CM યોગી પણ બન્યા ટીમ ઈન્ડિયાના ફેન, T20 મેચ જોવા પહોંચ્યા સ્ટેડિયમમાં
ઉત્તર પ્રદેશના સીએમ યોગી આદિત્યનાથ ભારત અને ન્યુઝીલેન્ડ વચ્ચે રમાઈ રહેલી બીજી T20 મેચ જોવા માટે લખનૌના ઈકાના સ્ટેડિયમ પહોંચ્યા હતા. અહીં તેણે ભારતીય ટીમને પ્રોત્સાહિત કર્યા અને ક્રિકેટરો સાથે ફોટા પણ ક્લિક કર્યા. ભારત અને ન્યુઝીલેન્ડ વચ્ચે T20 સીરીઝની બીજી મેચ લખનૌના એકાના સ્ટેડિયમમાં રમાઈ રહી છે, આ મેચમાં ન્યુઝીલેન્ડની ટીમે ટોસ જીતીને બેટીંગ પસંદ કરી છે. આ ત્રણ મેચની શ્રેણી છે, જેમાંથી પ્રથમ મેચ ન્યુઝીલેન્ડે જીતી છે.
Uttar Pradesh CM Yogi Adityanath watches the 2nd T20 match between India and New Zealand at Ekana Stadium in Lucknow pic.twitter.com/ZvvrujOOiz
— ANI UP/Uttarakhand (@ANINewsUP) January 29, 2023
સુરક્ષા માટે વ્યાપક વ્યવસ્થા કરવામાં આવી છે
આ મેચને લઈને લખનૌ પોલીસે વિસ્તૃત સુરક્ષા વ્યવસ્થા કરી છે અને ટ્રાફિકમાં પણ ફેરફાર કરવામાં આવ્યો છે. આ ઉપરાંત સ્ટેડિયમમાં ભીડને ધ્યાનમાં રાખીને પાર્કિંગની વ્યવસ્થા કરવામાં આવી છે. શનિવારે જ પોલીસે દર્શકો માટે સ્ટેડિયમમાં પ્રવેશ અંગે એડવાઈઝરી જારી કરી હતી. સ્ટેડિયમની આસપાસ પાર્કિંગની વ્યવસ્થા કરવામાં આવી છે. દયાલબાગ લૉન, કેન્સર ઇન્સ્ટિટ્યૂટ અને HCL ઇન્ટરસેક્શન પાસે પાર્કિંગ બનાવવામાં આવ્યું છે. સાંજે 4 વાગ્યાથી જ સ્ટેડિયમમાં એન્ટ્રી શરૂ થઈ ગઈ હતી.
