અમદાવાદ : ઘરમાં આગ લાગતા એક બાળક સહિત ત્રણના મોત

અમદાવાદમાં વહેલી સવારે આગનો ગોઝારો બનાવ બન્યો છે. જેમાં ત્રણ લોકોના જીવ ગયા હોવાની પ્રાથમિક માહિતી મળી રહી છે. શાહપુર દરવાજા પાસેની ન્યુ એચ. કોલોની ખાતે ઘરમાં આગ લાગતા ઘરમાં જ રહેતાં ત્રણ લોકોના મોત થયા છે.

આ પણ વાંચો : અમદાવાદ : ફ્લાવર શોમાં ભારે ભીડ, ટ્રાફિક જામ અને કોરોનાની ગાઈડલાઈનની ઐસી-તૈસી

આ અંગેની પ્રાથમિક માહિતી અનુસાર આજે વહેલી સવારે 4 થી 4.30ના સમય દરમિયાન વિકરાળ આગી લાગી હતી. ફાયર વિભાગે આગ પર કાબૂ મેળવી લીધો છે. સમગ્ર ઘટનાની જાણ થતાં પોલીસ ઘટનાસ્થળે પહોંચી ગઇ છે. હાલ આગ પર કાબુ મેળવી લેવામાં આવ્યો છે.

આ આગમાં ઘરમાં રહેતા જયેશભાઇ, હંસાબહેન અને 6 વર્ષના રેહાનના મોત નિપજ્યા છે. ત્રણના મોત થતાં મૃતદેહ પોસ્ટમોર્ટમ માટે સિવિલ હોસ્પિટલમાં ખસેડવામાં આવ્યા છે. જો કે આગ કયા કારણોસર લાગી તેનું કારણ હજી સુધી અકબંધ છે.

મૃતકના નામ

જયેશભાઇ નરસિહભાઈ વાઘેલા – 40 વર્ષ
હંસાબેન જયેશભાઇ વાઘેલા – 35 વર્ષ
રેહાન જયેશભાઇ વાઘેલા – 6 વર્ષ