શું ખરેખર પ્રેગ્નેન્ટ છે કેટરિના કૈફ ? ક્રિસમસ પાર્ટીમાં છૂપાવ્યા બેબી બમ્પ !

ગઈકાલે સમગ્ર વિશ્વમાં ક્રિસમસનું સેલિબ્રેશન કરવામાં આવ્યું હતું, આ દરમિયાન બોલિવૂડ કલાકારોએ પણ ક્રિસમસના તહેવારની ઉજવણી કરી હતી. તે જ સમયે, કેટરીના અને વિકી કૌશલે પણ પરિવાર સાથે ક્રિસમસનો તહેવાર ઉજવ્યો. આ ક્રિસમસ પાર્ટીમાં બોલિવૂડના કેટલાક ખાસ અને નજીકના મિત્રોએ હાજરી આપી હતી. કેટરીનાએ આ સેલિબ્રેશનની કેટલીક તસવીરો તેના ઈન્સ્ટાગ્રામ હેન્ડલ પર શેર કરી છે. આ તસવીરોમાં કેટરીના તેના પરિવારની પાછળ છુપાયેલી જોવા મળી હતી. આ પછી ચાહકોએ સવાલ પૂછ્યો કે શું કેટરિના ખરેખર પ્રેગ્નન્ટ છે?

આ પણ વાંચો : ધોનીથી લઈને યુવરાજ સિંહ અને સચિન સુધી, જુઓ ભારતીય ક્રિકેટરોએ આ રીતે કરી ક્રિસમસની ઉજવણી

કેટરીનાએ પરિવાર સાથે નાતાલની ઉજવણી કરી

આ બીજી ક્રિસમસ છે જે કેટરિના અને વિકીએ તેમના લગ્ન પછી સાથે મનાવી હતી. કેટરિનાએ પરિવાર સાથેની તસવીર શેર કરી હતી, જેમાં પતિ વિકી કૌશલ, તેમના માતા-પિતા શામ કૌશલ અને વીણા કૌશલ, ભાઈ સની કૌશલ અને બહેન ઈસાબેલ કૈફ હતા. આ તસવીરના કેપ્શનમાં તેણે મેરી ક્રિસમસ લખ્યું.

ચાહકોએ પ્રેગ્નેન્સી વિશે પૂછ્યા પ્રશ્નો

ઘણીવાર કલાકારોના ચાહકો તેમની સાથે સંબંધિત દરેક વસ્તુની નોંધ લે છે. તે જ સમયે, કેટરીનાની આ તસવીરો શેર કર્યા પછી, તેના ચાહકો અનુમાન લગાવી રહ્યા છે કે તે તેના બેબી બમ્પને છુપાવી રહી છે. એક યુઝરે લખ્યું કે કેટરિના જાણીજોઈને એવી રીતે ઊભી છે કે કોઈ તેના બેબી બમ્પને જોઈ ન શકે. અન્ય એક યુઝરે લખ્યું- કેટરિના તું પ્રેગ્નન્ટ લાગી રહી છે. કેટરિનાએ ક્રિસમસ ટ્રી પર વિકી કૌશલ સાથેનો બીજો ફોટો પોસ્ટ કર્યો હતો, જેમાં તેનો પતિ તેને પાછળથી ગળે લગાવતો જોવા મળ્યો હતો. આ તસવીરમાં પણ ચાહકોને કેટરિનાનો બેબી બમ્પ જોવા મળી રહ્યો છે.

નેહા ધૂપિયાએ શેર કરી તસવીરો 

ખરેખર, ક્રિસમસ પાર્ટીમાં કેટરિના-વિકીની સાથે નેહા ધૂપિયા અને તેના પતિ અંગદ બેદી પણ સામેલ થયા હતા. ક્રિસમસ પાર્ટીની તસવીરો નેહાએ તેના સોશિયલ મીડિયા એકાઉન્ટ પર પણ શેર કરી હતી. તેમને જોઈને ચાહકોએ કહ્યું કે કેટરીનાએ તેના બેબી બમ્પને છુપાવવાનો પ્રયાસ કર્યો હતો.