શ્રદ્ધા હત્યા કેસમાં આરોપી આફતાબ પૂનાવાલાની કબૂલાત સામે આવી છે. દિલ્હી પોલીસે દાખલ કરેલી ચાર્જશીટમાં આફતાબની કબૂલાતમાં ઘણા ચોંકાવનારા ખુલાસા થયા છે. જેમાં આરોપીએ જણાવ્યું કે તેણે શ્રદ્ધાની લાશના ટુકડાનો નિકાલ કેવી રીતે કર્યો. આરોપીએ જણાવ્યું કે તેણે લાશના ટુકડાને પેટ્રોલથી સળગાવી દીધા અને ગ્રાઇન્ડરમાં અનેક હાડકાં પીસીને તેનો પાઉડર રસ્તા પર ફેંકી દીધો.
આફતાબના કબૂલાતમાં લખવામાં આવ્યું છે કે અમે બંનેએ અમારા સંબંધો સુધારવા માટે આ મુસાફરીનું આયોજન કર્યું હતું. અમે બંને 28-29 માર્ચ 2022ના રોજ પ્રવાસ માટે મુંબઈથી નીકળ્યા અને હરિદ્વાર પહોંચ્યા. ત્યારબાદ ઋષિકેશ, દેહરાદૂન, મસૂરી, મનાલી અને ચંદીગઢની મુલાકાત લઈને પાર્વતી વેલી પહોંચ્યા. જ્યાં અમને બદ્રી નામનો એક છોકરો મળ્યો જેની સાથે અમે બમ્બલ એપ દ્વારા મિત્રતા કરી હતી. તેણે અમને દિલ્હીમાં તેના ઘરે આવવા કહ્યું.
‘બદ્રીએ દિલ્હીમાં તેના ઘરમાંથી કાઢી મૂક્યો’
આરોપીએ જણાવ્યું કે લગભગ દોઢ મહિના સુધી મુસાફરી કર્યા બાદ મે 2022ના પહેલા સપ્તાહમાં 05/05/2022ના રોજ અમે છત્તરપુર પહાડી દિલ્હી સ્થિત બદ્રીના ઘરે પહોંચ્યા. અમે લગભગ આઠ-દસ દિવસ તેના ઘરે રહ્યા અને ત્યાં પણ મારી અને શ્રદ્ધા વચ્ચે ઝઘડા થયા. જેના કારણે અમારું બ્રેકઅપ થઈ ગયું હતું. મારી અને શ્રદ્ધા વચ્ચે અવારનવાર થતા ઝઘડાને કારણે બદ્રીએ અમને તેનું ઘર છોડવા કહ્યું. આ પછી, લગભગ બે દિવસ પછી બીજે ક્યાંક રહ્યા પછી, 16 મે, 2022થી, અમે બંનેએ દલાલ રાહુલ રોય દ્વારા છત્તરપુર ટેકરીમાં એક મકાન ભાડે લીધું અને રહેવાનું શરૂ કર્યું.
‘નાની-નાની વાત પર ઝઘડો થવા લાગ્યા’
આફતાબે કહ્યું- ‘તે સમયે અમારી બંને પાસે નોકરી પણ ન હતી અને મોટા ભાગના પૈસા પ્રવાસ પાછળ ખર્ચાઈ ગયા હતા. અહીં પણ અમે બંને નાની-નાની વાત પર ખૂબ લડવા લાગ્યા. 18 મે, 2022ના રોજ, તેણે મને વસઈ ખાતેના તેના ભાડાના મકાનમાંથી ઘરની વસ્તુઓ લાવવા માટે કહ્યું, પરંતુ મેં તેને તબિયત ખરાબ હોવાનું કહીને ન જવા કહ્યું. જેના કારણે તે ગુસ્સે થઈ ગઈ અને કહેવા લાગી કે બંને પાસે બે જ બેગ છે અને ખાવા-પીવાની કોઈ વસ્તુ નથી. રોજબરોજનું બજારનું ખાવાનું સ્વાસ્થ્ય માટે સારું નથી. મેં તેને અડધો ખર્ચો આપવાનું કહ્યું, જેના પર તે ગુસ્સે થઈ ગઈ અને મારી સાથે મારઝૂડ કરવા લાગી. તેની ઝઘડવાની આદતને હંમેશા માટે છોડાવવા માટે, મેં તેને રસ્તામાંથી દૂર કરવાનો નિર્ણય કર્યો. ત્યારબાદ 18 મેના રોજ શ્રદ્ધાને પકડીને જમીન પર ફેંકી દીધી હતી અને તેની છાતી પર બેસીને બંને હાથ વડે તેનું ગળું દબાવી દીધું હતું.’
લાશના ટુકડા ક્યાં-ક્યાં ફેંક્યા ?
આફતાબે કહ્યું- ‘આ પછી તેની લાશ બાથરૂમમાં સંતાડી દેવામાં આવી હતી. પછી મેં તેની લાશના નાના ટુકડા કરીને તેનો નિકાલ કરવાની યોજના બનાવી અને તેને એક મોટી બ્રીફકેસમાં ક્યાંક ફેંકી દીધી અને 60 ફૂટા રોડ છતરપુર ટેકરી પરની હાર્ડવેરની દુકાનમાંથી એક હથોડી, એક કરવત અને ત્રણ બ્લેડ ખરીદી હતી.’ તે પછી મેં તેની લાશના ટુકડા કરવા માંડ્યા. 19 મે 2022ના રોજ, મેં મંદિર વાલી રોડ છતરપુર પાસેની એક દુકાનમાંથી કચરાપેટી, એક છરી અને એક ચોપર ખરીદ્યું. બેગમાં છરી રાખી અને બેગને પીઠ પર લટકાવીને જતો રહ્યો, જેના કારણે મારા જમણા હાથ પર બનાવેલા ટેટૂ પર કટ વાગ્યો હતો. આ ઈજાની સારવાર પાડોશના તબીબે મને કટ પર પાંચ ટાંકા આવ્યા હતા.
