- લોકો કોરોનાને હવે હળવાશથી લઇ રહ્યા છે
- 4 માંથી 3 લોકો થઇ રહ્યા છે પોઝિટિવ
- જો બધા લોકો ટેસ્ટ કરાવે તો કેસની સંખ્યાઘણી વધી શકે
કોરોનાના લક્ષણો હોવા છતાં લોકો ટેસ્ટ કરાવી રહ્યા નથી. સ્થાનિક વર્તુળ દ્વારા કરવામાં આવેલા સર્વે મુજબ, 76 ટકા લોકોમાં લક્ષણો હોવા છતાં પણ કોરોના માટે ટેસ્ટ નથી થઈ રહ્યા. છેલ્લા દિવસોમાં દેશમાં એક દિવસમાં 6100 જેટલા નવા કેસ નોંધાયા છે. છેલ્લા 5 અઠવાડિયામાં કોરોનાના નવા કેસોમાં લગભગ 500%નો વધારો થયો છે. દિલ્હી અને NCR શહેરોના ઘણા જિલ્લાઓમાં ચેપનો દર 10% થી 25% સુધીનો છે. આ સ્થિતિ એવી છે જયારે મોટાભાગના લોકો કોરોના ટેસ્ટ કરાવી રહ્યાં નથી. જો દરેક વ્યક્તિનો કોરોના ટેસ્ટ કરાવવામાં આવે તો કેસ ખૂબ વધી શકે છે.
11000થી વધુનો સર્વે કરાયો
કોરોનાની તીવ્રતાનો અંદાજ મેળવવા સ્થાનિક વર્તુળ દ્વારા રાષ્ટ્રીય સર્વે કરવામાં આવ્યો હતો. આ સર્વે દેશના 303 જિલ્લાઓમાં 11000 થી વધુ લોકો વચ્ચે કરવામાં આવ્યો હતો. માત્ર 12% લોકોએ કહ્યું કે જયારે લક્ષણો દેખાય ત્યારે તેઓએ RT-PCR ટેસ્ટ કરાવ્યો, જયારે 12% લોકોએ એન્ટિજેન અને RT-PCR બંને ટેસ્ટ કરાવ્યા હતા.
શું પુછાયું હતું સર્વેમાં ?
સર્વેમાં લોકોને પૂછવામાં આવ્યું હતું કે શું તેઓએ અથવા તેમના પરિવારના સભ્યોએ કોરોનાના લક્ષણો માટે પોતાનો ટેસ્ટ કરાવ્યો છે? છેલ્લા એક મહિનામાં જયારે તમને અથવા તમારા નજીકના પરિવારના સભ્યોને શરદી, ઉધરસ, તાવ, થાક, શ્વાસ લેવામાં તકલીફ વગેરે જેવા કેટલાક લક્ષણો જોવા મળ્યા છે, ત્યારે શું તમે પરીક્ષણ કરાવ્યું છે? 11449 લોકોએ આનો જવાબ આપ્યો હતો. જેમાં 76 ટકા લોકોએ કહ્યું કે તેમનો કોરોના ટેસ્ટ કરાવ્યો નથી. એટલે કે મોટાભાગના લોકોનો કોરોના ટેસ્ટ નથી થઈ રહ્યો.
કોરોના ચેપ લાંબા ગાળાની સ્વાસ્થ્ય સમસ્યાઓનું કારણ બની શકે
લોકોએ આપેલો પ્રતિભાવ દર્શાવે છે કે મોટાભાગના લોકો કોરોનાને હળવાશથી લઈ રહ્યા છે. જયાં સુધી કોઈ વ્યક્તિ કોઈ અન્ય બીમારીથી પીડિત ન હોય ત્યાં સુધી તેઓ કોરોના ટેસ્ટને ગંભીરતાથી લેતા નથી. કોરોના ચેપ લાંબા ગાળાની સ્વાસ્થ્ય સમસ્યાઓનું કારણ બની શકે છે. જો લોકોનો સમયસર ટેસ્ટ કરાવવામાં આવે તો ચેપનો ફેલાવો પણ રોકી શકાય છે, પરંતુ લોકો હાલમાં કોરોના ટેસ્ટિંગને લઈને ગંભીર નથી. સર્વેમાં સામેલ લોકોએ કહ્યું કે, 76%એ કોરોના ટેસ્ટ લક્ષણો હોવા છતાં કરવામાં આવ્યો ન હતો, 12% RT-PCR ટેસ્ટ કરવામાં આવ્યો હતો અને 12% એન્ટિજેન ટેસ્ટ કરવામાં આવ્યો હતો.
