ભારતીય ક્રિકેટ ટીમના ઘણા ખેલાડીઓ પર ફિલ્મો બની છે. પરંતુ આમાંથી કેટલીક ફિલ્મો જ સફળ રહી છે. આ બધી ફિલ્મોમાં ધોની પર બનેલી ફિલ્મ ખૂબ જ પસંદ કરવામાં આવી હતી.
ભારતીય ક્રિકેટ પર બોલિવૂડમાં ઘણી ફિલ્મો બની છે. પરંતુ આમાંથી માત્ર અમુક જ ફિલ્મોને સફળતા મળી છે. ડિસેમ્બર 2021માં, ફિલ્મ 83 વર્લ્ડ કપ 1983ને લઈને બનાવવામાં આવી હતી. આ ફિલ્મ કપિલ દેવને કેન્દ્રમાં રાખીને બનાવવામાં આવી હતી. આમાં રણવીર સિંહે મુખ્ય ભૂમિકા ભજવી હતી. કબીર ખાનના નિર્દેશનમાં બનેલી આ ફિલ્મને ખૂબ પસંદ કરવામાં આવી હતી. તેનું બજેટ 120 કરોડ રૂપિયા હતું. આ ફિલ્મે વિશ્વભરમાં માર્ચ 2022 સુધીમાં 193 કરોડ રૂપિયાથી વધુની કમાણી કરી હતી.
ભારતીય મહિલા ક્રિકેટ ટીમની પૂર્વ કેપ્ટન મિતાલી રાજ પર પણ બાયોપિક બનાવવામાં આવી હતી. આમાં તાપસી પન્નુએ મુખ્ય ભૂમિકા ભજવી હતી. ફિલ્મનું બજેટ 48 કરોડ રૂપિયા હતું. પરંતુ આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. એક વેબસાઈટ અનુસાર, ફિલ્મે લગભગ 3 કરોડ રૂપિયાની કમાણી કરી હતી. જો કે આ ફિલ્મ તેનો ખર્ચો પણ નહતી કાઢી શકી હતી.
ભારતીય ક્રિકેટ ટીમના પૂર્વ ખેલાડી મોહમ્મદ અઝહરુદ્દીન પર પણ ફિલ્મ બની છે. અઝહર ફિલ્મમાં ઈમરાન હાશ્મીએ મુખ્ય ભૂમિકા ભજવી હતી. આ ફિલ્મનું બજેટ 40 કરોડ હતું. પરંતુ આ ફિલ્મ પણ બોક્સ ઓફિસ પર કમાલ કરી શકી નથી. તેનું વર્લ્ડ વાઈડ કલેક્શન 52 કરોડ રૂપિયા હતું.
ક્રિકેટના દેવતા ગણાતા સચિન તેંડુલકરની પણ ફિલ્મ બની ગઈ છે. પરંતુ તે એક ડોક્યુમેન્ટરી જેવું હતું. આ ફિલ્મે લગભગ 77 કરોડની કમાણી કરી હતી. જ્યારે તેનું બજેટ 35 કરોડ રૂપિયા હતું.
ભૂતપૂર્વ ભારતીય કેપ્ટન મહેન્દ્ર સિંહ ધોનીના જીવન પર આધારિત ફિલ્મ ‘એમએસ ધોની અનટોલ્ડ સ્ટોરી’ ક્રિકેટ પર બનેલી સૌથી સફળ ફિલ્મોમાંની એક છે. આ ફિલ્મને દર્શકોએ ઘણો પ્રેમ આપ્યો હતો. ધોનીની ફિલ્મે 216 કરોડની કમાણી કરી હતી. આ ફિલ્મનું બજેટ 104 કરોડ રૂપિયા હતું. આ ફિલ્મમાં સુશાંત સિંહ રાજપૂતે મુખ્ય ભૂમિકા ભજવી હતી. તે ધોનીના રોલમાં હતો. જ્યારે બોલિવૂડ અભિનેત્રી કિયારા અડવાણીએ સાક્ષી સિંહ ધોનીનો રોલ કર્યો હતો.
