કેન્દ્રીય બજેટ 2023 : નાણામંત્રી નિર્મલા સીતારમણ આજે સંસદમાં સામાન્ય બજેટ 2023-24 રજૂ કરશે અને તેની સાથે જ સ્પષ્ટ થશે કે ચૂંટણી પહેલા દેશના આર્થિક વિકાસ માટે સરકારની શું તૈયારી છે. બજેટ-2023-24 ની અંદર ઈન્કમ ટેક્સ સેલ્બમાં ફેરફાર કરવામાં આવ્યો છે. જેનાથી સામાન્ય જનતાને સૌથી મોટો લાભ થયો છે.
Live Update :
12.26 PM :
7 લાખ સુધીની આવક પર કોઈ ટેક્સ નહીં
બજેટમાં જની અત્યાર સુધી રાહ જોવામાં આવી રહી હતી તે અંગે વાત કરતાં નાણામંત્રીએ કહ્યું કે હવે 7 લાખ રૂપિયા સુધીની આવક પર કોઈ ટેક્સ નહીં લાગે. આ નવી ટેક્સ વ્યવસ્થા હેઠળ આપવામાં આવશે. જેમાં 3 લાખ સુધી 0% ટેક્સ, 3 થી 5 લાખની આવક પર 5% ટેક્સ, 6 થી 9 લાખની આવક પર 10% ટેક્સ, 9 થી 12 લાખની આવક પર 15% ટેક્સ અને 12 થી 15 લાખની આવક પર 20% ટેક્સ લાગશે.
Budget 2023: બજેટમાં શું સસ્તું થયું અને શું મોઘું? જાણો કોને થશે કેટલો ફાયદો
શું સસ્તું થશે ?
રમકડા, સાઇકલ, ઓટોમોબાઇલ કસ્ટમ ડ્યુટી ઘટાડી 13 ટકા કરાઇ તેના લીધે આ વસ્તુઓ સસ્તી થશે. ટીવાના સ્પેર પાર્ટસ પર કસ્ટમ ડ્યૂટી ઘટાડી આથી ટીવી સસ્તા થશે. રસોડામાં વપરાતી ચીમની સસ્તી થશે. લિથિયમ આયર્ન બેટરી સસ્તી થશે. કેટલાંક મોબાઇલ ફોન, લેન્સ કેમેરા સસ્તા થશે. ઇલેક્ટ્રિક વ્હિકલ સસ્તા થશે.
શું મોંઘું થશે?
સિગરેટ અને તેને લાગતી ઉત્પાદક, સોનું, ચાંદી, હીરા મોંઘા થશે.
કેન્દ્રીય બજેટ-2023 : એજ્યુકેશન ક્ષેત્રમાં શું આવ્યું નવું ?
12.22 PM :
નાણામંત્રીએ કહ્યું કે ટેક્સ પોર્ટલ પર દરરોજ 72 લાખ અરજીઓ આવે છે અને અમે રિફંડ પ્રક્રિયાને 16 દિવસ સુધી લાવ્યા છીએ. આમાં અમે વધુ સુધારાની દિશામાં આગળ વધી રહ્યા છીએ. ટેક્સ રિટર્નની પ્રક્રિયા 90 દિવસથી ઘટાડીને 16 દિવસ કરવામાં આવી છે અને એક દિવસમાં 72 લાખ ટેક્સ રિટર્ન ફાઈલ કરવામાં આવ્યા છે. કરદાતાની ફરિયાદ નિવારણમાં સુધારો થયો છે અને સામાન્ય IT રિટર્ન ફોર્મ્સ આવશે જે રિટર્ન ફાઇલિંગને સરળ બનાવશે.
