72 Hoorain ફિલ્મના કો-પ્રોડ્યુસર અશોક પંડિતને પોલીસ સુરક્ષા મળી, કહ્યું- ‘હું ધમકીઓથી ડરતો નથી’
જેની ઘણા સમયથી બધા રાહ જોઈ રહ્યા હતા તે ’72 Hoorain’ ફિલ્મ હવે રિલીઝ થઈ ગઈ છે. પરંતુ ફિલ્મને પહેલા દિવસે બોક્સ ઓફિસ પર ખૂબ જ ઠંડો પ્રતિસાદ મળ્યો છે. આ ફિલ્મ તેના કન્ટેન્ટને લઈને વિવાદોમાં રહી હતી. ફિલ્મને લઈને વિવિધ સ્થળોએ વિરોધ જોવા મળ્યો હતો. ફિલ્મના વિરોધને જોતા નિર્માતા અશોક પંડિતને પોલીસ સુરક્ષા આપવામાં આવી છે.
View this post on Instagram
અશોક પંડિતને ફિલ્મની રિલીઝને લઈને ધમકીઓ મળી રહી હતી. અશોકને સંવેદનશીલ મુદ્દા પર ફિલ્મ બનાવવા માટે ધમકી આપવામાં આવી રહી હતી. તે આ ફિલ્મના કો-પ્રોડ્યુસર છે, તેથી તેને સતત ધમકીઓ અને ચેતવણી આપવામાં આવી રહી હતી. હવે અશોક પંડિતે રાહતનો શ્વાસ લીધો છે કારણ કે ફિલ્મની રિલીઝ સાથે જ તેમને પોલીસ દ્વારા સુરક્ષા પૂરી પાડવામાં આવી છે.
અશોક પંડિતે કહ્યું કે તેમણે મહારાષ્ટ્રના સીએમ એકનાથ શિંદે અને ડેપ્યુટી સીએમ દેવેન્દ્ર ફડણવીસને પોલીસ સુરક્ષા આપવા વિનંતી કરી હતી. પોલીસ તરફથી સુરક્ષા મળ્યા બાદ અશોક પંડિતે સીએમ સહિત મુંબઈ પોલીસનો આભાર માન્યો હતો. તેમણે કહ્યું કે આતંકવાદ સામે બધાએ એક થઈને લડવું પડશે. અશોક પંડિતે એમ પણ કહ્યું કે તેઓ કોઈનાથી ડરતા નથી અને તેમને આ બધાની પરવા નથી.
બોક્સ ઓફિસ પર ખૂબ જ ઠંડો પ્રતિસાદ
ફિલ્મની વાત કરીએ તો 72 Hoorain ફિલ્મનું નિર્દેશન સંજય પુરણ સિંહ ચૌહાણે કર્યું છે. આ ફિલ્મ માટે તેમને નેશનલ એવોર્ડ પણ મળી ચૂક્યો છે. આ ફિલ્મમાં બોલિવૂડ અભિનેતા આમિર બશીર અને પવન મલ્હોત્રાએ મુખ્ય ભૂમિકા ભજવી છે. ફિલ્મના પ્રદર્શનની વાત કરીએ તો પહેલા દિવસે આ ફિલ્મ બોક્સ ઓફિસ પર કોઈ ખાસ કમાલ બતાવી શકી નથી. ફિલ્મે પહેલા દિવસે લગભગ 50 લાખની કમાણી કરી હતી, જે ફિલ્મના હાઇપને ધ્યાનમાં રાખીને ઓછુ કલેક્શન કહી શકાય.
