દિલ્હીમાં 8 બાંગ્લાદેશીઓ ઝડપાયા, જંગલના રસ્તાથી સરહદ કરી પાર
- પોલીસ દ્વારા ગેરકાયદેસર ઇમિગ્રન્ટ્સની તપાસ માટે દક્ષિણ પશ્ચિમ જિલ્લામાં એક ડ્રાઇવ શરૂ કરવામાં આવી હતી
નવી દિલ્હી, 29 ડિસેમ્બર: દેશની રાજધાની દિલ્હીમાં ગેરકાયદેસર બાંગ્લાદેશી નાગરિકો સહિત ગેરકાયદેસર ઇમિગ્રન્ટ્સની તપાસ માટે દક્ષિણ પશ્ચિમ જિલ્લામાં એક ડ્રાઇવ શરૂ કરવામાં આવી હતી. ડોર ટુ ડોર વેરિફિકેશન કરવામાં આવ્યું હતું અને 400 જેટલા પરિવારોની તપાસ કરવામાં આવી હતી, તેમના દસ્તાવેજો એકત્ર કરવામાં આવ્યા હતા. દિલ્હી પોલીસે કહ્યું કે, ઓપરેશન દરમિયાન એક પુરુષ અને એક મહિલા સહિત 8 બાંગ્લાદેશી નાગરિકો ઝડપાયા હતા. તેઓ જંગલના રસ્તે અને એક્સપ્રેસ ટ્રેનોનો ઉપયોગ કરીને ભારતમાં પ્રવેશ્યા હતા. બાંગ્લાદેશથી 8 ગેરકાયદેસર પ્રવાસીઓને FRRO દ્વારા બાંગ્લાદેશ મોકલવામાં આવ્યા છે.
Delhi Police crackdown on illegal migrants, deport 8 Bangladeshis
Read @ANI Story | https://t.co/BM6rP9aIV3#delhipolice #Delhi pic.twitter.com/H4Tp0zdQMW
— ANI Digital (@ani_digital) December 29, 2024
ડિપોર્ટ કરવામાં આવેલા લોકોની ઓળખ જહાંગીર, પરિના બેગમ, ઝાહિદ, અહિદ, સિરાજુલ, ફાતિમા, અશિમા અને વાહિદ તરીકે કરવામાં આવી છે. આ તમામ બાંગ્લાદેશના રહેવાસી હતા અને વિવિધ ક્ષેત્રોમાં મજૂર તરીકે કામ કરતા હતા. એક અલગ ઘટનામાં, આરકે પુરમમાંથી એક વ્યક્તિને પકડીને ડિપોર્ટ કરવામાં આવ્યો હતો.
બાંગ્લાદેશી ભાડે રૂમ શોધી રહ્યા હતા
પોલીસને તાજેતરમાં આરકે પુરમના સેક્ટર-2ના હનુમાન મઝદૂર કેમ્પમાં રહેતા એક ગેરકાયદેસર બાંગ્લાદેશી નાગરિક વિશે માહિતી મળી હતી, જે ભાડા પર રૂમ શોધી રહ્યો હતો. જ્યારે પકડાયો ત્યારે ફિરોઝે શરૂઆતમાં પશ્ચિમ બંગાળનો રહેવાસી હોવાનો દાવો કર્યો હતો. જો કે, સતત પૂછપરછ પછી, તેણે તેનું પૂર્વજોનું સરનામું બાંગ્લાદેશનું મદારીપુર હોવાનું જણાવ્યું હતું.
ફિરોઝે પોલીસને કહ્યું કે, તેના માતા-પિતા 1990માં ગેરકાયદેસર રીતે ભારતમાં પ્રવેશ્યા હતા. ફિરોઝને અગાઉ 2004માં બાંગ્લાદેશ મોકલવામાં આવ્યો હતો, પરંતુ તે 2022માં ગેરકાયદેસર રીતે ભારત પરત ફર્યો હતો અને દિલ્હીમાં વિવિધ દુકાનો અને ઢાબા પર કામ કરવા લાગ્યો હતો.
આ પણ જૂઓ: યમન એરપોર્ટ પર માંડ બચેલા WHO ચીફે ઈઝરાયેલના હુમલાનો વીડિયો કર્યો જાહેર, જાણો શું કહ્યું
