આ વસ્તુઓ ખાવાથી સ્પર્મ થશે જલ્દી ડેમેજ, નહી બની શકો પપ્પા, અત્યારથી જ રાખો સાવધાની

છેલ્લા કેટલાક વર્ષોમાં પુરૂષોના શુક્રાણુઓની સંખ્યા સતત ઘટી રહી છે. આ પાછળના કારણો તમને આશ્ચર્યચકિત કરી શકે છે. સામાન્ય રીતે પુરૂષો સ્પર્મ હેલ્થ પર વધુ ધ્યાન આપતા નથી. મોટાભાગના પુરૂષોને ખ્યાલ પણ નથી હોતો કે આહાર અને જીવનશૈલીના કારણે પણ શુક્રાણુઓની સંખ્યા ઓછી છે.

પુરુષોમાં શુક્રાણુઓની ગુણવત્તા કેમ ઘટી રહી છે? શું આ ખરેખર મોટી સમસ્યા છે? શુક્રાણુઓની સંખ્યા ઓછી થવા માટે આપણે જે ખોરાક ખાઈએ છીએ તે જવાબદાર છે? આજે અમે તમને આ તમામ બાબતોના જવાબો આપવાના છીએ. આવો જાણીએ કઇ વસ્તુઓ પુરૂષોમાં શુક્રાણુઓની સંખ્યા ઘટાડે છે, જેના કારણે મોટાભાગના પુરૂષોને પિતા બનવા માટે મુશ્કેલીઓનો સામનો કરવો પડે છે.

શુક્રાણુઓની સંખ્યા ઓછી હોવી ખરેખર સમસ્યા છે?

શુક્રાણુઓની સંખ્યા ઓછી હોવી એ ખરેખર એક મોટી સમસ્યા છે. એક અભ્યાસમાં જણાવવામાં આવ્યું છે કે છેલ્લા 38 વર્ષમાં પુરૂષોના સ્પર્મ કાઉન્ટમાં 59 ટકાનો ઘટાડો થયો છે. શુક્રાણુઓની સંખ્યા ઓછી હોવાને કારણે, તે પુરુષોની પ્રજનન ક્ષમતાને પણ અસર કરે છે, જેના કારણે મોટાભાગના યુગલોને સંતાન મેળવવામાં ઘણી મુશ્કેલીઓનો સામનો કરવો પડે છે.

શુક્રાણુઓની સંખ્યા કેમ ઘટી રહી છે? શું તે આપણા આહારને કારણે છે?

પુરુષોમાં શુક્રાણુઓની સંખ્યા ઓછી થવા પાછળનું કારણ શું છે તે શોધવું ખૂબ જ મુશ્કેલ છે. કેટલાક લોકો માને છે કે લેપટોપને ખોળામાં રાખીને કામ કરવાથી સ્પર્મ કાઉન્ટ ઘટી જાય છે. તો કેટલાક નિષ્ણાતો એવું પણ માને છે કે જ્યારે તમે તમારા ફોનને તમારા ખિસ્સામાં રાખો છો, ત્યારે તેમાંથી એક ગરમી બહાર આવે છે, જે સ્પર્મ પર ખરાબ અસર કરે છે.

સ્પર્મ કાઉન્ટ ઓછા થવા પાછળ ઘણા કારણો

જો કે હેલ્થ એક્સપર્ટ્સનું કહેવું છે કે સ્પર્મ કાઉન્ટ ઓછા થવા પાછળ ઘણા કારણો હોઈ શકે છે. આપણે ખોરાકમાં શું ખાઈએ છીએ તે ખૂબ જ મહત્વપૂર્ણ છે અને તેના કારણે આપણને ઘણી સ્વાસ્થ્ય સમસ્યાઓનો સામનો કરવો પડે છે. કેટલાક અભ્યાસો અનુસાર, કેટલીક વસ્તુઓનું સેવન કરવાથી સ્પર્મ પર ખરાબ અસર પડે છે. પરંતુ કેટલીક એવી વસ્તુઓ છે જે સ્પર્મ કાઉન્ટને પણ વધારે છે. આવો જાણીએ તે તમામ બાબતો વિશે..

આ વસ્તુઓ શુક્રાણુના સ્વાસ્થ્ય અને પ્રજનન ક્ષમતા પર ખરાબ અસર કરે છે

પ્રોસેસ્ડ મીટ: આવા ઘણા અભ્યાસોમાં જણાવવામાં આવ્યું છે કે પ્રોસેસ્ડ મીટના સેવનથી ઘણી બીમારીઓનું જોખમ વધી જાય છે. પ્રોસેસ્ડ મીટમાં હોટ ડોગ્સ, સલામી, બીફ, બેકન વગેરેનો સમાવેશ થાય છે. જો કે આ વસ્તુઓ ખાવામાં ઘણી સારી લાગે છે પરંતુ સ્વાસ્થ્ય માટે ખૂબ જ ખતરનાક સાબિત થઈ શકે છે. ઘણા અભ્યાસોમાં એવું કહેવામાં આવ્યું છે કે પ્રોસેસ્ડ રેડ મીટ ખાવાથી શુક્રાણુઓની સંખ્યા ઘટે છે અને સાથે જ શુક્રાણુઓની ગતિ પણ ઓછી થાય છે.

ટ્રાન્સ ફેટ: હેલ્થ એક્સપર્ટ્સનું માનવું છે કે ટ્રાન્સ ફેટ હૃદય રોગનું જોખમ વધારે છે. વર્ષ 2011માં કરવામાં આવેલા એક સ્પેનિશ અભ્યાસમાં સામે આવ્યું હતું કે શરીરમાં ટ્રાન્સ ફેટની વધુ માત્રાને કારણે શુક્રાણુઓની સંખ્યા ઘટવા લાગે છે.

સોયા ઉત્પાદનો: સોયા ઉત્પાદનોમાં ફાયટોસ્ટ્રોજેન્સ હોય છે – એસ્ટ્રોજન જેવા સંયોજનો જે છોડમાંથી આવે છે. બોસ્ટનના ફર્ટિલિટી ક્લિનિકમાં 99 પુરૂષો પર કરવામાં આવેલા અભ્યાસમાં જાણવા મળ્યું છે કે વધુ માત્રામાં સોયા ઉત્પાદનોનું સેવન કરવાથી શુક્રાણુઓની સંખ્યામાં ઘટાડો થાય છે.