જોશીમઠ : આજથી અસુરક્ષિત ઈમારતોને તોડવાની કામગીરી શરુ, તો બીજી તરફ લોકો ઘર છોડવા તૈયાર નથી
ડિઝાસ્ટર મેનેજમેન્ટ ઓથોરિટી, ચમોલીના જણાવ્યા મુજબ, સોમવારે જોશીમઠમાં વધુ 68 ઘરોમાં તિરાડો જોવા મળી હતી, ત્યારબાદ જમીન ધસી જવાથી પ્રભાવિત ઘરોની સંખ્યા વધીને 678 થઈ ગઈ છે. જોશીમઠમાં જે જમીનોને અસુરક્ષિત જાહેર કરવામાં આવી છે ત્યાં મોટી સંખ્યામાં લોકો તેમના ઘરો છોડવા તૈયાર નથી, જ્યારે ઉત્તરાખંડના મુખ્ય સચિવ એસએસ સંધુએ સોમવારે કહ્યું કે, દરેક મિનિટ મહત્વપૂર્ણ છે. સંધુએ અસરગ્રસ્ત વિસ્તારમાંથી લોકોને તાત્કાલિક બહાર કાઢવાનો નિર્દેશ આપ્યો હતો.
આ પણ વાંચો : જિલ્લામાં 14 પોલીસકર્મી સસ્પેન્ડ, અમદાવાદ ગ્રામ્ય એસપીની મોટી કાર્યવાહી
અસરગ્રસ્ત વિસ્તારમાં રહેતા ઘણા પરિવારો તેમના ઘર પ્રત્યેના ભાવનાત્મક જોડાણને તોડી શકતા નથી અને તેમને છોડવા માંગતા નથી. જેઓ અસ્થાયી આશ્રયસ્થાનોમાં પહોંચ્યા છે તેઓ પણ તેમના ખાલી મકાનો જોવા પહોંચી રહ્યા છે જે જોખમ ભર્યું છે.
Joshimath: Demolition of damaged hotels, houses to begin today
Read @ANI Story | https://t.co/OFu1L40hYI#Joshimath #JoshimathDemolition #Uttarakhand pic.twitter.com/LsfXVdJbnj
— ANI Digital (@ani_digital) January 10, 2023
જિલ્લા પ્રશાસને 200થી વધુ અસુરક્ષિત ઘરો પર લાલ નિશાન લગાવ્યું છે. તેણે આ મકાનોમાં રહેતા લોકોને અસ્થાયી રાહત કેન્દ્રોમાં ખસેડવા અથવા ભાડાના મકાનોમાં સ્થળાંતર કરવા જણાવ્યું છે. આ માટે દરેક પરિવારને આગામી છ મહિના સુધી રાજ્ય સરકાર તરફથી 4000 રૂપિયાની માસિક સહાય મળશે. તેમજ મળતી માહિતી મુજબ સોમવારે જોશીમઠમાં વધુ 68 ઘરોમાં તિરાડો જોવા મળી હતી. તેથી જમીન ધસી જવાથી પ્રભાવિત ઘરોના કુલ સંખ્યા 678 થઈ ગઈ છે. જ્યારે 27થી વધુ પરિવારોને સુરક્ષિત સ્થળે ખસેડવામાં આવ્યા છે.
ગટર લાઇનનું તાત્કાલિક સમારકામ
અધિકારીએ જણાવ્યું કે, જે જર્જરિત મકાનોમાં તિરાડો પડી ગઈ છે તેને તાત્કાલિક તોડી નાખવા જોઈએ જેથી વધુ નુકસાન ન થાય. તૂટેલી પીવાના પાણીની પાઈપલાઈન અને ગટરલાઈન પણ તાત્કાલિક રીપેર કરવી જોઈએ કારણ કે આ અસરગ્રસ્ત વિસ્તાર પર ખરાબ અસર કરી શકે છે.
