PM મોદીના માતાના નિધન પર બોલિવૂડમાં શોકની લાગણી, કંગનાથી લઇને અનુપમ ખેર સહિતના સ્ટાર્સે દુ :ખ વ્યક્ત કર્યું

આજે વડાપ્રધાન નરેન્દ્ર મોદીની માતા હીરાબાનું નિધન થયું છે ત્યારે હીરાબાના મૃત્યુના સમાચાર પ્રસરતા રાજકીય વર્તુળ સહિત બોલિવૂડ જગતમાં પણ શોકની લાગણી જોવા મળી હતી. પીએમ મોદીની માતાના નિધન પર કેટલાક બોલિવૂડ સ્ટારે ટ્વિટ કરીને દુ :ખ વ્યક્ત કર્યું હતું અને ભાવભિની શ્રદ્ધાંજલિ અર્પણ કરી હતી.

વડાપ્રધાન નરેન્દ્ર મોદીની માતાના હીરાબાના નિધનના સમાચાર પ્રસરતા આજે અનેક લોકો હીરાબાના નિધન પર શોક વ્યક્ત કરી રહ્યા છે. ત્યારે બોલિવૂડના દિગ્ગજ એક્ટરો કંગના રનૌત, અક્ષય કુમાર, વિવેક અગ્નિહોત્રી, અનુપમ ખેર, રવિ કિશન, અજય દેવગન જેવા સ્ટારે શોક વ્યક્ત કર્યો હતો.

કંગના રનૌતે પણ શોક વ્યક્ત કર્યો

પીએમ નરેન્દ્ર મોદીના માતા હીરાબેન મોદીના નિધન પર કંગના રનૌતે પણ શોક વ્યક્ત કર્યો છે. કંગનાએ તેની ઈન્સ્ટા સ્ટોરી પર પીએમ મોદી અને તેમની માતા હીરા બાની તસવીર મૂકી છે. તસવીર શેર કરતા કંગનાએ લખ્યું, ‘ઈશ્વર આ મુશ્કેલ સમયમાં વડાપ્રધાનને ધીરજ અને શાંતિ આપે, ઓમ શાંતિ.’

आदरणीय प्रधानमंत्री @narendramodi जी! आपकी माताश्री #हीराबा जी के निधन का सुनकर मन दुखी भी हुआ और व्याकुल भी।आपका उनके प्रति प्यार और आदर जग ज़ाहिर है।उनका स्थान आपके जीवन में कोई नहीं भर पाएगा! पर आप भारत माँ के सपूत हो! देश की हर माँ का आशिर्वाद आपके ऊपर है।मेरी माँ का भी!???????? pic.twitter.com/L9uPvMWjM2

— Anupam Kher (@AnupamPKher) December 30, 2022

અનુપમ ખેરે ટ્વીટ કર્યું

વડાપ્રધાન નરેન્દ્ર મોદીના માતા હીરાબાના નિધન પર શોક વ્યક્ત કરતાં બોલિવૂડના દિગ્ગજ એક્ટર અનુપમ ખેરે ટ્વીટ કર્યું કે- ‘આદરણીય વડા પ્રધાન નરેન્દ્ર મોદી તમારી માતા હીરાબાના અવસાન વિશે સાંભળીને દુઃખી અને વ્યથિત થયો છું. તેમના માટે તમારો પ્રેમ અને આદર જગ જાહેર છે. તમારા જીવનમાં તેમનું સ્થાન કોઈ લઈ શકશે નહીં! પણ તમે તો ભારત માતાના પુત્ર છો! દેશની દરેક માતાના આશીર્વાદ તમારા પર છે મારી માતાના પણ!’

My deepest condolences to Shri @narendramodi on the sad demise of his beloved ‘maa’.
भारत माँ के सपूत की माँ का कर्मयोगी जीवन हम सबको प्रेरणा देता रहेगा। शतक शतक नमन।
ओम् शांति। pic.twitter.com/bNPWpI9d2P

— Vivek Ranjan Agnihotri (@vivekagnihotri) December 30, 2022

વિવેક અગ્નિહોત્રીએ કર્યું ટ્વિટ

વિવેક અગ્નિહોત્રીએ પણ હીરાબાના નિધન અંગે ટ્વિટ કર્યું કે ‘તમારી પ્રિય માતાના નિધન પર પીએમ મોદી તમારી સાથે મારી સંવેદનાઓ છે. ભારત માતાના સપૂત માતાનું કર્મયોગી જીવન આપણને સૌને પ્રેરણા આપતું રહેશે. ઓમ શાંતિ અને શત શત વંદન.

माँ को खोने से बड़ा दुख कोई नहीं. भगवान आपको इस दुख को सहने की शक्ति दे @narendramodi जी. ॐ शांति ????