Budget-2023: તમારે કઈ ઈન્કમ માટે ભરવાનો રહેશે ટેક્સ સમજો સરળ શબ્દોમાં
12.10 PM :
પ્રધાનમંત્રી કૌશલ વિકાસ યોજના 4.0 શરૂ કરવામાં આવી રહી છે અને MSME ને 2 લાખ કરોડ રૂપિયાની લોન આપવાની યોજના છે. નાણામંત્રીએ કહ્યું કે આઝાદીના અમૃત મહોત્સવ અંતર્ગત મહિલા સન્માન બચત પત્રની જાહેરાત કરવામાં આવી રહી છે અને તેમના માટે નવી બચત યોજના આવશે. તેમાં 2 વર્ષ માટે રોકાણ કરી શકશે અને 2 લાખ રૂપિયા જમા કરી શકશે જેના પર 7.5 ટકા વ્યાજ આપવામાં આવશે. કોઈપણ મહિલા કે યુવતી ખાતું ખોલાવી શકશે અને તેમાંથી પૈસા ઉપાડવાની શરતો હશે. આ બજેટમાં મહિલા કલ્યાણ માટે આ એક મોટું પગલું છે.
12.02 PM :
MSME માટે જાહેરાત
નાણામંત્રી નિર્મલા સીતારમણે કહ્યું કે, ક્રેડિટ ગેરંટી MSME માટે એક સુધારણા યોજના આવશે. 1 એપ્રિલ 2023થી ઉદ્યોગોને 9000 કરોડ રૂપિયા ક્રેડિટ તરીકે આપવામાં આવશે. સેબીને વધુ શક્તિશાળી બનાવવામાં આવશે. સેબી ડિગ્રી, ડિપ્લોમા અને પ્રમાણપત્ર આપી શકશે અને આ નાણાકીય બજારમાં લોકોની ભાગીદારી માટે કરવામાં આવશે.
11.56 AM :
યુવાનો પર સરકારનું ધ્યાન
સરકાર યુવાનો માટે કૌશલ્ય યુવા કેન્દ્રો સ્થાપવા પર ભાર મૂકશે અને વિદેશમાં નોકરીનું સ્વપ્ન જોનારા વિદ્યાર્થીઓ માટે 30 કૌશલ્ય ભારત કેન્દ્રો સ્થાપવામાં આવશે. નેશનલ એપ્રેન્ટિસશિપ પ્રમોશન સ્કીમ બનાવવામાં આવશે અને વિદ્યાર્થીઓને સીધી મદદ કરવામાં આવશે. ફિનટેક સેવાઓમાં વધારો કરવામાં આવશે, ડિજી લોકરની ઉપયોગિતામાં ઘણો વધારો થશે અને તેમાં તમામ ડિજિટલ દસ્તાવેજો હશે.
કેન્દ્રીય બજેટ-2023 : ખેડૂતોને શું થયો ફાયદો અને શું કરી મહત્વની જાહેરાત ?
11.53 AM :
ગ્રીન ગ્રોથ પર સરકારનું ધ્યાન
લોકોને રોજગારીની ગ્રીન તકો આપવામાં આવી છે અને દેશી અને વિદેશી પ્રવાસીઓએ પ્રવાસનમાં મહત્વપૂર્ણ યોગદાન આપ્યું છે. પબ્લિક પ્રાઈવેટ પાર્ટનરશીપ દ્વારા પ્રવાસનના પ્રમોશનને નવા સ્તરે લઈ જવામાં આવ્યું હતું. હાઈડ્રોજન મિશન માટે સરકાર દ્વારા 19700 કરોડ રૂપિયાની ફાળવણી કરવામાં આવી છે. મેડિકલ કોલેજ સાથે નર્સિંગ કોલેજ બનાવવામાં આવશે. વ્હીકલ રિપ્લેસમેન્ટ પોલિસી હેઠળ, ગ્રીન એન્વાયર્નમેન્ટ માટે પ્રદૂષિત વાહનોને રિપ્લેસમેન્ટ અથવા સ્ક્રેપિંગ જરૂરી છે. આ માટે રાજ્યોને મદદ કરવામાં આવશે, જેથી જૂના વાહનોને બદલી શકાય. તેના દ્વારા જૂની એમ્બ્યુલન્સને પણ બદલવામાં આવશે, જેથી પ્રદુષણ ઘટાડવામાં મદદ મળી શકે.
