પાલનપુર : ડીસાની અર્બુદા શાળામાં યોજાયો બાળમેળો અને ફૂડ ફેસ્ટિવલ

પાલનપુર : ડીસા શહેરમાં આવેલ અર્બુદા શાળામાં વિદ્યાર્થીઓ અભ્યાસની સાથે સાથે સહ અભ્યાસ પ્રવૃત્તિઓ જાણી શકે અને વિદ્યાર્થીઓમાં રહેલી સુષુપ્ત શક્તિઓ બહાર આવે તે માટે શાળા પરિવાર દ્વારા બાળ મેળો અને ફૂડ ફેસ્ટિવલ આયોજન કરવામાં આવ્યું હતું.

ડીસાની અર્બુદા સ્કૂલમાં અનોખો પ્રસંગ યોજાયો હતો. શાળામાં ફૂડ ફેસ્ટિવલ અને બાળમેળાનું આયોજન કરાતા તમામ વિદ્યાર્થીઓના મોઢા પર ખુશી જોવા મળી રહી હતી.બાળમેળા અને ફૂડ ફેસ્ટિવલના આયોજનમાં શાળા કેમ્પસમાં લોકમેળા જેવું આયોજન ઊભું કરવામાં આવ્યું હતું. જેમાં શાળાના 800થી વધુ બાળકોએ ભાગ લીધો હતો.

ફેસ્ટિવલમાં બાળકોએ જાતે જ પકોડી, ભેળ, સમોસા, ફ્રુટ ડીશ, જ્યુસ,પફ ,રગડા પેટીસ,સેન્ડવીચ જેવા હળવા નાસ્તાના સ્ટોલ ખોલ્યા હતા .આ ઉપરાંત વિદ્યાર્થીઓને વિવિધ રમતો પણ રમાડવામાં આવી હતી .શાળાના શિક્ષકોએ જણાવ્યું હતું કે, વિદ્યાર્થીઓ અભ્યાસની સાથે સાથે જીવનમાં અન્ય ધંધા રોજગાર વિશે પણ જાણી શકે તેમ જ રસોઈ કલા, પાક કલા શીખી શકે તે માટે આ બાળમેળા અને ફુલ ફેસ્ટિવલ નું આયોજન કરાયું હતું.

આ પણ વાંચો : પાલનપુર : ડીસામાં ચાઈનીઝ દોરીના વેચાણ સામે સબ ડિવિઝનલ કોર્ટમાં ફરિયાદ