…તો રોહિત શર્માની કેપ્ટનશીપ છીનવાશે…? BCCIની બેઠક બાદ ઉઠ્યાં સવાલો !
વર્ષ 2022માં ટીમ ઈન્ડિયાનું પ્રદર્શન ખૂબ જ નિરાશાજનક રહ્યું, તેથી T20 વર્લ્ડ કપ 2022 બાદ BCCIએ ચેતન શર્માની અધ્યક્ષતાવાળી પસંદગી સમિતિને હટાવી દીધી હતી. આ સાથે જ ટીમ ઈન્ડિયાના સિનિયર ખેલાડીઓના પ્રદર્શનની સાથે રોહિત શર્માની કેપ્ટનશિપ પર પણ સવાલો ઉઠી રહ્યા છે. BCCIએ T20 વર્લ્ડ કપ 2022 થી લઈને આવનારા ODI વર્લ્ડ કપ સહિત અનેક મુદ્દાઓ પર ગઈકાલે મુંબઈમાં સમીક્ષા બેઠક યોજી હતી. આ બેઠકમાં કોચ રાહુલ દ્રવિડ, કેપ્ટન રોહિત શર્મા અને એનસીએ ચીફ વીવીએસ લક્ષ્મણ ઉપરાંત બીસીસીઆઈ પ્રમુખ રોજર બિન્ની, સચિવ જય શાહ અને ચેતન શર્મા પણ હાજર હતા. બેઠકમાં ભારતીય ટીમના પ્રદર્શન, રોડમેપ, ખેલાડીઓના વર્કલોડ મેનેજમેન્ટ જેવી વિવિધ બાબતો પર ચર્ચા થઈ હતી, પરંતુ કેપ્ટન તરીકે રોહિત શર્માના ભવિષ્ય વિશે કોઈ વાત થઈ ન હતી.
આ પણ વાંચો : BCCI ની સમીક્ષા બેઠક : IPL-વર્લ્ડ કપથી લઈ ખેલાડીઓની ફિટનેસ માટે લેવાયા સૌથી મહત્વના નિર્ણયો
ODI અને ટેસ્ટમાં રોહિત શર્મા જ રહેશે કેપ્ટન
બીસીસીઆઈના સૂત્રો પાસેથી જાણવા મળ્યું છે કે રોહિત શર્મા વનડે અને ટેસ્ટ બંને ફોર્મેટમાં ટીમ ઈન્ડિયાનું નેતૃત્વ કરી રહ્યો છે. આ બંને ફોર્મેટમાં કેપ્ટન તરીકે રોહિત શર્માના ભવિષ્ય વિશે કોઈ ચર્ચા થઈ નથી. ચેતન શર્માને ફરીથી અધ્યક્ષ બનાવવાના સવાલ પર બીસીસીઆઈના એક સૂત્રએ કહ્યું કે પહેલી વાત તો એ છે કે જો ચેતન શર્માને ન કહેવામાં આવ્યું હોત તો તેણે પહેલા અરજી જ ન કરી હોત. આ એક નિશાની છે કે સમિતિમાં ચેતન શર્મા અને હરવિંદરની સાથે ત્રણ નવા સભ્યો ઉમેરવામાં આવશે.
BCCI સ્પ્લિટ કેપ્ટન્સી અને કોચિંગ અપનાવશે
બીસીસીઆઈએ હજુ સુધી નવી પસંદગી સમિતિની રચના કરી નથી. શ્રીલંકા સામેની શ્રેણી માટે ટીમ ઈન્ડિયાની પસંદગી ચેતન શર્માની અધ્યક્ષતાવાળી સમિતિ દ્વારા કરવામાં આવી છે. આવી સ્થિતિમાં, નવી પસંદગી સમિતિની રચના થતાં જ બીસીસીઆઈ સ્પ્લિટ કેપ્ટનશીપ અને કોચિંગ અપનાવશે તે નિશ્ચિત છે. એટલે કે, હાર્દિક પંડ્યાને T20નો નિયમિત કેપ્ટન બનાવવામાં આવી શકે છે, જ્યારે રોહિત શર્મા વનડે અને ટેસ્ટ ટીમનો કેપ્ટન રહેશે. આ ઉપરાંત રાહુલ દ્રવિડને T20 ફોર્મેટના કોચ પદ પરથી પણ દૂર કરવામાં આવી શકે છે.
BCCI shortlists 20 players for 2023 WC, discusses Yo-Yo test, workload management in review meeting
Read @ANI Story | https://t.co/nPR2XdpSNs#BCCI #BCCIReviewMeeting #JayShah #RahulDravid #RohitSharma #ICCWorldCup2023 #YoYoTest pic.twitter.com/XlHle6sqGr
— ANI Digital (@ani_digital) January 1, 2023
બેઠકમાં લેવાયા આ નિર્ણયો
સીસીઆઈએ બેઠકમાં નિર્ણય લીધો છે કે હવે ભારતીય ક્રિકેટ ટીમમાં પસંદગી માટે લાયક બનવા માટે ખેલાડીઓ માટે ડોમેસ્ટિક ક્રિકેટ રમવું ફરજિયાત રહેશે. અગાઉ આઈપીએલમાં ચમકનારા ખેલાડીઓને સીધી ભારતીય ટીમમાં સ્થાન મળતું હતું. હવે રાષ્ટ્રીય ટીમમાં પસંદગી માટે આઈપીએલ એકમાત્ર માપદંડ રહેશે નહીં. તે જ સમયે, ખેલાડીઓની વારંવાર ઇજાને કારણે યો-યો સાથે ડેક્સા ટેસ્ટ ફરજિયાત કરવામાં આવ્યો છે. વ્યસ્ત શેડ્યૂલ અને ODI વર્લ્ડ કપની તૈયારીઓને કારણે IPL 2023માં નેશનલ ક્રિકેટ એકેડમીમાંથી પસંદ કરાયેલા ખેલાડીઓની ભાગીદારી પર નજર રાખવા માટે ભારતીય ટીમ ફ્રેન્ચાઈઝી સાથે કામ કરશે. બેઠકમાં નિર્ણય લેવામાં આવ્યો છે કે જો ટીમના મહત્વના ખેલાડીઓને ઈજા થવાની સંભાવના છે તો તેમને આઈપીએલથી દૂર રાખવામાં આવશે. 20 ખેલાડીઓનો પૂલ બનાવવામાં આવ્યો છે, જેમાંથી ODI વર્લ્ડ કપ માટે ટીમની પસંદગી કરવામાં આવશે.