11.50 AM :
KYC પ્રક્રિયાને સરળ બનાવવામાં આવશે અને નાણાકીય વ્યવસ્થા સાથે વાત કરીને તેને સંપૂર્ણ રીતે ડિજિટલ કરવામાં આવશે. વન સ્ટોપ સોલ્યુશન અને ઓળખ અને સરનામા માટે કરવામાં આવશે. આ ડિજી સર્વિસ લોક અને આધાર દ્વારા વન સ્ટોપ સોલ્યુશન તરીકે કરવામાં આવશે. તમામ ડિજિટલ સિસ્ટમ માટે PAN આઈડેન્ટીફાઈ કરવામાં આવશે. યુનીફાઈલ્ડ ફાઇલિંગ પ્રક્રિયા સેટઅપ કરવામાં આવશે. કોમન પોર્ટલ દ્વારા એક જ જગ્યાએ ડેટા હશે, તેનો ઉપયોગ વિવિધ એજન્સીઓ કરી શકશે. વારંવાર ડેટા આપવાની જરૂર રહેશે નહીં, પરંતુ આ માટે યુઝરની સંમતિ ખૂબ જ મહત્વપૂર્ણ રહેશે.
નાણામંત્રીએ કહ્યું કે મિશન કર્મયોગી અંતર્ગત કેન્દ્ર અને રાજ્યો સાથે મળીને આના દ્વારા ઓનલાઈન ટ્રેનિંગ પ્લેટફોર્મ શરૂ કરશે. આ માટે સરકારી કર્મચારીઓના કૌશલ્યમાં વધારો કરવામાં આવશે અને આર્ટિફિશિયલ ઈન્ટેલિજન્સનાં ત્રણ કેન્દ્રો સ્થાપવામાં આવશે અને તેમના દ્વારા સંશોધન કરવામાં આવશે. આરોગ્ય, કૃષિ જેવા ક્ષેત્રોમાં સમસ્યાઓ દૂર કરવા પર ચર્ચા થશે.
બજેટ-2023 : નાણામંત્રી બજેટમાં ઉપયોગ કરશે આ શબ્દો, તમે તેનો અર્થ જાણી લો
11.42 AM :
નાણા મંત્રી નિર્મલા સિતારમણે કહ્યુ કે 2047 સુધી એનિમીયા પૂર્ણ કરવાનું લક્ષ્યાંક છે. તેમજ હવેથી મેનહોલમાં હવે સફાઈ કર્મચારીઓ હવે નહી ઉતરે. કો – ઓપરેટિવ સોસાયટી માટે નેશનલ ડેટાબેઝ બનાવામાં આવશે. તેની સાથે મફત અનાજ માટે 2 લાખ કરોડનું બજેટ ફાળવવામાં આવશે. ફાર્મામાં રિસર્ચ ઈનોવેશન પર નવો પ્રોગ્રામ કરાશે. આ સાથે સાથે દેશમાં આર્થિક સાક્ષરતા પર પણ કામ કરવામાં આવશે. તેમજ આાદિવાસી બાળકોના અભ્યાસ માટે 38, 800 શિક્ષકોની આદિવાસી વિસ્તારમાં નિમણૂંક કરાશે. ગરીબ કેદીઓના જામીન માટે સરકાર પૈસા આપશે. કર્ણાટકમાં દુષ્કાળ માટે 5300 કરોડની ફાળવણી કરવામાં આવશે. PM આવાસ યોજનાનો ખર્ચ 65% વધારી 79, 000 કરોડ કરવામાં આવ્યો છે.
11.40 AM :
રેલવે માટે મોટી જાહેરાત
રેલ્વે માટે 2.40 લાખ કરોડ રૂપિયા આપવામાં આવી રહ્યા છે, જે રેલ્વે માટે અત્યાર સુધીની સૌથી વધુ બજેટ ફાળવણી છે. જે વર્ષ 2014માં આપવામાં આવેલી અંદાજપત્રીય ફાળવણી કરતાં 9 ગણી વધારે છે.
