ગુજરાત ટાઈટન્સની ટીમે ગઈકાલે આઈપીએલ ૨૦૨૨ નો ખિતાબ જીતી લીધો હતો. રાજસ્થાન રોયલ્સને સાત વિકેટે હરાવી પ્રથમ વખત આઈપીએલનો ખિતાબ પોતાના નામે કર્યો હતો. ત્યારે આજે અમદાવાદમાં ગુજરાત ટાઈટન્સનો ભવ્ય રોડશો યોજાયો હતો. જેમાં અમદાવાદીઓમાં ભારે ઉત્સાહ જોવા મળ્યો હતો. હાર્દિક પંડ્યાની આગેવાની હેઠળની ટીમે રોડ શો યોજાયો હતો. જેમાં રોડ શો દરમિયાન હાર્દિક પટેલે જીતની ટ્રોફીને માથે લઈ લીધી હતી.
હાર્દિક પંડ્યાએ તેની કપ્તાની હેઠળ IPL 2022નું ટાઈટલ જીતીને ઈતિહાસ રચ્યો છે. ગુજરાત ટાઇટન્સની ટીમ પ્રથમ વખત IPL રમી રહી હતી અને તેની ડેબ્યૂ સિઝનમાં જ ચેમ્પિયન બની છે. ત્યારે ગુજરાત ટાઇટનની ટીમે ગાંધીનગરમાં મુખ્યમંત્રીના નિવાસસ્થાને મુખ્યમંત્રી ભૂપેન્દ્ર પટેલ સાથે મુલાકાત કરી હતી. CM હાઉસ ખાતે ટીમનો અભિવાદન કાર્યક્રમ યોજાયો હતો. જેમાં રમત-ગમત મંત્રી હર્ષ સંઘવી પણ ઉપસ્થિત રહ્યાં હતા. આ મુલાકાત બાદ અમદાવાદમાં ગુજરાત ટાઇટન્સની ટીમનો ભવ્ય રોડ શો યોજાયો હતો. ખુલ્લી બસમાં ગુજરાત ટાઇટન્સના ખેલાડીઓએ પ્રશંસકોનું અભિવાદન ઝીલ્યું હતું. ક્રિકેટપ્રેમીઓમાં ભારે ઉત્સાહ જોવા મળ્યો હતો.
