પંજાબઃ વિજય સિંગલાની વધી મુશ્કેલી, 14 દિવસ રહેશે જ્યુડિશિયલ કસ્ટડીમાં

AAP નેતા અને પંજાબના પૂર્વ મંત્રી વિજય સિંગલાને શુક્રવારે મોહાલી કોર્ટ દ્વારા 14 દિવસની ન્યાયિક કસ્ટડીમાં મોકલવામાં આવ્યો હતો. સિંગલાની ભ્રષ્ટાચારના આરોપો બાદ એન્ટી કરપ્શન બ્રાન્ચે ધરપકડ કરી હતી. સીએમ ભગવંત માન દ્વારા તેમને મંત્રી પદ પરથી પણ હટાવી દેવામાં આવ્યા હતા. નોંધનીય છે કે ભૂતકાળમાં પંજાબના સ્વાસ્થ્ય મંત્રી વિજય સિંગલાને ભ્રષ્ટાચારના આરોપમાં પદ પરથી હટાવી દેવામાં આવ્યા હતા. તેમજ તેને કસ્ટડીમાં લેવામાં આવ્યા હતા. પંજાબના સીએમ ભગવંત માનનો આરોપ છે કે મંત્રી પર ભ્રષ્ટાચારના ઘણા આરોપો છે. પૂર્વ મંત્રી વિજય સિંગલાના OSD પણ ભ્રષ્ટાચારના કેસમાં ફસાયા હતા.

#WATCH | AAP leader & ex-Punjab Minister Vijay Singla being brought out of Mohali Court. He has been sent to 14-day judicial custody

Singla was arrested by Anti-Corruption Branch following corruption allegations against him.He was also removed from his ministerial post by the CM pic.twitter.com/JrFlf9O5WZ

— ANI (@ANI) May 27, 2022

મોહાલી કોર્ટે 24 મેના રોજ બંને આરોપીઓને ત્રણ દિવસની ન્યાયિક કસ્ટડીની સજા ફટકારી હતી. આવી સ્થિતિમાં બંનેને શુક્રવારે ફરી કોર્ટમાં રજૂ કરવામાં આવ્યા. એક સરકારી અધિકારીની ફરિયાદ પર મોહાલી ફેઝ-8 પોલીસ સ્ટેશનમાં વિજય સિંગલા અને તેના OSD વિરુદ્ધ FIR નોંધવામાં આવી છે.

સિંગલા પર એક સરકારી અધિકારી દ્વારા પ્રોજેક્ટની ફાળવણી માટે રૂ. 1.16 કરોડની લાંચ માંગવાનો તેમજ ભાવિ કોન્ટ્રાક્ટ આપવા માટે એક ટકા કમિશનની માંગણી કરવાનો આરોપ મૂકવામાં આવ્યો હતો. 24 મેના રોજ કોર્ટની બહાર સિંગલાએ મીડિયાને કહ્યું કે “આ એક કાવતરું હતું અને પક્ષને બદનામ કરવાનો પ્રયાસ હતો.”