મહાઠગ સુકેશના નવા લેટરમાં ખુલાસો… જાણો- શું લખ્યું જેક્લીન અને નોરા વિશે

મની લોન્ડરિંગના કેસમાં જેલમાં બંધ ગેંગસ્ટર સુકેશ ચંદ્રશેખરનો વધુ એક લેટર આવ્યો છે. આ લેટરમાં સુકેશે બોલિવૂડ એક્ટ્રેસ નોરા ફતેહી પર ગંભીર આરોપ લગાવ્યા છે. સુકેશે પોતાના લેટરમાં દાવો કર્યો છે કે નોરા ઈચ્છતી હતી કે સુકેશ અને જેકલીનનું બ્રેકઅપ થઈ જાય કારણકે નોરા બંને સાથે ફરતી હતી. સુકેશે આગળ લખ્યું છે કે જેકલીનનું સતત નોરા બ્રેઈનવોશ કરી રહી હતી. સુકેશે આ લેટર નોરા અને જેકલીન વચ્ચેના વિવાદના આધારે લખ્યો છે. હકીકતમાં, સુકેશ ચંદ્રશેખરને 200 કરોડ રૂપિયાના મની લોન્ડરિંગ કેસમાં ફસાવવામાં આવ્યો છે.

જણાવી દઈએ કે સુકેશ ચંદ્રશેખર પર 200 કરોડ રૂપિયાની મની લોન્ડરિંગનો આરોપ છે. જેલમાં જતા પહેલા સુકેશના નોરા ફતેહી અને જેકલીન ફર્નાન્ડીઝ બંને સાથે ગાઢ સંબંધો હતા. હવે મામલો સામે આવ્યા બાદ સુકેશના એક પછી એક લેટર સામે આવી રહ્યા છે. સુકેશે એવો પણ આરોપ લગાવ્યો છે કે નોરા ફતેહીએ ઈકોનોમિક ઓફેન્સ બ્યુરો સમક્ષ પોતાનું નિવેદન બદલી નાખ્યું હતું. તેણે ગંભીર આરોપ લગાવ્યો છે કે નોરા ઈચ્છતી હતી કે સુકેશ જેકલીનને છોડી દે. સુકેશના કહેવા પ્રમાણે, જ્યારે તેણે આમ કરવાની ના પાડી તો નોરાએ પણ તેને હેરાન કરી.

સુકેશના લેટરમાં આગળ લખવામાં આવ્યું છે કે તેના જેકલીન સાથે ગંભીર સંબંધ હતા. તેથી જ નોરાને જેકલીનની ઈર્ષ્યા થતી હતી. તેણે કહ્યું છે કે નોરા તેને જેકલીન વિશે બ્રેઈનવોશ કરતી હતી. તેણે તેના બે સાથીદારો વિશે પણ લખ્યું છે કે નિક્કી તંબોલી અને ચાહત ખન્ના માત્ર તેના વ્યાવસાયિક સહયોગીઓ હતા અને પ્રોડક્શનમાં તેમની સાથે કામ કરતા હતા.