આજે રાજ્યભરમાં ઉતરાયણની ધામધૂમથી ઉજવણી કરવામાં આવી હતી. તો બીજી તરફ જૂનાગઢ જિલ્લાના માળીયાહાટીના તાલુકામાં આવેલ ભાખરવાડ ડેમ પર સેલ્ફી લેવા જતાં 4 જણાં ડેમમાં ડૂબી ગયા હોવાની ઘટના સામે આવી છે. જે પૈકી 3ના મોત થયા છે, જ્યારે અન્ય એક યુવકની શોધખોળ ચાલી રહી છે. આ ઘટનાના પગલે સમગ્ર પંથકમાં અરેરાટી મચી જવા પામી છે.
જૂનાગઢના માળિયા હાટીનાના ભાખરવડ ડેમમાં ચાર લોકો ડૂબ્યાની ઘટના બની હતી. મળતી જાણકારી અનુસાર, માળિયા હાટીનાના ભાખરવડ ડેમમાં ચાર લોકો ડૂબ્યા હતા. આ ઘટનામાં બે યુવક અને એક યુવતીનું મોત થયું હતું. ઘટનાની જાણ થતા મામલતદાર અને પોલીસની ટીમ ઘટનાસ્થળે પહોંચી હતી. ઘટનાને પગલે લોકોના ટોળા ઉમટી પડ્યા હતા.
આ પણ વાંચો : મહેસાણા : ચાઇનીઝ દોરી વાગતા બાળકીનું મોત, પરિવારમાં માતમ