11.35 AM :
ઈન્ફ્રાસ્ટ્રક્ચર અંગેની જાહેરાત
નાણામંત્રીએ કહ્યું કે ઇન્ફ્રાસ્ટ્રક્ચર અને રોકાણ અમારી ત્રીજી પ્રાથમિકતા હશે અને સરકારે મૂડી ખર્ચમાં 33 ટકાનો વધારો કર્યો છે. તેમાં વધારો કરવામાં આવ્યો છે જેથી દેશના વિકાસને વેગ મળે. તેનાથી રોજગારમાં મદદ મળશે. મૂડીખર્ચ માટે બજેટમાં 10 લાખ કરોડની જોગવાઈ કરવામાં આવી છે. રેલ, રોડ અને માર્ગ સહિતના મહત્વના ક્ષેત્રોમાં ખાનગી રોકાણ પર ભાર મૂકવામાં આવ્યો છે. 157 નવી નર્સિંગ કોલેજો ખોલવામાં આવશે અને 2014 પછી 157 નવી મેડિકલ કોલેજની સ્થાપના કરવામાં આવી છે.
11.31 AM :
ગ્રીન ગ્રોથ સરકારની મોટી પ્રાથમિકતા છે. 6000 કરોડના ખર્ચથી PM મત્સય સંપદા યોજનામાં વિસ્તાર કરાયો છે. કૃષિ ક્ષેત્ર માટે સ્ટોરેજ ક્ષમતા વધારવામાં આવશે. આ બજેટ આવનાર વર્ષની બ્લૂ પ્રિન્ટ છે. તેમજ 63 હજાર પ્રાઈમરી એગ્રિ ક્રેડિટ સોસાયટી બનશે. સાથે સાથે ભારતીય મિલેટ સંસ્થા બનાવવામાં આવશે. તેમજ ડિજીટલ લાઈબ્રેરીની સ્થાપના કરવામાં આવશે. યુવાનો અને બાળકો માટે ડિજીટલ લાઈબ્રેરી શરુ કરાશે. મેડિકલ સાધનો બનાવવા માટે અભ્યાસક્રમ શરુ કરાશે.
11.25 AM :
નાણામંત્રી નિર્મલા સીતારમણે કહ્યું કે, ઇન્ડિયન ઇન્સ્ટિટ્યૂટ ઑફ મિલેટ્સ ટૂંક સમયમાં બનાવવામાં આવશે. ભારત @ 100 દ્વારા, દેશ વિશ્વભરમાં મજબૂત થશે. ગ્રામીણ મહિલાઓ માટે 81 લાખ સ્વ-સહાય જૂથોને મદદ મળી છે, જેમાં વધુ વધારો કરવામાં આવશે. પીએમ વિશ્વ કર્મ કૌશલ સન્માન, હસ્તકલા અને વેપારમાં કામ કરતા લોકોએ કલા અને હસ્તકલામાં યોગદાન આપ્યું. જે આત્મનિર્ભર ભારત માટે એક મહત્વપૂર્ણ પગલું છે. આ દ્વારા માત્ર આર્થિક મદદ જ નહીં પરંતુ તેમની ટેકનિકલ કૌશલ્ય સુધારવા પર ભાર મૂકવામાં આવ્યો હતો અને તેમને સામાજિક સુરક્ષા પૂરી પાડવામાં આવી હતી.
કૃષિ ક્ષેત્રે મોટી તૈયારી
ગ્લોબલ હબ ફોર મિલેટ્સ હેઠળ મિલેટ્સમાં ભારત ઘણું આગળ છે. ખેડૂતો માટે પોષણ, ખાદ્ય સુરક્ષા અને આયોજન માટે બાજરીના કાર્યક્રમો ચલાવવામાં આવી રહ્યા છે. શ્રીઅન્ના રાડી, શ્રીઅન્ના બાજરા, શ્રીઅન્ના રામદાના, કુંગની, કુટ્ટુ આ બધામાં સ્વાસ્થ્ય માટે ઘણા ફાયદાકારક છે. બાજરીમાં ખેડૂતોનું ઘણું યોગદાન છે અને શ્રી અન્નાને હબ બનાવવાના પ્રયાસો થઈ રહ્યા છે. શ્રીઆનાના નિર્માણ માટે હૈદરાબાદની રિસર્ચ ઇન્સ્ટિટ્યૂટ તરફથી ઘણી મદદ મળી રહી છે.
