દિલ્હી કંઝાવલા કેસ: 7માં આરોપીએ પોલીસ સ્ટેશનમાં કર્યું સરેન્ડર
દિલ્હીના કંઝાવલા કેસના સાતમા આરોપી અંકુશ ખન્નાએ સુલ્તાનપુરી પોલીસ સ્ટેશનમાં સરેન્ડર કર્યું છે, અંકુશને અકસ્માતની આખી વાત ખબર હતી. તે આરોપી અમિતનો ભાઈ છે. અમિત કાર ચલાવતો હતો, પરંતુ તેની પાસે ડ્રાઇવિંગ લાઇસન્સ ન હતું. આ કારણથી અંકુશે દીપકને ડ્રાઈવર તરીકે બેસાડ્યો હતો.
दिल्ली: कंझावला मौत मामले में सातवें आरोपी अंकुश ने पुलिस के सामने आत्मसमर्पण किया। pic.twitter.com/FwtSzfIFz6
— ANI_HindiNews (@AHindinews) January 6, 2023
દિલ્હી પોલીસે કંઝાવલા વિસ્તારમાં કાર સાથે અથડાયા બાદ વાહનમાંથી ખેંચીને લઈ જવામાં આવેલી છોકરીના મૃત્યુના કેસમાં વધુ એક એટલે કે છઠ્ઠા આરોપીની ધરપકડ કરી છે. પોલીસે આરોપીની ઓળખ આશુતોષ તરીકે કરી છે. આશુતોષે પોલીસને ખોટી માહિતી આપી હતી. આરોપ છે કે તેણે પાંચ આરોપીઓને કાર આપી હતી. આ કેસમાં અગાઉ પોલીસે દીપક ખન્ના, અમિત ખન્ના, કૃષ્ણા, મિથુન અને મનોજ મિત્તલની ધરપકડ કરી હતી. સીસીટીવી કેમેરાના ફૂટેજ અને કોલ ડિટેઈલ રેકોર્ડના આધારે, પોલીસને વધુ બે લોકોની સંડોવણી વિશે જાણવા મળ્યું – આશુતોષ અને અંકુશ ખન્ના, જેઓ આરોપીઓને બચાવવાનો પ્રયાસ કરી રહ્યા હતા.
આરોપીઓ ચાર દિવસના રિમાન્ડ પર
અદાલતે દિલ્હી પોલીસને આરોપીઓની પૂછપરછ માટે વધુ ચાર દિવસની કસ્ટડીમાં રાખવાની મંજૂરી આપી હતી. જોકે, પોલીસે પાંચ દિવસની રિમાન્ડ માંગી હતી.
શું છે મામલો?
કંઝાવલામાં અંજલિ સિંહની સ્કૂટીને એક કારે ટક્કર મારી અને ત્યારબાદ, કારમાં ફસાયેલી અંજલિને સુલતાનપુરીથી કંઝાવલા સુધી લગભગ 12 કિલોમીટર સુધી ઘસડી જવામાં આવી હતી. આ ઘટનામાં યુવતીનું મોત થયું હતું. ઘટના સમયે યુવતી સાથે હાજર તેની મિત્ર નિધિએ કહ્યું હતું કે તે સ્કૂટી પરથી પડી ગયા બાદ ડરના કારણે સ્થળ પરથી ભાગી ગઈ હતી.
