‘નવી’ ટીમની જાહેરાત કરતાં જ BCCI ઘેરાયું સવાલોના સકંજામાં : કેમ કરાઈ આ ખેલાડીઓની બાદબાકી ?

તાજેતરમાં શ્રીલંકા સામે આગામી T20 અને ODI શ્રેણી માટે ટીમ ઈન્ડિયાની જાહેરાત કરવામાં આવી છે. ચેતન શર્માની આગેવાની હેઠળની પસંદગી સમિતિએ શ્રીલંકા સામેની T20I શ્રેણી માટે ‘નવી’ ભારતીય ટીમ પસંદ કરી છે, જેમાં કોઈ વરિષ્ઠ ખેલાડી નથી. એટલે કે રોહિત શર્મા, વિરાટ કોહલી અને કેએલ રાહુલનો ટીમમાં સમાવેશ કરવામાં આવ્યો નથી. તે જ સમયે, રિષભ પંતને પણ T20 અને ODI બંને ટીમમાંથી બહાર રાખવામાં આવ્યો છે. હકીકતમાં, જ્યાં સુધી નવા પસંદગીકારોની પસંદગી ન થાય ત્યાં સુધી ચેતન શર્માની આગેવાની હેઠળની પસંદગી સમિતિ ટીમની પસંદગી કરશે. T20 વર્લ્ડ કપ બાદ BCCIએ ચેતન શર્માની આગેવાની હેઠળની પસંદગી સમિતિને હટાવી દીધી હતી.

 આ પણ વાંચો : Flash Back 2022 : વિરાટની કેપ્ટનશીપથી લઈને સૂર્યાનો 360 અવતાર, ભારતીય ક્રિકેટ માટે કંઈક આવું રહ્યું આ વર્ષ

ટી20માં ઈશાન-સેમસન પ્રથમ પસંદગી

મીડિયા રિપોર્ટ્સમાં કહેવામાં આવી રહ્યું છે કે રોહિત અને વિરાટને T20માં આરામ આપવામાં આવ્યો છે, જ્યારે કે એલ રાહુલ આથિયા સાથે લગ્ન કરવા જઈ રહ્યો છે. જો કે આ ત્રણેય શ્રીલંકા સામેની વનડે શ્રેણીમાં પાછા ફરશે. હવે ટી20માં વિકેટકીપિંગ માટે ઈશાન કિશન અને સંજુ સેમસન ભારતની પહેલી પસંદ છે. હવે ટી20 સિરીઝ માટે નવી ટીમ ઈન્ડિયાને જોઈને સોશિયલ મીડિયા પર પ્રતિક્રિયાઓનું પૂર આવ્યું છે. સેમસનના ચાહકોએ પંતને ટ્રોલ કર્યો છે. જો કે, સેમસનના ચાહકો પણ તેની ODI ટીમમાં પસંદગી ન થવાથી અને રાહુલને તક આપવામાં આવતા નારાજ છે.

ભુવનેશ્વર કુમારની પણ બાદબાકી 

ફાસ્ટ બોલર ભુવનેશ્વર કુમારને પણ T20 અને ODI ટીમમાંથી બહાર કરી દેવામાં આવ્યો છે. જેની સામે યુવા ઝડપી બોલર શિવમ માવી અને મુકેશ કુમારને ટી-20 ટીમમાં સામેલ કરવામાં આવ્યા છે. તાજેતરની IPL હરાજીમાં શિવમ માવી સૌથી મોંઘો અનકેપ્ડ ખેલાડી હતો. સાથે જ મુકેશને પણ 5.50 કરોડમાં વેચવામાં આવ્યો હતો. આ સિવાય નેતૃત્વની ભૂમિકામાં પણ ઘણા ફેરફારો થયા છે. હાર્દિક પંડ્યા ટી20 ટીમનું નેતૃત્વ કરશે, જ્યારે સૂર્યકુમાર યાદવ વાઈસ કેપ્ટન રહેશે.

ટીમમાં પંતની ગેરહાજરી ચર્ચાનો વિષય 

ODI ટીમમાં પરત ફર્યા બાદ રોહિત ચોક્કસપણે ટીમની કમાન સંભાળશે, પરંતુ રાહુલને ડિમોટ કરવામાં આવ્યો છે. હાર્દિક પંડ્યાને તેની ટીમમાં વાઇસ કેપ્ટન બનાવવામાં આવ્યો છે. જો કે, પંતના ટીમમાં ન હોવાની મોટાભાગની ચર્ચાઓ થઈ રહી છે. પંત એક વર્ષ પહેલા સુધી વ્હાઈટ બોલ ક્રિકેટમાં ભારતની લીડરશિપ રોલ ટીમનો ભાગ હતો, પરંતુ હવે તે વ્હાઈટ બોલ ક્રિકેટ માટે ટીમમાં નથી. આ સિવાય શિખર ધવનને પણ તાજેતરની કેટલીક શ્રેણીમાં ખરાબ પ્રદર્શનને કારણે ODI ટીમમાંથી બહાર કરી દેવામાં આવ્યો છે. રોહિતની ગેરહાજરીમાં ધવન ટીમ ઈન્ડિયાની કેપ્ટનશીપ કરી રહ્યો હતો.

