નોટબંધીના 5 મોટા કારણો, આ કારણોસર બંધ થઈ 500 અને 1000 રૂપિયાની નોટ

નોટબંધી સંબંધિત એક કેસમાં સુપ્રીમ કોર્ટની 5 સભ્યોની બેન્ચે આજે 4:1ના રેશિયોમાં નોટબંધીની તરફેણમાં નિર્ણય આપ્યો હતો. કોર્ટે કહ્યું કે કેન્દ્ર દ્વારા નોટબંધી એકદમ વાજબી છે. આજે આ ઐતિહાસિક નિર્ણયના અવસર પર ચાલો જોઈએ કે નોટબંધી કયા કારણોસર કરવામાં આવી હતી.

01. કાળું નાણું

સરકારે કહ્યું કે દેશમાં મોટી માત્રામાં કાળું નાણું છુપાયેલું છે. આ સાથે કાળું નાણું મુખ્યત્વે 500 અને 1000 રૂપિયાની નોટોના રૂપમાં રાખવામાં આવે છે. નોટબંધીને કારણે આ બધા પૈસા વેડફાઈ જશે, નહીં તો સરકારની નજરમાં આવશે.

02.નકલી નોટો

આ સિવાય દેશમાં બીજી મોટી સમસ્યા નકલી નોટોની હતી. જેના કારણે અર્થવ્યવસ્થાને નુકસાન થઈ રહ્યું હતું. નોટબંધીનો હેતુ નકલી નોટોની સમસ્યાને કાબૂમાં લેવાનો હતો.

03.ફંડિંગ

કાળાં નાણાં અને નકલી નોટો વડે દેશમાં અશાંતિ ફેલાવનારા તત્વોને ફંડિંગ કરવામાં આવી રહ્યું હતું. કાશ્મીરમાં આતંકવાદથી લઈને છત્તીસગઢમાં માઓવાદ સુધી તેને સમર્થન આપવામાં આવી રહ્યું હતું.

04. નકલી કરન્સીથી બેંકો માટે મુશ્કેલી

નકલી નોટોના કારણે બેંકો માટે મુશ્કેલી ઉભી થઈ હતી. રોજેરોજ એટીએમમાંથી નકલી કરન્સી નીકળતી હોવાની ફરિયાદો આવતી હતી અને એટીએમને બંધ કરવાની પણ જરૂર હતી.

05.અર્થવ્યવસ્થા 

આ નકલી નોટો અને કાળા નાણાના કારણે સમાંતર અર્થવ્યવસ્થા ચાલી રહી હતી, જેના કારણે બેંકોને ભારે નુકસાન થઈ રહ્યું હતું. ડિમોનેટાઇઝેશનથી આને પણ રોકવામાં મદદ મળી.

2016 કરવામાં આવેલ નોટબંધીનો નિર્ણય આજે જાહેર કરવામાં આવ્યો છે. સુપ્રીમ કોર્ટે 1000 અને 500 રૂપિયાની ચલણી નોટો પર પ્રતિબંધ મૂકવાના કેન્દ્રના નવેમ્બર 2016ના નિર્ણયને પડકારતી અરજીઓને ફગાવીને નોટબંધીને યોગ્ય જાહેર કરી છે. અને સુપ્રીમ કોર્ટે કહ્યું કે નોટબંધી પહેલા કેન્દ્ર અને આરબીઆઈ વચ્ચે ચર્ચા થઈ હતી.અને નોટબંધીનો નિર્ણય લેતી વખતે અપનાવવામાં આવેલી પ્રક્રિયામાં કોઈ ખામી નહોતી. જેથી સુપ્રીમ કોર્ટે કેન્દ્રના નિર્ણયને માન્ય રાખ્યો અને 2016માં રૂ. 500 અને રૂ. 1000ની નોટોને બંધ કરવાના કેન્દ્ર સરકારના નિર્ણયને યથાવત રાખ્યો છે.

નોટબંધીને ખોટી રીતે જાહેર કરનારી અરજીઓ દાખલ કરી હતી

ઉલ્લેખનીય છે સુપ્રીમ કોર્ટની બંધારણીય બેંચે 2016માં નોટબંધીને ખોટી રીતે જાહેર કરનારી અરજીઓ પર સુનાવણી કરી હતી. સુનાવણી દરમિયાન અરજદારોએ દલીલ કરી હતી કે નોટબંધી માટે જરૂરી પ્રક્રિયાનું પાલન કરવામાં આવ્યું ન હતું. અને યોગ્ય પ્રક્રિયાને અનુસર્યા વગર જ 8 નવેમ્બર 2016 ના રોજ અચાનક જાહેરાત કરવામાં આવી હતી કે 500 અને 1000 ની જૂની નોટો ચલણમાંથી દૂર કરવામાં આવી છે.તેવો દાવો કરવામાં આવ્યો હતો.

સુપ્રીમ કોર્ટેની પાંચ જજોની બેન્ચે સંભળાવ્યો નિર્ણય

સુપ્રીમ કોર્ટે 1000 અને 500 રૂપિયાની ચલણી નોટો પર પ્રતિબંધ મૂકવાના કેન્દ્રના નવેમ્બર 2016ના નિર્ણયને પડકારતી અરજીઓને ફગાવીને નોટબંધીને યોગ્ય જાહેર કરી છે. સરકારના આ પગલાથી રાતોરાત 10 લાખ કરોડ રૂપિયા સર્ક્યુલેશનમાંથી પાછા ખેંચી લેવામાં આવ્યા હતા. જસ્ટિસ S. A. નઝીરની આગેવાની હેઠળની પાંચ જજોની બંધારણીય બેન્ચે આ મામલે પોતાનો ચુકાદો આપ્યો હતો. સુપ્રીમ કોર્ટના આ નિર્ણયથી કેન્દ્રને મોટી રાહત મળી છે.

આ પણ વાંચો : સુપ્રીમ કોર્ટે નોટબંધીને પડકારતી તમામ અરજીઓ ફગાવી, જાણો શું કહ્યું