નરેન્દ્ર મોદી સ્ટેડિયમમાં રમાનારી INDvsNZ T-20 મેચની ટિકિટનું વેચાણ શરૂ, ક્યાંથી કરી શકશો બુકિંગ ?
ઈન્ડિયન ક્રિકેટ ટીમનો વ્યસ્ત શિડ્યુલ છે, જેમાં ન્યૂઝીલેન્ડ સામે આજે અંતિમ વન-ડે બાદ આગામી દિવસોમાં ટી-20 સિરિઝ શરૂ થવાની છે. ત્યારે 1 ફેબ્રુઆરીના ગુજરાતના આંગણે નરેન્દ્ર મોદી સ્ટેડિયમમાં ભારત અને ન્યૂઝીલેન્ડ વચ્ચે ટી-20 મેચ રમાવાની છે. જેના માટેની ટિકિટનું ઓનલાઈન બુકિંગ શરૂ થયું છે, જે Bookmyshow વેબસાઈટ પરથી કરી શકાશે.
આ પણ વાંચો : IND vs NZ: આજે ઈન્દોરમાં ત્રીજી અને ફાઈનલ વન-ડે
ગુજરાતના ક્રિકેટ રસિકો માટે ઓનલાઈન ટિકિટનું બુકિંગ શરૂ થયું છે. જેમાં ટિકિટનો ભાવ રૂ.500થી લઈને રૂ.10000 સુધી રાખવામાં આવ્યા છે. અત્યારે સ્ટેડિયમના વિવિધ બ્લોકમાં ટિકિટનું બુકિંગ શરૂ કરવામાં આવ્યું છે. જેમાં L,K અને Q બ્લોકમાં માત્ર રૂ.500 ટિકિટનો ભાવ રાખવામાં આવ્યો છે. જ્યારે B,C,F, અને G બ્લોકમાં રૂ.1000ની ટિકિટ રાખવામાં આવી છે.
જ્યારે સૌથી મોંઘી ટિકિટ અદાણી બેંકવેટમાં છે. જેમાં એક સીટનો ભાવ રૂ.10000 રાખવામાં આવ્યો છે. ઉપરાંત મેદાનમાં ઉપરની તરફ આવેલા R અને J બ્લોકની ટિકિટનો ભાવ રૂ.2000 અને 2500 રાખવામાં આવ્યો છે. નરેન્દ્ર મોદી સ્ટેડિયમમાં આમ તો 1.15 લાખ જેટલા ક્રિકેટ દર્શકો એક સાથે બેસીને મેચની મજા માણી શકે છે. ત્યારે ફરી એકવાર મોટી સંખ્યામાં દર્શકો મેચ જોવા માટે પહોંચશે.
ન્યૂઝીલેન્ડની ટીમ 3 ટી-20 મેચો રમશે
ભારત પ્રવાસે આવેલી ન્યૂઝીલેન્ડની ટીમ ત્રણ ટી-20 મેચ રમવાની છે. જેમાં પ્રથમ ટી-2 મેચ રાંચીમાં 27મી જાન્યુઆરીએ રમાશે. આ બાદ 29મીએ લખનૌમાં બીજી ટી-20 મેચ રમાવાની છે. જ્યારે 1લી ફેબ્રુઆરીએ અમદાવાદમાં સાંજે 7 વાગ્યાથી ટી-20 મેચ રમાવાની છે.
