અજય દેવગણની ‘ભોલા’માં તબુનો દબંગ લુક વાઇરલઃ ક્યારે રિલીઝ થશે ફિલ્મ?
દ્રશ્યમ-2 ફિલ્મથી લોકોનું મનોરંજન કર્યા બાદ અજય દેવગણ અપકમિંગ ફિલ્મ ‘ભોલા’ને લઇને હાજર છે. ફિલ્મનું ટીઝર 22 નવેમ્બરે જારી કરાયુ હતુ. હાથમાં શ્રીમદભગવત ગીતા અને માથા પર ભસ્મ લગાવેલો અજય દેવગણનો આ લુક ફેન્સ માટે એક સરપ્રાઇઝ એલિમેન્ટ જેવો હતો. હવે ફિલ્મ ‘ભોલા’નો તબ્બુનો લુક રિલીઝ થયો છે.
#Tabu unveils her first look poster from #Bhola #BollywoodGaliyara https://t.co/pWrxPZZsSa pic.twitter.com/nMfqqmVupB
— Bollywood Galiyara (@bolly_galiyara) January 17, 2023
ફિલ્મ ‘ભોલા’નું તબ્બુના લુકનુ પોસ્ટર રિલીઝ થઇ ગયુ છે. જેમાં તે આંખ પર ગોગલ્સ, હાથમાં ગન લઇને ઇન્ટેન્સ અંદાજમાં જોવા મળી રહી છે. અજયે તબ્બુનુ પોસ્ટર શેર કરતા લખ્યુ છે, એક ખાકી-સો શેતાન. અજયના પોસ્ટર રિલીઝ કર્યા બાદ તે ટ્રેન્ડિંગ લિસ્ટનો એક ભાગ બની ગયુ છે. દ્રશ્યમ બાદ એક વાર ફરી અજય અને તબ્બુ એક સાથે કામ કરતા જોવા મળશે.
આ પહેલા ‘ભોલા’ ફિલ્મનું અજય દેવગણનું પોસ્ટર પણ રિલીઝ થયુ હતુ, જેને શેર કરતા અજયે કેપ્શનમાં લખ્યુ હતુ કે આ કળયુગમાં આવી રહ્યો છે ભોલા. ફિલ્મ દ્રશ્યમ બાદ આ મોશન પોસ્ટરમાં તબ્બુ એક પોલીસ અધિકારીના રૂપમાં દેખાઇ રહી છે. આ પોસ્ટરમાં ફેન્સ તબ્બુના આ લુકના ખુબ વખાણ કરી રહ્યા છે. આ લુક સોશિયલ મીડિયા પર ઝડપથી વાઇરલ થઇ રહ્યો છે. આ ફિલ્મ 30 માર્ચ 2023ના રોજ થિયેટરમાં જોવા મળશે.
આ પણ વાંચોઃ શાહરૂખે સુહાના સાથે જોઇ પઠાણઃ કોણે આપી હતી ચેલેન્જ?
