થાય છે. તુર્કીને મોકલવામાં આવેલી સહાયમાં ભારતીય સેનાની ફિલ્ડ હોસ્પિટલ અને નેશનલ ડિઝાસ્ટર રિસ્પોન્સ ફોર્સ (NDRF) ટીમો, તબીબી સાધનો જેમ કે ECGs, પેશન્ટ મોનિટર, એનેસ્થેસિયા મશીન, સિરીંજ પંપ અને ગ્લુકોમીટરનો સમાવેશ થાય છે. રાહત સામગ્રીના માલમાં ધાબળા અને અન્ય રાહત સામગ્રીનો પણ સમાવેશ થાય છે.
આ પણ વાંચો : તુર્કી ભૂકંપમાં એક ભારતીયનું પણ મોત, ભારતીય દૂતાવાસે કરી પુષ્ટિ