11.22 AM :
પ્રતિ વ્યક્તિ આવક વધીને 1.97 લાખ રુપિયા થઈ છે. તેમજ મહિલાઓનું આર્થિક સશક્તિકરણ કરવામાં આવ્યું. PPP મોડલથી પર્યટન ક્ષેત્રમાં અનેક તક ઉભી કરાઈ. તેની સાથે આ બજેટમાં સાત પ્રાથમિકતા પર ભાર મૂકાયો. જેથી કૃષિ ક્ષેત્રમાં સ્ટાર્ટ – અપને પ્રોત્સાહન મળશે. ખેડૂતોના પકડારોનું સમાધાન થશે. તેમજ જમ્મુ-કાશ્મીર, લદ્દાખ પર વિશેષ ધ્યાન અપાયું. આ બજેટ દ્વારા આવનાર 100 વર્ષની રુપરેખા છે. નવા રોજગાર ઉભા કરવા પર સરકારનું ધ્યાન પણ છે.
11.18 AM :
વંચિતોને સરકારની પ્રાથમિકતા
નાણામંત્રીએ કહ્યું કે, આ બજેટમાં 7 પ્રાથમિકતાઓ હશે. એગ્રીકલ્ચર એક્સીલેટર ફંડથી એગ્રી સ્ટાર્ટઅપ્સનો વિકાસ થશે. આનાથી ખેડૂતોને મદદ મળશે અને તેઓ પડકારોનો સામનો કરી શકશે અને તેનાથી ઉત્પાદકતામાં વધારો થશે.આ ખેડૂતો, રાજ્ય અને ઉદ્યોગ ભાગીદાર વચ્ચે કરવામાં આવશે. બજેટમાં સરકારની સાત પ્રાથમિકતાઓ છે. વંચિતોને પ્રાધાન્ય આપવું એ સરકારની પ્રાથમિકતા છે.
11.15 AM :
નાણામંત્રી નિર્મલા સીતારમણે સિદ્ધિઓની યાદી આપી
સરકારને કોવિડ રસીના 220 કરોડ ડોઝ મળ્યા છે અને 44.6 કરોડ લોકોને તે પીએમ સુરક્ષા અને પીએમ જીવન જ્યોતિ યોજનામાંથી મળ્યા છે. પીએમ કિસાન સન્માન નિધિ દ્વારા કરોડો ખેડૂતોને લાભ મળી રહ્યો છે. જનભાગીદારી હેઠળ સરકાર સબકા સાથ, સબકા વિકાસ દ્વારા આગળ વધી છે. 28 મહિનામાં 80 કરોડ લોકોને મફત અનાજ આપવામાં આવ્યું છે, જે નાની વાત નથી.
રોજગારીની તકો વધારવા પર ભાર
વર્તમાન નાણાકીય વર્ષમાં જીડીપી દર 7 ટકાની આસપાસ રહેવાનો અંદાજ છે. સરકારનું વિશેષ ભાર એ છે કે રોજગારીની તકો વધારી શકાય. ભારત તરફથી G20 પ્રમુખપદ એક મોટી તક છે અને તે ભારતની તાકાત દર્શાવે છે.
દેશના લોકોની આવક વધી
નાણામંત્રીએ કહ્યું કે, છેલ્લા કેટલાક વર્ષોમાં ભારતના લોકોની માથાદીઠ આવક બમણી થઈ છે. માથાદીઠ આવક વાર્ષિક 1.97 લાખ રૂપિયા થઈ ગઈ છે. ભારતીય અર્થતંત્ર પહેલા કરતા વધુ સંગઠિત બન્યું છે. તેની અસર લોકોની જીવનશૈલી પર જોવા મળે છે.
