અકસ્માત બાદ રિષભને મળવા પહોંચ્યા બે બોલિવૂડ અભિનેતા, રિકવરી અંગે કરી આ વાત
ભારતીય ક્રિકેટ ટીમના ખેલાડી રિષભ પંત અકસ્માત બાદ હાલ દેહરાદૂનની હોસ્પિટલમાં દાખલ છે. તેને પહેલા રૂડકીની હોસ્પિટલમાં દાખલ કરવામાં આવ્યો હતો. આ પછી તેને સારી સારવાર માટે દહેરાદૂન ખસેડવામાં આવ્યો હતો. હાલ રિષભ પંતની સર્જરી પૂરી કરવામાં આવી છે અને તબીબોના જણાવ્યા અનુસાર તેના પગમાં ફ્રેક્ચર છે, પરંતુ તે બહુ ગંભીર નથી. રિષભનો અકસ્માત થતા તાજેતરમાં જ બોલિવૂડ સ્ટાર્સ અનિલ કપૂર અને અનુપમ ખેર રિષભ પંતને મળ્યા હતા. બંનેએ દેશને પંત માટે પ્રાર્થના કરવાની અપીલ કરી હતી. અનુપમે કહ્યું કે તે પંતને ખુશ કરવા માટે ખૂબ હસાવ્યો હતો.
આ પણ વાંચો : ક્રિકેટપ્રેમીઓ માટે રાહતના સમાચાર : ઋષભ પંત નોર્મલ, ચહેરાની સર્જરી કરાઈ
રિષભ ખરેખર એક ફાઈટર છે : અનુપમ ખેર
અનુપમ ખેરે કહ્યું હતું કે, “જ્યારે અમને ખબર પડી કે રિષભ હોસ્પિટલમાં છે, ત્યારે હું અને અનિલ સામાન્ય નાગરિકોની જેમ તેને મળવા આવ્યા હતા. તેની માતાને પણ મળ્યાં. તેઓ હવે ઠીક છે. સમગ્ર ભારતની પ્રાર્થના તેમની સાથે છે તેથી અમને વિશ્વાસ છે કે તેઓ જલ્દી સ્વસ્થ થઈ જશે.”સર્જરીના સવાલ પર અનુપમ ખેરે કહ્યું કે મેડિકલ બુલેટિનના લોકો આ બધું કહેશે. અમે તેમને માત્ર ચાહક તરીકે મળવા આવ્યા હતા. તે ફાઇટર છે અને તેથી તે જલ્દી સ્વસ્થ થઈને મેદાન પર પાછો ફરશે.
Anil Kapoor, Anupam Kher meet Rishabh Pant in Dehradun hospital
Read @ANI Story | https://t.co/QeEK2RqLDf#RishabhPant #RishabhPantAccident #RishabhPantInjured #IndianCricketTeam #AnupamKher #AnilKapoor pic.twitter.com/lSRa3fBzpz
— ANI Digital (@ani_digital) December 31, 2022
આપણે બધા તેના માટે પ્રાર્થના કરીએ : અનિલ કપૂર
આ ઉપરાંત અનિલ કપૂરે કહ્યું હતું કે, “તે ઉત્સાહિત છે અને ઠીક છે.” તેની માતા અને સંબંધીઓ સાથે અમે વાત કરી. બધા સારા છે. હું ઈચ્છું છું કે તમે બધા તેના માટે પ્રાર્થના કરો.”
Rishabh Pant likely to be shifted to Delhi: DDCA Director monitoring his health
Read @ANI Story | https://t.co/XP0QGc4mm3#RishabhPant #RishabhPantAccident #RishabhPantInjured #IndianCricketTeam pic.twitter.com/b1d8Ucre2p
— ANI Digital (@ani_digital) December 31, 2022
પંતને સારી સારવાર માટે દિલ્હી અથવા મુંબઈ એરલિફ્ટ કરવામાં આવી શકે છે
નોંધપાત્ર રીતે, ઋષભ પંતને સારી સારવાર માટે દિલ્હી અથવા મુંબઈ એરલિફ્ટ કરી શકાય છે. પરંતુ હજુ સુધી આ અંગે કોઈ સત્તાવાર માહિતી સામે આવી નથી. અકસ્માત બાદ પંતને રૂડકીની એક ખાનગી હોસ્પિટલમાં દાખલ કરવામાં આવ્યા હતા. આ પછી તેને દેહરાદૂન મોકલી દેવામાં આવ્યો. આ ઉપરાંત BCCIની મેડિકલ ટીમની દેખરેખ હેઠળ છે.
