IPLની 15મી સિઝન પહેલા જ્યારે ગુજરાતની ટીમમાં હાર્દિક પંડ્યા, શુભમન ગિલ અને રાશિદ ખાનને લેવામાં આવ્યા હતા, ત્યારે ભાગ્યે જ કોઈએ વિચાર્યું હશે કે, નવા કેપ્ટનના નેતૃત્વમાં પહેલીવાર IPL રમી રહેલી ટીમ આ સિઝનની ફાઈનલમાં પહોંચનારી પ્રથમ ટીમ બની જશે. પરંતુ આ બધું એટલું સરળતાથી થયું કે, એવું લાગ્યું જ નહીં કે હાર્દિક પંડ્યા પહેલીવાર કેપ્ટન્સી કરી રહ્યા છે અને ગુજરાતની ટીમ પહેલીવાર આટલી મોટી લીગમાં રમી રહી છે. જ્યારે આ બધું એક સારી ટીમ અને ઘણા મેચ વિનર સાથે શક્ય બન્યું છે. જેમણે અલગ-અલગ મેચોમાં પોતાના દમ પર ટીમને જીત અપાવી છે. ચાલો જાણીએ ગુજરાતની ટીમના મેચ વિનર વિશે જેના કારણે ગુજરાતની ટીમ આજે ટ્રોફી જીતવા મેદાનમાં ઉતરવાની છે.
ડેવિડ મિલર
ગુજરાતની ટીમ સાથે સંકળાયેલા મિલર 2020થી રાજસ્થાન ટીમ સાથે જોડાયેલા હતા. 2020માં તેને આખી સિઝનમાં માત્ર એક જ મેચ રમવાની તક મળી હતી, જ્યારે 2021માં તેને તક મળી ત્યારે તેનું બેટ કંઈ ખાસ કરી શક્યું ન હતું અને 9 મેચમાં 24.80ની એવરેજ અને સ્ટ્રાઈક રેટથી માત્ર 123 રન જ બનાવી શક્યું હતું. પરંતુ 2022ની સીઝન તેના અને તેની ટીમ માટે ડ્રીમ સીઝન રહી છે. તેણે આ સિઝનમાં 64.14 અને 141.19ની એવરેજથી 449 રન બનાવ્યા અને અનેક મેચોમાં તેની ટીમને જીત અપાવી. ચેન્નાઈ સામેની મેચમાં ગુજરાત જ્યારે 87 રનમાં 5 વિકેટે પડી ગયું ત્યારે મિલરે 94 રનની અણનમ ઇનિંગ રમીને ટીમને જીત અપાવી હતી. તો ક્વોલિફાયર 1 માં જ્યારે ટીમને ઝડપી દાવની જરૂર હતી, ત્યારે મિલરે ટીમને જીતાડવા માટે 38 બોલમાં 68 રન બનાવ્યા હતા.
રાહુલ તિવેટીયા
રાહુલ તિવેટીયાનો ગુજરાતમાં ફિનિશર તરીકે સમાવેશ કરવામાં આવ્યો હતો અને તિવેટીયાએ તેના પ્રદર્શનથી તે એકદમ સાચું સાબિત કર્યું હતું. તેણે આ સિઝનમાં 147.61ના સ્ટ્રાઈક રેટથી 217 રન બનાવ્યા છે. તેણે પ્રથમ મેચમાં 24 બોલમાં 40 રનની ઝડપી ઈનિંગ રમીને ટીમને પ્રથમ જીત અપાવી હતી. પંજાબ સામેની મેચમાં તિવેટીયાએ 3 બોલમાં 13 રન ફટકારીને ટીમને બીજી વખત જીત અપાવી હતી.
રાશિદ ખાન
રાશિદ ખાને આ સિઝનમાં ચોક્કસપણે ટીમમાં ફેરફાર કર્યો હતો પરંતુ તેણે અહીં પણ પોતાનું શ્રેષ્ઠ પ્રદર્શન ચાલુ રાખ્યું હતું. તેણે પોતાની ટીમ માટે 6.73ની ઈકોનોમીમાં બોલ વડે માત્ર 18 વિકેટ જ નહીં લીધી પરંતુ બેટથી પણ જાદુ બતાવી ચેન્નાઈ સામેની મેચ જીતાડવા માટે 21 બોલમાં 40 રન બનાવ્યા હતા.
હાર્દિક પંડ્યા
કેપ્ટન તરીકે હાર્દિક માટે આ પ્રથમ સિઝન હતી, પરંતુ તેણે IPL અનુભવોનો અહીં શ્રેષ્ઠ રીતે ઉપયોગ કર્યો અને ટીમનું નેતૃત્વ કર્યું. તો ચોથા નંબર પર બેટિંગ કરતા તેણે ટીમ માટે 45.30ની એવરેજથી 453 રન બનાવ્યા અને તેનો સર્વોચ્ચ સ્કોર 87 રન હતો.
આજરોજ IPL 2022ની ફાઇનલ મેચ છે જેમાં IPLની પ્રથમ ચેમ્પિયન રાજસ્થાનની ટીમ પ્રથમ વખત રમી રહેલ ગુજરાતની ટીમ સામે હશે. આ મેચ બંને ટીમો માટે મહત્વની છે કેમ કે, એક ટીમ પ્રથમ વખત ચેમ્પિયન બનવા માટે ઉતરશે તો બીજી ટીમ 14 વર્ષ બાદ ચેમ્પિયન બનીને પોતાના પ્રથમ કેપ્ટનને શ્રદ્ધાંજલિ આપવા માંગશે.