11. 12 AM :
આઝાદીના અમૃતકાળનું આ પ્રથમ બજેટ છે
નાણામંત્રીએ કહ્યું કે દેશની આઝાદીના સુવર્ણકાળનું આ પ્રથમ બજેટ છે. અમે દરેક વિભાગ સુધી પહોંચવાનો પ્રયાસ કર્યો છે. ખાસ કરીને યુવાનો અને તમામ વર્ગના લોકોને આર્થિક મજબૂતી આપવાના પ્રયાસો કરવામાં આવ્યા છે. વિશ્વમાં મંદી હોવા છતાં, અમારું વર્તમાન વિકાસ અનુમાન 7 ટકાની આસપાસ છે અને ભારત પડકારજનક સમયમાં ઝડપી વિકાસ તરફ આગળ વધી રહ્યું છે. વિશ્વભરના લોકોએ ભારતના વિકાસની પ્રશંસા કરી છે અને આ બજેટ આગામી 25 વર્ષ માટેનું બ્લુ પ્રિન્ટ છે. કોવિડ રસીકરણ અભિયાન દેશને એક નવા સ્તરે લઈ ગયો છે અને વિશ્વએ ભારતની શક્તિને ઓળખી છે.
11.08 AM :
વિશ્વએ સ્વીકાર્યું છે કે ભારતીય અર્થતંત્ર એક ચમકતો સિતારો છે. એવું માનવામાં આવે છે કે આપણી અર્થવ્યવસ્થા 7 ટકાના દરે વૃદ્ધિ કરશે, જે વિશ્વના અર્થતંત્રમાં સૌથી વધુ છે.- નાણામંત્રી
11.00 AM :
નાણામંત્રી નિર્મલા સીતારમણનું બજેટ ભાષણ શરૂ
નાણામંત્રી નિર્મલા સીતારમણે સંસદમાં બજેટ ભાષણની શરૂઆત કરી અને નાણાકીય વર્ષ 2023-24 માટે સામાન્ય બજેટ રજૂ કર્યું. આ સાથે દેશનો આર્થિક હિસાબ દરેકની સામે દેખાવા લાગ્યો છે.
10.50 AM :
સંસદીય કાર્ય મંત્રી પ્રહલાદ જોશીએ કહ્યું- આ શ્રેષ્ઠ બજેટ હશે
સંસદીય કાર્ય મંત્રી પ્રહલાદ જોશીએ કહ્યું કે આ અત્યાર સુધીનું સર્વશ્રેષ્ઠ બજેટ હશે. ગરીબો માટે, મધ્યમ વર્ગ માટે આ વધુ સારું બજેટ હશે. આ સિવાય રાજનાથ સિંહે પણ અગાઉ કહ્યું છે કે સારું બજેટ આવશે. દેશનું બજેટ રજૂ થવામાં માત્ર 10 મિનિટ બાકી છે. સંસદની કાર્યવાહી શરૂ થયાના બરાબર 10 મિનિટ બાદ નાણામંત્રી સંસદમાં બજેટ ભાષણ શરૂ કરશે.
10.38 AM :
બજેટની નકલો સંસદ ભવન પહોંચી
બજેટની નકલો સંસદ ભવન સુધી પહોંચી ગઈ છે. તેની લાઈવ તસવીરો ANI પરથી લેવામાં આવી છે.
Delhi | #Budget copies brought to Parliament, ahead of Budget presentation at 11am pic.twitter.com/dAF2M0QEUk
— ANI (@ANI) February 1, 2023
10.25 AM :
કેન્દ્રીય કેબિનેટની બેઠક શરૂ
સંસદ ભવનમાં કેન્દ્રીય કેબિનેટની બેઠક શરૂ થઈ ગઈ છે અને તેની સાથે બજેટનું અંતિમ કાઉન્ટડાઉન ચાલી રહ્યું છે. હવેથી બરાબર 40 મિનિટ બાદ બજેટ રજૂ કરવામાં આવશે. રક્ષા મંત્રી રાજનાથ સિંહે કહ્યું કે સારું બજેટ આવી રહ્યું છે.
10.10 AM :
વડાપ્રધાન નરેન્દ્ર મોદી સંસદ ભવન પહોંચ્યા
વડાપ્રધાન નરેન્દ્ર મોદી પણ સંસદ ભવન પહોંચી ગયા છે અને અહીં કેન્દ્રીય કેબિનેટની પ્રી-બજેટ બેઠક યોજશે. નાણામંત્રી નિર્મલા સીતારમણ પહેલા જ સંસદ ભવન પહોંચી ચૂક્યા છે અને બરાબર 11 વાગ્યે સંસદમાં બજેટ રજૂ કરશે.