BCCIએ પ્રેસ રિલીઝમાં કોઈ કારણ આપ્યું નથી

એવા સંકેતો છે કે 2024 T20 વર્લ્ડ કપને ધ્યાનમાં રાખીને, વિરાટ, રાહુલ અને રોહિતને હવે આ ફોર્મેટમાં પસંદ કરવામાં પણ નહીં આવે. જોકે, BCCIની પ્રેસ રિલીઝમાં ખેલાડીઓને બાકાત રાખવા અને સામેલ કરવા અંગે કોઈ સ્પષ્ટતા નથી. આવી સ્થિતિમાં અટકળોનું બજાર ગરમ છે. આ દરમિયાન સોશિયલ મીડિયા પર પણ ઘણી પ્રતિક્રિયાઓ આવી રહી છે. સિલી પોઈન્ટ નામના યુઝરે ટ્વિટર પર લખ્યું- પંતને પડતો મૂકવાને બદલે પસંદગીકારોએ તેમના પ્રશંસકોને શાંત કરવા માટે સંજુ સેમસનને પસંદ કર્યો છે.

So, Ishan Kishan and Sanju Samson are now ahead of Rishabh Pant in the T20 pecking order. It was on the cards. Ishan, Ruturaj, Samson and Sky is a fabulous top 4. Expect Rajat Patidar to compete with Hooda and Tripathi for the last batting spot

— Harsha Bhogle (@bhogleharsha) December 27, 2022

તે જ સમયે, કોમેન્ટેટર હર્ષ ભોગલેએ લખ્યું – ઇશાન કિશન અને સંજુ સેમસન હવે T20માં રિષભ પંતથી આગળ છે. તે બનવાનો હતો. ઈશાન, ઋતુરાજ, સેમસન અને સૂર્યકુમાર ટીમનો પ્રચંડ ટોપ ઓર્ડર બનાવે છે. આ ઉપરાંત દીપક હુડા અને રાહુલ ત્રિપાઠી તરીકે ટીમને બેસ્ટ ફિનીશર મળી શકે છે.

ક્યા ખેલાડીઓને મળી જગ્યા ?

શ્રીલંકા સામેની T20 શ્રેણી માટે ભારતીય ટીમઃ હાર્દિક પંડ્યા (c), સૂર્યકુમાર યાદવ (vc), ઇશાન કિશન (wk), ઋતુરાજ ગાયકવાડ, શુભમન ગિલ, દીપક હુડા, રાહુલ ત્રિપાઠી, સંજુ સેમસન, વોશિંગ્ટન સુંદર, યુઝવેન્દ્ર ચહલ, અક્ષર પટેલ , અર્શદીપ સિંહ , હર્ષલ પટેલ , ઉમરાન મલિક , શિવમ માવી , મુકેશ કુમાર.

#TeamIndia squad for three-match T20I series against Sri Lanka.#INDvSL @mastercardindia pic.twitter.com/iXNqsMkL0Q

— BCCI (@BCCI) December 27, 2022

શ્રીલંકા સામેની ODI શ્રેણી માટેની ભારતીય ટીમઃ રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), કેએલ રાહુલ (વિકેટકીપર), શુભમન ગિલ, વિરાટ કોહલી, સૂર્યકુમાર યાદવ, શ્રેયસ અય્યર, ઈશાન કિશન (વિકેટકીપર), વોશિંગ્ટન સુંદર, યુઝવેન્દ્ર ચહલ, કુલદીપ યાદવ, અક્ષર પટેલ, મોહમ્મદ શમી, મોહમ્મદ સિરાજ, ઉમરાન મલિક, અર્શદીપ સિંહ.

#TeamIndia squad for three-match ODI series against Sri Lanka.#INDvSL @mastercardindia pic.twitter.com/XlilZYQWX2

— BCCI (@BCCI) December 27, 2022

શ્રીલંકા સામે ભારતનું T20I સિરીઝનું શિડ્યુલ

પહેલી T20I – 3 જાન્યુઆરી (મુંબઇ)
બીજી T20I – 5 જાન્યુઆરી (પુણે)
ત્રીજી T20I – 7 જાન્યુઆરી (રાજકોટ)

શ્રીલંકા સામેની ODI સિરીઝ શિડ્યુલ

પહેલી વન-ડે- 10 જાન્યુઆરી (ગુવાહાટી)
બીજી વન-ડે- 12 જાન્યુઆરી (કોલકત્તા)
ત્રીજી વન-ડે- 15 જાન્યુઆરી (તિરુવનંતપુરમ)