વક્ફ બિલમાં સુધારો થવો જોઈએ તેવું 10માંથી 9 નાગરિકો માને છેઃ 93% વક્ફ ટ્રિબ્યુનલના વિરોધમાં
- ભારતના 388 જિલ્લાઓમાં ફેલાયેલા નાગરિકો તરફથી 47,000થી વધુ પ્રતિસાદો મળ્યા
નવી દિલ્હી, 14 સપ્ટેમ્બર: 47,000થી વધુ લોકોના નવા સર્વેક્ષણમાં જાણવા મળ્યું છે કે, વકફ બિલમાં સુધારો કરવાના બિલને 10માંથી 9 નાગરિકોએ સમર્થન આપ્યું છે. ઓછામાં ઓછા 96 ટકા ઉત્તરદાતાઓ ઇચ્છે છે કે, વકફ બોર્ડ ફરજિયાતપણે વકફ મિલકતોની જિલ્લા કલેક્ટર્સ પાસે નોંધણી કરાવે અને મિલકતોના ઉપયોગમાં તેમનો અભિપ્રાય હોય, એમ 12 સપ્ટેમ્બરના રોજ બહાર પાડવામાં આવેલા સર્વેમાં જાણવા મળ્યું હતું.
લોકલ સર્કલ્સ દ્વારા કરવામાં આવેલા સર્વેને ભારતના 388 જિલ્લાઓમાં ફેલાયેલા નાગરિકો તરફથી 47,000થી વધુ પ્રતિસાદો મળ્યા છે. આ સર્વે દર્શાવે છે કે, 90% લોકો વકફ બિલમાં સુધારાને સમર્થન આપે છે. મોટાભાગના ઉત્તરદાતાઓ, 34,540 હિન્દુ છે જ્યારે 7,213 મુસ્લિમ છે. ખ્રિસ્તીઓ દ્વારા 1,508 પ્રતિભાવો અને અન્ય ધર્મોના લોકો અથવા અજ્ઞાત ધર્મોના લોકોએ 3,087 પ્રતિભાવો આપ્યા.
93% લોકો વક્ફ ટ્રિબ્યુનલના વિરોધમાં
વધુમાં, સર્વેમાં સામેલ 93 ટકા નાગરિકો ઇચ્છે છે કે, વકફ એક્ટમાં સુધારો કરવામાં આવે જેથી મિલકતના વિવાદોના નિરાકરણ માટેની પ્રક્રિયા વકફ ટ્રિબ્યુનલને બદલે જિલ્લા અદાલતો, ઉચ્ચ અદાલતો અને સુપ્રીમ કોર્ટમાંથી પસાર થાય, એમ તારણો જણાવે છે.
વડાપ્રધાન નરેન્દ્ર મોદીની આગેવાની હેઠળની કેન્દ્ર સરકારનું વકફ (સુધારા) બિલ 2024, જે કેન્દ્રીય પ્રધાન કિરેન રિજિજુ દ્વારા 8 ઓગસ્ટના રોજ સંસદના છેલ્લા સત્રમાં રજૂ કરવામાં આવ્યું હતું, જેને વિરોધ પક્ષોના વાંધાઓનો સામનો કરવો પડ્યો હતો અને સરકારને તેને સંયુક્ત સંસદીય સમિતિને વ્યાપક ચકાસણી માટે મોકલવાનું પૂછવામાં આવ્યું હતું.
ભાજપના લોકસભા સભ્ય (MP) જગદંબિકા પાલની અધ્યક્ષતામાં સમિતિની બે બેઠકો યોજાઈ હતી. બંને બેઠકોમાં વિપક્ષી સાંસદો અને ભાજપના સભ્યો વચ્ચે ખૂબ બોલાચાલી જોવા મળી હતી.
જિલ્લા કલેક્ટરને વધુ સત્તા
40થી વધુ સુધારાઓ સાથે, આ નવા બિલમાં “વક્ફ એક્ટ, 1995” વક્ફ બોર્ડનું સંચાલન કરતાં કાયદોમાં કેટલીક કલમોને રદ્દ કરવાનો પ્રસ્તાવ છે. આ ફેરફારો સિવાય, બિલ હાલના કાયદામાં દૂરગામી ફેરફારો માટેની વાત કરે છે, જેમાં કેન્દ્રીય અને રાજ્ય વક્ફ સંસ્થાઓમાં મુસ્લિમ મહિલાઓ અને બિન-મુસ્લિમોનું પ્રતિનિધિત્વ સુનિશ્ચિત કરવાનો સમાવેશ થાય છે.
આ બિલ જિલ્લા કલેક્ટરને મિલકત વકફની છે કે સરકારી જમીન તે અંગેના વિવાદોને ઉકેલવાની સત્તા આપે છે. પ્રસ્તાવિત કાયદો હાલના વકફ એક્ટ, 1995માં નવા 3A, 3B અને 3C વિભાગો સામેલ કરે છે, જે વકફની રચના માટે શરતો નિર્ધારિત કરે છે. પ્રસ્તાવિત કાયદાની કલમ 3A મુજબ, કોઈપણ વ્યક્તિ ત્યાં સુધી વકફ બનાવશે નહીં જ્યાં સુધી તે મિલકતનો કાયદેસરનો માલિક હોય અને આવી મિલકતને સ્થાનાંતરિત અથવા સમર્પિત કરવા માટે સક્ષમ ન હોય. આ બિલમાં બોહરા અને અગાખાની સમુદાયો માટે અલગ બોર્ડનો પણ પ્રસ્તાવ છે. તે મુસ્લિમોમાં શિયાઓ અને પછાત વર્ગોના પ્રતિનિધિત્વની પણ જોગવાઈ કરે છે.
આ પણ જૂઓ: કોલકાતા કાંડ : તબીબી હડતાળ દરમિયાન મૃત્યુ પામનાર દર્દીના પરિજનોને રૂ.2 લાખની સહાયની જાહેરાત
