અમદાવાદ-રાજકોટ હાઇવે પર અકસ્માત, બે વ્યક્તિના ઘટનાસ્થળે મોત
ગુજરાત રાજ્યમાં છેલ્લા ગણા સમયથી અકસ્માતના બનાવો વધી રહ્યા છે ત્યારે આજે સુરેન્દ્રનગરના અમદાવાદ-રાજકોટ હાઇવે પર અકસ્માત સર્જાયો હતો. આ અકસ્માતમાં 2 વ્યક્તિઓના ઘટનાસ્થળે જ દુખદ મોત થયા હતા. સુરેન્દ્રનગર રોડ પર વણકીના પાટિયા પાસેથી પસાર થતી કાર પર ટ્રેલર પડતાં આ અકસ્માત સર્જાયો હતો.
આ પણ વાંચો : આ તે કેવી માનસિકતા, ઝૂલતા પુલની દુર્ઘટનામાં મુખ્ય આરોપી જયસુખ પટેલના સમર્થનમાં સોશ્યિલ મીડિયા ટીમ એક્ટિવ
મળતી માહિતી મુજબ જામનગરથી નડિયાદ લગ્ન પ્રસંગમાં જતાં પરિવારને વણકી પાટિયા પાસે આ અકસ્માત નડ્યો હતો. કારમાં સવાર યુવક અને તેના સસરનું ઘટનાસ્થળે જ નિધન થયું હતું જ્યારે એક મહિલા અને બાળકને કારમાંથી ક્રેનની મદદથી બહાર કાઢવામાં આવ્યા હતા.
આ પણ વાંચો : સુરત : ઈ-સિગારેટનો મોટો જથ્થો પકડી પાડતી DRI ની ટીમ
આ દુખદ અવસાન ના સંચાર સાંભડી આસપાસના લોકો પણ હિબકે ચઢ્યા હતા. ઘટનાની જાણ થતાં પોલીસ પણ ઘટના સ્થળે પહોંચી ગઈ હતી. ભુક્કો થઈ ગયેલી કારમાંથી ઇજાગ્રસ્તોને ભારે જહેમત બાદ ક્રેનની મદદથી બહાર કાઢીને વધુ સારવાર અર્થે તાત્કાલિક હોસ્પિટલ ખસેડાયા હતા. ઘટનાની જાણ થતાં આસપાસના લોકો પણ ઘટનાસ્થળે એકઠા થયા હતા.