10.03 AM :
નાણામંત્રી પહોંચ્યા સંસદ ભવન, સવારે 11 વાગે દેશનું બજેટ રજૂ કરશે
નાણામંત્રી નિર્મલા સીતારમણ બજેટ રજૂ કરવા સંસદ ભવન પહોંચી ગયા છે. બજેટ સવારે 11 વાગ્યે સંસદમાં રજૂ કરવામાં આવશે અને નાણામંત્રી આર્થિક હિસાબ આપશે.
9.40 AM :
નાણામંત્રી રાષ્ટ્રપતિને મળ્યા, બજેટને ઔપચારિક મંજૂરી મળી
નાણામંત્રી નિર્મલા સીતારમણે આજે બજેટને લઈને રાષ્ટ્રપતિ દ્રૌપદી મુર્મુ સાથે મુલાકાત કરી હતી. તેમની સાથે નાણા રાજ્ય મંત્રી ભાગવત કરાડ, નાણા રાજ્ય મંત્રી પંકજ ચૌધરી અને નાણા મંત્રાલયના વરિષ્ઠ અધિકારીઓ રાષ્ટ્રપતિ ભવન પહોંચ્યા છે. આ સામાન્ય પ્રક્રિયા છે જે બજેટની રજૂઆત પહેલા અનુસરવામાં આવે છે.
Union Minister of Finance and Corporate Affairs Nirmala Sitharaman, MoS Dr Bhagwat Kishanrao Karad, MoS Pankaj Chaudhary and senior officials of the Ministry of Finance called on President Droupadi Murmu at Rashtrapati Bhavan before presenting the Union Budget 2023-24. pic.twitter.com/S9GJiDG1aw
— ANI (@ANI) February 1, 2023
આજના બજેટની અપેક્ષાઓ જોતા આવકવેરાના સ્લેબમાં છૂટ મળી શકે છે અને તેનાથી મધ્યમ વર્ગને મોટી રાહત મળવાની આશા છે. ઈન્ફ્રાસ્ટ્રક્ચર સેક્ટર માટે પણ મોટી જાહેરાતની અપેક્ષા છે.
9.13 AM :
નાણા મંત્રાલયની બહાર નાણામંત્રી નિર્મલા સીતારમણની તસવીર આવી છે અને બજેટ સાથેની તેમની પ્રથમ તસવીરમાં તે લાલ સાડીમાં જોવા મળી રહી છે.
Delhi | Finance Minister Nirmala Sitharaman all set to present the Union Budget 2023 at 11am today
This is the BJP government's last full Budget before the 2024 general elections. pic.twitter.com/m2NRMHW7Ut
— ANI (@ANI) February 1, 2023
8.45 AM :
નાણામંત્રી નિર્મલા સીતારમણ નાણા મંત્રાલયમાંથી રવાના થઈ ગઈ છે. ત્યાંથી તે પછી સીધા રાષ્ટ્રપતિ ભવન પહોંચશે. સવારે 8:40 વાગ્યે, નાણામંત્રી નિર્મલા સીતારમણ તેમના સત્તાવાર નિવાસસ્થાનથી બહાર આવશે અને નોર્થ બ્લોક સ્થિત નાણા મંત્રાલયની ઓફિસ જશે. તે નાણા મંત્રાલયની ઓફિસમાંથી બજેટ લેશે અને સંસદ માટે રવાના થશે. નાણામંત્રી નિર્મલા સીતારમણ સવારે 9 વાગ્યે નાણા મંત્રાલયના ગેટ નંબર 2 માંથી બહાર આવશે. આ પછી, નાણા મંત્રાલયના અધિકારીઓ અને નાણામંત્રીનું બજેટ સાથે ફોટો સેશન થશે. નાણામંત્રી નિર્મલા સીતારમણ રાષ્ટ્રપતિ ભવન જવા રવાના થઈ ગયા છે. ત્યાં તે રાષ્ટ્રપતિ દ્રૌપદી મુર્મુને બજેટની કોપી સોંપશે.
