તુનિશા શર્મા આત્મહત્યા કેસમાં પોલીસે શીઝાન ખાનની આ કારણોથી કરી ધકપકડ
ટીવી ઇન્ડસ્ટ્રીની એક પ્રસિદ્ધ અભિનેત્રી તુનિશા શર્માએ ગઈ કાલે મેકઅપ રૂમમાં જ પંખાથી લટકીને જીવન ટૂંકાવી નાંખ્યું છે. તુનિશા શર્માની આત્મહત્યાએ બધાને ચોંકાવી દીધા છે. આ એક્ટ્રેસની આત્મહત્યાને લઈને અનેક સવાલો ઉભા થઈ રહ્યા છે. પોલીસે આ આત્મહત્યા મામલે તપાસ હાથ ધરી છે. એક્ટ્રેસની આત્મહત્યા પાછળનું કારણ હજૂ સુધી બહાર આવ્યું નથી પરંતુ પોલીસે માતાની ફરિયાદને પગલે તુનીશાના કો-સ્ટાર શીઝાન ખાન વિરુદ્ધ કેસ દાખલ કર્યો છે.
શીઝાન ખાનની પોલીસે કરી ધરપકડ
તુનિશા શર્માને આત્મહત્યા કરવા માટે પ્રેરવાના આરોપસર શીઝાન ખાનની પોલીસે ધરપકડ કરી છે.” પોલીસે શીજાન પર આત્મહત્યા માટે ઉશ્કેરવાનો આરોપ લગાવ્યો છે. શીજાન ખાનની વિરુદ્ધ IPC 306 અંતર્ગત FIR નોંધવામાં આવી છે. જેથી શીજાનને આજે વસઇ કોર્ટમાં હાજર કરવામાં આવશે.
Maharashtra | Waliv police arrested actress Tunisha Sharma's co-star Sheezan Khan by registering a case of abetment to suicide
Tunisha Sharma died by suicide on the set of a TV serial. Her mother has registered a complaint. We are investigating this: ACP Chandrakanth Jadhav pic.twitter.com/QtOubRiU16
— ANI (@ANI) December 24, 2022
શીઝાન ખાનની કેમ કરાઈ ધરપકડ
તુનિશા શર્મા આત્મહત્યા કેસમાં મુંબઈ પોલીસે તેના મિત્ર અને અલી બાબા સીરિયલના કો-સ્ટાર શીઝાન ખાનની ધરપકડ કરી છે. જાણવા મળી રહ્યું છે કે તુનિશા અને શીઝાન રિલેશનશિપમાં હતા. અને તુનિશા અને શીઝાનનું બ્રેકઅપ થઈ ગયુ હતું, જેના કારણે તે પરેશાન હતી. અભિનેત્રી બ્રેકઅપની પીડા સહન નહોતી કરી શકી. એટલે તેણે આત્મહત્યા કરી હોવાની શંકા વ્યક્ત કરવામાં આવી રહી છે.
આજે કરાશે પોસ્ટ મોર્ટમ
અત્રે ઉલ્લેખનીય છે કે, તુનિશા શર્માના મૃતદેહનું આજે પોસ્ટમોર્ટમ કરવામાં આવશે. પોસ્ટમોર્ટમ કર્યા બાદ તુનિશાના મૃતદેહને તેના પરિવારને સોંપવામાં આવશે.
આ પણ વાંચો :ગણતરીના કલાકો પહેલાં જ ઈન્સટાગ્રામ પર મેકઅપ રૂમનો ફોટો પોસ્ટ કરનાર તુનિશા શર્માએ ભર્યું અંતિમ પગલું !