‘ફ્રિજ ખરીદી તેમાં લાશના ટુકડા રાખ્યા’
આ પછી મેં 25 હજાર રૂપિયામાં ફ્રિજ ખરીદ્યું હતું. દુકાનદારે તે જ દિવસે સાંજે મારા સરનામે રેફ્રિજરેટર મોકલી આપ્યું હતું. સાંજે, મેં શરીરના કેટલાક ભાગોને કચરાપેટીમાં પેક કર્યા અને શરીરના કેટલાક ભાગોને ફ્રીજના ફ્રીઝરમાં રાખ્યા. શરીરના અંગો કાપ્યા પછી ફેલાતા લોહીને સાફ કરવા માટે મેં શોપિંગ એપમાંથી ટોયલેટ ક્લીનર, બ્લીચ, હેન્ડવોશ અને અન્ય વસ્તુઓ ખરીદી. જ્યારે સામાન પહોંચાડવામાં આવ્યો ત્યારે મેં વહેતું લોહી સાફ કર્યું.
20 મેના રોજ, મેં મૃતદેહના ટૂકડાઓનો નિકાલ કરવાના આયોજનના ભાગરૂપે મહેરૌલી માર્કેટમાંથી એક મોટી લાલ રંગની બ્રીફકેસ ખરીદી. જ્યારે હું બ્રીફકેસ ખરીદ્યા પછી ઘરે લાવ્યો અને એમાં ટુકડા રાખ્યા ત્યારે બ્રીફકેસનું વજન ભારે થઈ ગયું. આવી સ્થિતિમાં પકડાઈ જવાના ડરથી આ પ્લાન પડતો મૂકવામાં આવ્યો હતો. ત્યારબાદ તેની લાશને નાના-નાના ટુકડા કરીને જંગલમાં અલગ અલગ જગ્યાએ ફેંકી દેવાની યોજના બનાવી.
શ્રદ્ધાની લાશના ટુકડા કેવી રીતે સગેવગે કર્યા?
મૃતદેહના ટુકડાને મેં પેટ્રોલથી સળગાવી દીધા હતા અને ગ્રાઇન્ડરમાં અનેક હાડકાં પીસીને તેનો પાવડર 100 ફૂટ રોડ પર ફેંકી દીધો હતો. તેના શરીરના કેટલાક ભાગોને પોલીથીનમાં નાખીને 60 ફૂટ રોડ છત્તરપુર ટેકરી પર રાખેલા ડસ્ટબીનમાં મુકવામાં આવ્યા હતા. છત્તરપુર ટેકરીના સ્મશાન ભૂમિ પાસેના જંગલમાં, રેન બસેરા ઉત્તરપુર એન્ક્લેવની પાછળના જંગલમાં, ગુરુગ્રામ તરફ જતો એમજી રોડ અને છત્તરપુર ટેકરી પાસેના જંગલમાં તેના શરીરના કેટલાક અન્ય અંગો ફેંકવામાં આવ્યા હતા. તેમાંથી ઘણાને પુરાવાનો નાશ કરવાના હેતુથી પેટ્રોલ રેડીને સળગાવી દેવામાં આવ્યા હતા. ઘટનાના લગભગ ત્રણથી ચાર મહિના બાદ તેનું માથું છત્તરપુર એન્ક્લેવના જંગલમાં ફેંકી દેવામાં આવ્યું હતું.
શ્રદ્ધાના મિત્રો અને પરિવારને કેવી રીતે ફસાવ્યા?
આ ઘટના પછી, શ્રદ્ધાનું ઇન્સ્ટાગ્રામ મારા ફોનમાં લોગ ઇન થયું હતું, ત્યારબાદ, શ્રદ્ધા તરીકે મેં તેના મિત્ર લક્ષ્મણ સાથે વાતચીત કરી હતી. જે દિવસે તેની હત્યા કરવામાં આવી તે દિવસે મેં તેના મોબાઈલ ફોનમાંથી 54,000 રૂપિયા મારા ખાતામાં બે વાર ટ્રાન્સફર કર્યા હતા. આ પછી હું વસઈ ખાતેના મારા ભાડાના મકાનમાંથી સામાન લેવા જૂનના પ્રથમ સપ્તાહમાં મુંબઈ ગયો હતો. આ પછી હું છત્તરપુર ટેકરી પર પાછો આવ્યો. જ્યારે મને મહારાષ્ટ્ર પોલીસ દ્વારા શ્રદ્ધા વિશે પૂછપરછ કરવા માટે બોલાવવામાં આવ્યો હતો.
આ ઘટના પછી, મેં એક નવો ફોન ખરીદ્યો અને મારો અગાઉનો ફોન એમેઝોન પર એક્સચેન્જ ઓફર તરીકે વેચ્યો. માણિકપુર પોલીસ પાસે જતી વખતે મેં શ્રદ્ધાના હોઠ પરનો સ્ટડ અને તેનો એક મોબાઈલ ફોન બોક્સમાં મૂકી મુંબઈના મીરા રોડ વિસ્તારમાં ચાલતી ટ્રેનમાંથી ફેંકી દીધો હતો. મેં શ્રદ્ધાની હત્યા કરી અને તેની લાશનો અલગ-અલગ જગ્યાએ નિકાલ કરીને પુરાવાનો નાશ કર્યો. મારાથી ભૂલ થઈ છે, કૃપા કરીને મને માફ કરો.
