ઝારખંડના ધનબાદમાં ભીષણ આગ લાગવાની ઘટના સામે આવી છે. અહીંના જોરાફાટક રોડ પર આવેલા આશિર્વાદ ટાવરના ત્રીજા માળે આગ લાગી હતી. આગનું કારણ ગેસ સિલિન્ડરમાં બ્લાસ્ટ હોવાનું કહેવાય છે. ધનબાદના ડેપ્યુટી કમિશનરે પુષ્ટિ કરી છે કે ધનબાદના એક એપાર્ટમેન્ટમાં લાગેલી ભીષણ આગમાં 10 મહિલાઓ, ત્રણ બાળકો અને અન્ય એક સહિત 14 લોકોના મોત થયા છે. હાલ ફાયર એન્જિન ઘટનાસ્થળે પહોંચીને બચાવ કામગીરી ચલાવી રહી છે.
धनबाद के आशीर्वाद टावर अपार्टमेंट में आग लगने से लोगों की मृत्यु अत्यंत मर्माहत करने वाली है। जिला प्रशासन द्वारा युद्ध स्तर पर कार्य किया जा रहा है तथा हादसे में घायल लोगों को उपचार उपलब्ध कराया जा रहा है। मैं खुद पूरे मामले को देख रहा हूँ।
— Hemant Soren (@HemantSorenJMM) January 31, 2023
એપાર્ટમેન્ટની નજીક જ હોસ્પિટલ
ઉલ્લેખનીય છે કે આ ટાવરની નજીક એક હોસ્પિટલ પણ આવેલી છે. ભીષણ આગના કારણે એપાર્ટમેન્ટમાં રહેતા લોકો ખૂબ જ ભયભીત છે. ડીએસપી લો એન્ડ ઓર્ડરના જણાવ્યા અનુસાર ધનબાદના એક એપાર્ટમેન્ટમાં ભીષણ આગ લાગી હતી. ઘણા લોકો ફસાયા હોવાની આશંકા છે. કેટલાક લોકોના મોત પણ નોંધાયા છે. ચોક્કસ સંખ્યા વિશે અત્યારે કંઈ કહી શકાય તેમ નથી. બચાવ કાર્ય હજુ ચાલુ છે. જો કે, કેટલાક અહેવાલોમાં દાવો કરવામાં આવી રહ્યો છે કે આગ આશીર્વાદ ટ્વીન ટાવર્સના બીજા, ત્રીજા, ચોથા અને પાંચમા માળ સુધી ફેલાઈ ગઈ છે.
परमात्मा दिवगंत आत्माओं को शांति प्रदान कर शोकाकुल परिवारों को दुःख की विकट घड़ी सहन करने की शक्ति दे। घायलों को शीघ्र चिकित्सा उपलब्ध कराने के लिए हर संभव कार्य किया जा रहा है।
— Hemant Soren (@HemantSorenJMM) January 31, 2023
બિલ્ડીંગમાં 10 માળ, 70 ફ્લેટ
દાવો કરવામાં આવી રહ્યો છે કે જે ઘરમાં આગ લાગી હતી ત્યાં લગ્ન હતા. આ બિલ્ડિંગમાં 70 જેટલા ફ્લેટ હોવાનું સામે આવ્યું છે. મળતી માહિતી મુજબ આશીર્વાદ ટાવરમાં 10 માળ છે. આગ પર હજુ કાબુ મેળવી શકાયો નથી. 20થી વધુ ફાયર બ્રિગેડ ઘટનાસ્થળે આગ ઓલવવામાં લાગેલા છે. મોટી સંખ્યામાં પોલીસ દળો અને બચાવકર્મીઓ બચાવ કાર્યમાં લાગેલા છે. એપાર્ટમેન્ટના મોટાભાગના ફ્લેટ ખાલી થઈ ગયા છે.
