વડાપ્રધાન નરેન્દ્ર મોદીએ ત્રિપુરાના અમ્બાસામાં ‘વિજય સંકલ્પ’ રેલીને સંબોધિત કરી હતી. આ દરમિયાન તેમણે કહ્યું કે કોંગ્રેસ અને ડાબેરીઓએ ત્રિપુરાને વિકાસના મામલે પછાત કરી દીધું હતું, પરંતુ અમારી સરકારે માત્ર પાંચ વર્ષમાં ત્રિપુરાને ઝડપી વિકાસના પાટા પર લાવી દીધું છે. પીએમ મોદીએ કહ્યું કે ત્રિપુરાના દરેક નાગરિકને ભાજપ સરકારમાં સરકારી યોજનાઓનો લાભ મળી રહ્યો છે. ભાજપના શાસનમાં ત્રિપુરામાં કાયદાનું શાસન સ્થાપિત થયું છે. તેમણે કહ્યું કે તે હિંસાના યુગમાં મહિલાઓ અને દીકરીઓ પર અત્યાચાર થતા હતા, પરંતુ આજે ત્રિપુરામાં મહિલા સશક્તિકરણ થઈ રહ્યું છે.
Addressing a massive rally in Ambassa. BJP has ushered in an era of pro-people governance in Tripura. @BJP4Tripura https://t.co/k60aEgfwEQ
— Narendra Modi (@narendramodi) February 11, 2023
વડાપ્રધાને કહ્યું કે કોંગ્રેસ અને સામ્યવાદી શાસનના દાયકાઓ ત્રિપુરાના વિકાસને અવરોધતા હતા. ભાજપ સરકારે ત્રિપુરામાં વિકાસ કર્યો છે. હિંસા હવે ત્રિપુરાની ઓળખ રહી નથી, ભાજપે રાજ્યને ભય અને હિંસા મુક્ત બનાવ્યું છે. વડાપ્રધાને કહ્યું હતું કે પહેલા ત્રિપુરામાં પોલીસ સ્ટેશનો પર સીપીએમ કેડરોનો કબજો હતો, પરંતુ હવે ભાજપના શાસનમાં રાજ્યમાં કાયદાનું શાસન છે. હવે રાજ્યમાં મહિલા સશક્તિકરણ છે અને જીવન નિર્વાહ કરવાનું સરળ બન્યું છે.
આ પણ વાંચો : ખેડા જિલ્લા દૂધ ઉત્પાદક સંઘની ચુંટણી પૂર્વે 10 સહકારી આગેવાનોએ કેસરીયો ધારણ કર્યો
Released the manifesto for the Tripura Assembly Elections 2023. Our manifesto is a commitment towards the people for us. Under the guidance of Modi Ji, we are going to continue with our DTH model of Development, Transparency & Harmony in Tripura and take the state to new heights. pic.twitter.com/rF2xhZ0OKB
— Jagat Prakash Nadda (@JPNadda) February 9, 2023
આ પણ વાંચો : ત્રિપુરા Election 2023: જેપી નડ્ડાએ ત્રિપુરા માટે બીજેપીનો મેનિફેસ્ટો જાહેર કર્યો
ઉલ્લેખનીય છે કે ભાજપે 55 વિધાનસભા બેઠકો માટે ઉમેદવારો જાહેર કર્યા છે જ્યારે બાકીની પાંચ બેઠકો તેના ગઠબંધન, ઈન્ડિજિનસ પીપલ્સ ફ્રન્ટ ઑફ ત્રિપુરા માટે છોડી દીધી છે. ડાબેરી-કોંગ્રેસ ગઠબંધને પણ તમામ 60 બેઠકો માટે તેમના ઉમેદવારોની જાહેરાત કરી દીધી છે. ત્રિપુરાની 60 બેઠકો પર 16 ફેબ્રુઆરીએ મતદાન થશે જ્યારે મેઘાલય અને નાગાલેન્ડમાં 27 ફેબ્રુઆરીએ મતદાન થશે. ત્રણેય રાજ્યોની મતગણતરી એકસાથે 2 માર્ચે થશે. ભારતીય જનતા પાર્ટીના અધ્યક્ષ જે પી નડ્ડા અને મુખ્યમંત્રી માણિક સાહાએ ગુરુવારે પાર્ટીનો મેનિફેસ્ટો જાહેર કર્યો હતો.
