BBC ડોક્યુમેન્ટ્રી પર પ્રતિબંધનો મામલો SC પહોંચ્યો, જાણો- શું કહ્યું કિરેન રિજિજુએ ?
2002ના ગુજરાત રમખાણો પર BBC ડોક્યુમેન્ટ્રી પર સરકાર દ્વારા લગાવવામાં આવેલા પ્રતિબંધનો મામલો સુપ્રીમ કોર્ટમાં પહોંચ્યો છે. તાજેતરમાં, ડોક્યુમેન્ટરી પર પ્રતિબંધ મૂકવામાં આવ્યો હતો, જેને દૂર કરવા માટે સુપ્રીમ કોર્ટમાં અરજી દાખલ કરવામાં આવી છે. જો કે આ ડોક્યુમેન્ટરીનું સ્ક્રીનિંગ દેશની ઘણી મોટી યુનિવર્સિટીઓમાં કરવામાં આવ્યું છે.
This is how they waste the precious time of Hon'ble Supreme Court where thousands of common citizens are waiting and seeking dates for Justice. https://t.co/5kouG8Px2K
— Kiren Rijiju (@KirenRijiju) January 30, 2023
‘તે સુપ્રીમ કોર્ટના સમયનો બગાડ છે’
BBC ડોક્યુમેન્ટ્રી પરનો પ્રતિબંધ હટાવવાની સુપ્રીમ કોર્ટમાં દાખલ કરવામાં આવેલી અરજી અંગે કોઈનું નામ લીધા વિના કિરેન રિજિજુએ ટ્વિટ કર્યું, “આ રીતે તેઓ સુપ્રીમ કોર્ટનો કિંમતી સમય બગાડે છે, જ્યાં હજારો સામાન્ય નાગરિકો ન્યાયની રાહ જોઈ રહ્યા છે અને તારીખોની માંગ કરી રહ્યા છે.”
મોટા વકીલોએ અરજી કરી હતી
એડવોકેટ એમએલ શર્માએ 2002ના ગુજરાત રમખાણો પર BBCની ડોક્યુમેન્ટ્રી પર સરકારના પ્રતિબંધનો મામલો સુપ્રીમ કોર્ટમાં મૂક્યો હતો. ચીફ જસ્ટિસ ડીવાય ચંદ્રચુડે 6 ફેબ્રુઆરીએ સુનાવણીની વાત કરી હતી. ડોક્યુમેન્ટ્રીને લઈને એન રામ, પ્રશાંત ભૂષણ અને તૃણમૂલ કોંગ્રેસના સાંસદ મહુઆ મોઈત્રા જેવા લોકોની ટ્વીટને ડિલીટ કરવાનો મુદ્દો પણ કોર્ટમાં સામે આવ્યો છે. ચીફ જસ્ટિસે આ અંગે પણ સુનાવણીની ખાતરી આપી છે.
‘ઈન્ડિયાઃ ધ મોદી ક્વેશ્ચન’ નામની ડોક્યુમેન્ટ્રી PM મોદીને લઈને બે ભાગમાં બનાવવામાં આવી છે. જેમાં વર્ષ 2002ના ગુજરાત રમખાણો જણાવવામાં આવ્યા છે. આ સાથે BBCની આ ડોક્યુમેન્ટ્રીમાં તે સમયની રાજકીય પરિસ્થિતિની તસવીરો પણ બતાવવામાં આવી છે. આ સાથે પીએમ મોદીનો ગુજરાતના મુખ્યમંત્રી તરીકેનો યુગ પણ દર્શાવવામાં આવ્યો છે. આ ડોક્યુમેન્ટ્રીનો પ્રથમ એપિસોડ બ્રિટનમાં 17 જાન્યુઆરીએ પ્રસારિત થયો હતો. જેમાં પીએમ મોદીના પ્રારંભિક રાજકીય જીવનને બતાવવામાં આવ્યું છે.