સિંહધારના રહેવાસી ઋષિ દેવીનું ઘર ધીમે ધીમે ધસી રહ્યું છે. તેણીને તેના પરિવાર સાથે સલામત સ્થળે જવાનું હતું, પરંતુ તેણીના પરિવારે તેણીને આમ કરતા અટકાવ્યા હોવા છતાં તે દરરોજ તેના ઘરે પરત ફરે છે. તે હવે તેના ઘરની તિરાડ દિવાલો તરફ જોતી બેઠી છે. રૂમમાં તિરાડો પડી જતાં રમા દેવીના પરિવારને ઘરના વરંડામાં સૂવાની ફરજ પડી હતી અને અંતે તેઓ ગભરાઈને ઘરની બહાર નીકળી ગયા હતા. પ્રાથમિક શાળાની ઇમારતમાં આશ્રય લેનાર લક્ષ્મીએ કહ્યું કે તે કાયમી પુનર્વસન ઇચ્છે છે. “અમે આ અસ્થાયી રાહત શિબિરમાં કેટલો સમય રહીશું,” તેમણે કહ્યું.
આ પણ વાંચો : જામનગર : ઈમરજન્સી ફ્લાઈટ લેન્ડિંગમાં આપત્તિજનક વસ્તુ ન મળી; સવારે 10 વાગ્યે ઉડાન ભરે એવી શક્યતા
આ દરમિયાન, સુપ્રીમ કોર્ટે જોશીમઠમાં ભૂસ્ખલનને કારણે સર્જાયેલી કટોકટીને રાષ્ટ્રીય આફત તરીકે જાહેર કરવા માંગણી કરી છે. તેમજ આ માંગણી કરનાર અરજદારને તાકીદની સુનાવણી માટે તેમની અપીલની સૂચિબદ્ધ કરવાના હેતુસર મંગળવારે તેનો ઉલ્લેખ કરવા જણાવ્યું છે.
અસુરક્ષિત ઇમારતોને તોડી પાડવાની ઝુંબેશ
જોશીમઠમાં ભૂસ્ખલનને કારણે અસુરક્ષિત ઇમારતોને તોડી પાડવાની ઝુંબેશ આજથી શરૂ થશે. મુખ્ય સચિવ ડૉ.એસ.એસ.સંધુએ અસુરક્ષિત ઈમારતોને તોડી પાડવા સૂચના આપી છે. સેન્ટ્રલ બિલ્ડિંગ રિસર્ચ ઇન્સ્ટિટ્યૂટના વૈજ્ઞાનિકોની દેખરેખ હેઠળ લોનીવીની ટીમ ઇમારતોને તોડી પાડવાનું કામ હાથ ધરશે. બંને સંસ્થાઓની ટીમો જોશીમઠ પહોંચી છે. અસુરક્ષિત ઈમારતો પર લાલ નિશાન લગાવવામાં આવ્યા છે. ડિઝાસ્ટર મેનેજમેન્ટના સચિવ ડૉ. રણજીત સિંહાએ પ્રેસ કોન્ફરન્સમાં જણાવ્યું કે, CBRIની ટીમ ગઈકાલે જોશીમઠ પહોંચી અને મલારી ઇન અને માઉન્ટ વ્યૂ હોટલનો સર્વે કર્યો હતો. આ બે હોટલમાંથી ઈમારતોને તોડી પાડવાની શરૂઆત આજથી કરવામાં આવશે.
હોટેલ મલારી ઇનને તોડવામાં આવશે
સૌ પ્રથમ હોટેલ મલારી ઇનને તોડવામાં આવશે. સેન્ટ્રલ બિલ્ડિંગ રિસર્ચ ઇન્સ્ટિટ્યૂટ રૂરકીના નિષ્ણાંતોની ટીમના નિર્દેશન હેઠળ અને NDRF, SDRFની હાજરીમાં હોટલ તોડવાની કાર્યવાહી હાથ ધરશે. આ દરમિયાન 60 મજૂરો સાથે બે જેસીબી, એક મોટી ક્રેન અને બે ટીપર ટ્રક હાજર રહેશે. તેમજ વહીવટીતંત્ર સામે હવામાનનો પડકાર પણ છે. વરસાદ કે હિમવર્ષાની સંભાવનાને જોતાં સરકાર ઇચ્છે છે કે અત્યંત સંવેદનશીલ ઇમારતોને તાત્કાલિક તોડી પાડવામાં આવે જેથી મોટા આકસ્માતથી બચી શકાય. ડિઝાસ્ટર મેનેજમેન્ટ સેક્રેટરી ડૉ. રણજિત સિન્હાના જણાવ્યા અનુસાર, આ તમામ ઇમારતોને ક્રમિક રીતે તોડી પાડવામાં આવશે, જેમાં તિરાડો પડેલી છે.
