વડાપ્રધાન મોદી અંગે વિવાદાસ્પદ ટિપ્પણી કરનાર પાક. નેતાને ભારતે આપ્યું આમંત્રણ, જાણો ક્યા કાર્યક્રમમાં રહેશે હાજર

4 અને 5 મેના રોજ ગોવામાં SCO સમિટ 2023નું આયોજન થઈ શકે છે. રસપ્રદ વાત એ છે કે, જો પાકિસ્તાન આમંત્રણ સ્વીકારે છે, તો તે લગભગ 12 વર્ષમાં આ પ્રકારની પ્રથમ મુલાકાત હશે.

પાકિસ્તાનના વડા પ્રધાન શેહબાઝ શરીફે ભૂતકાળમાં કહ્યું હતું કે તેમના દેશે “ત્રણ યુદ્ધોમાંથી પાઠ શીખ્યો છે” અને “ભારત સાથે હવે શાંતિથી રહેવા માંગે છે.” તેના થોડા દિવસો બાદ ભારતે શાંઘાઈ કોઓપરેશન ઓર્ગેનાઈઝેશન (SCO)ના વિદેશ મંત્રીઓની બેઠકમાં ભાગ લેવા ઈસ્લામાબાદને આમંત્રણ મોકલ્યું છે. આ બેઠક ગોવામાં યોજાવાની છે. વિદેશ મંત્રી એસ જયશંકર દ્વારા ઈસ્લામાબાદમાં ભારતીય હાઈ કમિશન દ્વારા પાકિસ્તાનના વિદેશ મંત્રી બિલાવલ ભુટ્ટો ઝરદારીને મીટિંગ માટે મેના પ્રથમ સપ્તાહમાં ગોવાની મુલાકાત લેવાનું આમંત્રણ મોકલવામાં આવ્યું છે.

આ પણ વાંચો : BBC ડોક્યુમેન્ટ્રી વિવાદથી કોંગ્રેસમાં ભંગાણ, દિગ્ગજ નેતાએ પાર્ટીમાંથી રાજીનામું આપ્યું

મળતી માહિતી મુજબ આ બેઠક 4 અને 5 મેના રોજ ગોવામાં યોજવાય શકે છે. રસપ્રદ વાત એ છે કે, જો પાકિસ્તાન આમંત્રણ સ્વીકારે છે, તો તે લગભગ 12 વર્ષમાં આ પ્રકારની પ્રથમ મુલાકાત હશે. હિના રબ્બાની ખાર જુલાઈ 2011માં ભારતની મુલાકાત લેનાર છેલ્લી પાકિસ્તાની વિદેશ મંત્રી હતી.

ચીન અને રશિયાને પણ આમંત્રણ

SCOમાં ભારત અને પાકિસ્તાન સિવાય ચીન, રશિયા, કઝાકિસ્તાન, કિર્ગિસ્તાન, તાજિકિસ્તાન અને ઉઝબેકિસ્તાન સામેલ છે. મધ્ય એશિયાના દેશોની સાથે ચીન અને રશિયાના વિદેશ મંત્રીઓને પણ આમંત્રણ મોકલવામાં આવ્યું છે. જોકે, દ્વિપક્ષીય સંબંધોમાં અત્યાર સુધીના નીચા સ્તરે પાકિસ્તાનના વિદેશ પ્રધાનન માટે ભારતનું આમંત્રણ ખાસ કરીને નોંધપાત્ર છે.

ભારતે પાકિસ્તાનને શા માટે આમંત્રણ આપ્યું?

ટોચના અધિકારીએ મીડિયાને જણાવતા કહ્યુ હતું કે, “તેની ‘નેબરહુડ ફર્સ્ટ પોલિસી’ને ધ્યાનમાં રાખીને, ભારત પાકિસ્તાન સાથે સામાન્ય પડોશી સંબંધો ઈચ્છે છે. ભારતની સતત સ્થિતિ એ છે કે ભારત અને પાકિસ્તાન વચ્ચે ગમે તે મુદ્દો હોય તો તેને દ્વિપક્ષીય અને શાંતિપૂર્ણ વાતાવરણમાં ઉકેલવા જોઈએ. આતંકવાદ અને હિંસાથી મુક્ત. આવું અનુકૂળ વાતાવરણ બનાવવાની જવાબદારી પાકિસ્તાનની છે.”

‘ભારતની નીતિ સ્પષ્ટ છે’

અધિકારીએ વધુમાં જણાવ્યું હતું કે, “તે સ્પષ્ટ કરવામાં આવ્યું છે કે ભારત રાષ્ટ્રીય સુરક્ષા સાથે સંબંધિત મુદ્દાઓ પર સમાધાન કરશે નહીં અને ભારતની સુરક્ષા અને પ્રાદેશિક અખંડિતતાને નુકસાન પહોંચાડવાના તમામ પ્રયાસોનો સામનો કરવા માટે મજબૂત અને નિર્ણાયક પગલાં લેશે.”

આ પણ વાંચો : શું પરિવાર સાથે જોવા લાયક છે “પઠાણ” શાહરુખે જ આપ્યો આ જવાબ

ભારત અને પાકિસ્તાન વચ્ચેના સંબંધોમાં તિરાડ

તમને જણાવી દઈએ કે ભારત અને પાકિસ્તાનના સંબંધો છેલ્લા આઠ વર્ષમાં ખરાબ થયા છે. ઓગસ્ટ 2015 માં, ભારતે પાકિસ્તાનના વિદેશ પ્રધાન સરતાજ અઝીઝને આમંત્રણ આપ્યું હતું, પરંતુ તત્કાલીન વિદેશ પ્રધાન સ્વર્ગસ્થ સુષ્મા સ્વરાજે અઝીઝને ભારતમાં હુર્રિયતને મળવાનું ટાળવા કહ્યું ત્યારથી મુલાકાત રદ કરવામાં આવી હતી.