— Akshay Kumar (@akshaykumar) December 30, 2022

અક્ષય કુમારે પણ કર્યું ટ્વિટ

સુપરસ્ટાર અક્ષય કુમારે પણ ટ્વિટ કર્યું છે કે માતાને ગૂમાવવાથી મોટું કોઈ દુઃખ નથી. વડાપ્રધાન મોદી ભગવાન તમને આ દુઃખ સહન કરવાની શક્તિ આપે.

आदरणीय मोदी जी, माँ कहीं जाती नहीं है बल्कि कई बार ईश्वर के चरणों में जाकर इसलिए बैठ जाती है कि उनका पुत्र दूसरों के लिए और बेहतर कर सके। माता जी सदैव आपके साथ थी और आपके साथ रहेंगी। @narendramodi
ओम् शांति ???? https://t.co/zw3p6bxSs4

— sonu sood (@SonuSood) December 30, 2022

સોનુ સૂદે પણ દુ :ખ વ્યક્ત કર્યું

બોલિવૂડ એક્ટર સોનુ સૂદે વડાપ્રધાન નરેન્દ્ર મોદીના માતાના નિધન પર વડાપ્રધાનના ટ્વીટને રિટ્વીટ કરીને લખ્યું, ‘આદરણીય મોદીજી, માતા ક્યાંય નથી જતી, પરંતુ ક્યારેક ભગવાનના ચરણોમાં જઇને એટલા બેસી જાય છે કારણ કે તેનો પુત્ર બીજા માટે વધુ સારા કામ કરી શકે. મા હંમેશા તમારી સાથે હતા અને તમારી સાથે રહેશે. ઓમ શાંતિ.’

आदरणीय @narendramodi जी,माँ का दुनिया से चले जाना बहुत ही दुखदायी होता है। उनका आशीर्वाद हमेशा आपके साथ रहेगा।ईश्वर माता जी को अपने श्री चरणों में स्थान दें हम यही प्रार्थना करते हैं???? ओम शांति https://t.co/Vsf2KIi8Us

— Kapil Sharma (@KapilSharmaK9) December 30, 2022

કોમેડિયન કપિલ શર્માએ પણ શોક વ્યક્ત કર્યો

કોમેડિયન કપિલ શર્માએ પણ પીએમ મોદીની માતા હીરાબેનના નિધન પર શોક વ્યક્ત કર્યો હતો અને લખ્યું હતુ કે ‘આદરણીય નરેન્દ્ર મોદીજી, એક માતાનું દુનિયા છોડીને જવું ખૂબ જ દુઃખદાયક છે. તેમના આશીર્વાદ હંમેશા તમારી સાથે રહેશે. ભગવાન માતાજીને તેમના પવિત્ર ચરણોમાં સ્થાન આપે એવી પ્રાર્થના. ઓમ શાંતિ.’

The year end has seen a sad loss- Modi ji’s beloved and much respected mother, Heeraben ji has passed away. The nation joins her son in mourning this exemplary mother who set an example of spartan living though she had a famous son????@narendramodi @PMOIndia @BJP4India @

— Hema Malini (@dreamgirlhema) December 30, 2022

હેમા માલિનીએ ટ્વીટ કર્યું

હેમા માલિનીએ ટ્વીટ કરી લખ્યું કે, ‘વર્ષના અંતમાં દુઃખદ ખોટ છે. મોદીજીના પ્રિય અને અત્યંત આદરણીય માતા હીરાબેનજીનું નિધન થયું છે. રાષ્ટ્ર આ અનુકરણીય માતાના શોકમાં તેના પુત્ર સાથે જોડાય છે, જેણે એક પ્રખ્યાત પુત્ર હોવા છતાં, સંયમી જીવન જીવવાનો દાખલો બેસાડ્યો.’

My heartfelt condolences on the passing of Smt. Heeraben Modi. A simple, principled lady, she raised a fine son in our PM Shri Narendra Modiji. ????️ Shanti ???? My personal condolences to our PM and his family. @narendramodi pic.twitter.com/5RxRXobyca

— Ajay Devgn (@ajaydevgn) December 30, 2022

અજય દેવગને ટ્વીટ કર્યું

અજય દેવગને ટ્વીટ કરી લખ્યું કે, હીરાબાના નિધન પર મારી હૃદયપૂર્વકની સંવેદના, હીરાબેન મોદી એક સરળ, સિદ્ધાંતવાદી મહિલા હતા તેમણે આપણા પીએમ નરેન્દ્ર મોદીજી જેવા એક સારા પુત્રનો ઉછેર કર્યો. પીએમ મોદી અને તેમના પરિવાર પ્રત્યે મારી સંવેદના. ઓમ શાંતિ

આ પણ વાંચો : માતા હીરાબાના જન્મદિવસ પર વડાપ્રધાને ભાવુક બ્લોગ લખ્યો હતો, જાણો શુ કહ્યું હતું