રાજ્યમાં અકસ્માતની સંખ્યા દિનપ્રતિદિન વધી રહી છે. ત્યારે આજે ભાવનગરના નવાબંદર નજીક નેશનલ હાઇવે પર હિટ એન્ડ રનની બે અલગ અલગ ઘટનાઓમાં કુલ 4 લોકોના મોત થયા છે.
પ્રાપ્ત થતી માહિતી મુજબ ભાવનગર શહેરની નજીક આવેલા નવાબંદર રોડ પર આજે વહેલી પરોઢે સ્વીફ્ટ કાર અને ડમ્પર વચ્ચે અકસ્માત થયો હતો, જેમાં ચાર લોકોનાં સ્થળ પર મોત નીપજ્યાં છે.
આ ઘટનાની માહિતી મળતા જ સ્થાનિક લોકોના ટોળેટોળા ઉમટ્યા હતા. ત્યારબાદ પોલીસને ટીમ ઘટના સ્થળે પહોંચી હતી. આ ઘટનામાં ભોગ બનેલા મૃતકોને બહાર કાઢવા ફાયર વિભાગની પણ મદદ લેવાઇ હોવાની માહિતી મળી રહી છે. પોલીસે મૃતદેહોનો કબજો લઈ પોસ્ટમોર્ટમ માટે આગળની કાર્યવાહી હાથ ધરી છે.
