IPL2022: આ રહી સિઝનની પાંચ સૌથી લાંબી સિક્સર

સૌથી લાંબી સિક્સ: IPL2022ની સિઝન એકદમ ઐતિહાસિક રહી હતી.આ IPLના ઈતિહાસમાં પહેલીવાર એક સિઝનમાં 1000થી વધુ સિક્સર ફટકારવામાં આવી હતી. આ સિઝનમાં જોસ બટલરે સૌથી વધુ 45 સિક્સર ફટકારી હતી, પરંતુ આ 5 સિક્સરોની લંબાઈ જોઈને બધા આશ્ચર્યચકિત થઈ ગયા હતા. આ સિઝનની 5 સૌથી લાંબી સિક્સર અંગે જાણો…

IPL2022ની સૌથી લાંબી સિક્સ પંજાબ કિંગ્સના બેટ્સમેન લિયામ લિવિંગસ્ટોને ફટકારી હતી. લિયામ લિવિંગસ્ટોને મોહમ્મદ શમીની બોલ પર 117 મીટરની સિક્સ ફટકારી હતી.

મુંબઈ ઈન્ડિયન્સના વિસ્ફોટક બેટ્સમેન ટિમ ડેવિડે આ સિઝનની બીજી સૌથી લાંબી સિક્સ ફટકારી હતી. તેમણે ટી નટરાજનની બોલ પર 114 મીટરની લાંબી સિક્સ ફટકારી હતી.

સૌથી લાંબી સિક્સ મારનાર ખેલાડીઓની યાદીમાં 19 વર્ષીય ડેવાલ્ડ બ્રેવિસ પણ સામેલ છે. આ ડીવાલ્ડ બ્રેવિસે રાહુલ ચહરના બોલ પર 112 મીટરની સિક્સ ફટકારી હતી. રાહુલ ચહરની એકજ ઓવરમાં તેમણે 4 સિક્સર ફટકારી હતી.

IPL 2022 ની ચોથી સૌથી લાંબી સિક્સ પણ લિયામ લિવિંગસ્ટોને ફટકારી હતી. CSKના બોલર મુકેશ ચૌધરીના બોલ પર 108-મીટર સિક્સર ફટકારી હતી.

સનરાઇઝર્સ હૈદરાબાદના વિકેટકિપર બેટ્સમેન નિકોલસ પૂરને પણ આ સિઝનમાં 108 મીટરની સિક્સ ફટકારી હતી. નિકોલસ પૂરને ઘાતક ઝડપી બોલર એનરિક નોરકિયાના બોલ પર લાંબી સિક્સ ફટકારી હતી.