પાકિસ્તાન ચૂંટણી પંચ સામેના ફેંસલાની પૂર્વ વડાપ્રધાનના PTI ની અરજી ફગાવતું ઇસ્લામાબાદ HC

પાકિસ્તાનની ઈસ્લામાબાદ હાઈકોર્ટ (IHC) એ આજે ગુરુવારે ઈમરાન ખાનની આગેવાની હેઠળની પાકિસ્તાન તહરીક-એ-ઈન્સાફ (PTI)ની ચૂંટણી પંચ (ECP)ના નિર્ણય સામેની અરજીને ફગાવી દીધી હતી. દેશના મીડિયા રિપોર્ટ્સમાં આ જાણકારી આપવામાં આવી રહી છે. ચીફ જસ્ટિસ અમીર ફારૂક, જસ્ટિસ મિયાંગુલ હસન અને જસ્ટિસ બાબર સત્તારની બનેલી IHCની મોટી બેંચ દ્વારા વિદેશી ફંડિંગ કેસની સુનાવણી કરવામાં આવી હતી. દલીલો પૂરી થયા બાદ ખંડપીઠે 11 જાન્યુઆરીએ પોતાનો ચુકાદો અનામત રાખ્યો હતો.

પીટીઆઈને અપાઈ હતી નોટીસ

ચૂંટણી પંચે ઓગસ્ટ 2022માં પીટીઆઈને કારણ બતાવો નોટિસ જારી કરી હતી, જેમાં એવું તારણ કાઢ્યું હતું કે પાર્ટીને પ્રતિબંધિત સ્ત્રોતોમાંથી ભંડોળ મળ્યું હતું. બાદમાં આ નોટિસને IHCમાં પડકારવામાં આવી હતી. આજે આ કેસમાં મૌખિક રીતે ચુકાદો આપવામાં આવ્યો હતો. અગાઉ તેના અનામત ચુકાદામાં, ECP બેન્ચે કહ્યું હતું કે PTI સામે પ્રતિબંધિત ભંડોળની મંજૂરીને યથાવત રાખવામાં આવી હતી. ECPને સર્વસંમતિથી જાણવા મળ્યું કે પાર્ટીને અબજોપતિ આરિફ નકવી અને 34 અન્ય વિદેશી નાગરિકો પાસેથી રોકડ મળી છે. તેના ચુકાદામાં, ECP એ એમ પણ કહ્યું કે ભૂતપૂર્વ વડા પ્રધાન ઈમરાન ખાને PTIને ગેરકાયદેસર ભંડોળના મુદ્દે ખોટી ઘોષણાઓ કરી હતી. આ નાણાં પોલિટિકલ પાર્ટીઝ એક્ટની કલમ 6નું પણ ઉલ્લંઘન કરે છે.

બંધારણ મુજબ જ ચૂંટણી પંચ કાર્ય કરે છે

સુનાવણી દરમિયાન કોર્ટે કહ્યું હતું કે ECPની જવાબદારી ફક્ત તે જ કરવાની છે જે બંધારણ મંજૂરી આપે છે, જે પૈસા જપ્ત કરવા સુધી મર્યાદિત છે. સુનાવણી દરમિયાન, ECP એ દાવો કર્યો હતો કે તેની પાસે તેનો નિર્ણય બદલવાનો કોઈ અધિકાર નથી, પરંતુ કોર્ટે કહ્યું હતું કે જો PTI કોર્ટમાં સંતોષકારક પુરાવા રજૂ કરશે – પૈસાની કાયદેસરતા સાબિત કરશે તો રકમ જપ્ત કરવામાં આવશે નહીં. પીટીઆઈના વકીલે સુનાવણી દરમિયાન દલીલ કરી હતી કે ECPએ તેને વિદેશી સહાયિત પાર્ટી જાહેર કરી હતી અને પીટીઆઈના વડા ઈમરાન ખાનની ઘોષણા ખોટી હોવાનો ઇનકાર કર્યો હતો.

ક્યાંથી દાન પ્રાપ્ત થયું હતું ?

તેમણે દલીલ કરી હતી કે રાજકીય પક્ષોના નાણાંની દેખરેખ ચાર્ટર્ડ એકાઉન્ટન્ટ દ્વારા કરવામાં આવે છે તેમ ECPએ પીટીઆઈ પર નિશાન સાધ્યું છે. વધુમાં જીઓ ન્યૂઝે અહેવાલ આપ્યો હતો કે કમિશનને જાણવા મળ્યું કે આ દાન યુએસ, ઓસ્ટ્રેલિયા, કેનેડા અને સંયુક્ત આરબ અમીરાતમાંથી પ્રાપ્ત થયું હતું, . ECPના ચુકાદામાં જણાવવામાં આવ્યું છે કે PTIને 34 વ્યક્તિઓ અને કંપનીઓ સહિત 351 વ્યવસાયો પાસેથી ભંડોળ મળ્યું છે.